15.53C Vancouver 15.53C VancouverNov 2, 2021 1:08 AM - The Canadian Press
ਬੀ.ਸੀ. ਦੇ ਸਿਹਤ ਅਧਿਕਾਰੀਆਂ ਨੇ ਅੱਜ ਇੱਕ ਪ੍ਰੈਸ ਕਾਨਫਰੰਸ ਕਰ ਸੂਬੇ 'ਚ ਕੋਵਿਡ-19 ਸੰਬੰਧੀ ਜਾਣਕਾਰੀਆਂ ਸਾਂਝੀਆਂ ਕੀਤੀਆਂ ਹਨ।
ਇਸੇ ਦੌਰਾਨ ਦੱਸਿਆ ਗਿਆ ਕਿ ਸੂਬੇ 'ਚ 22 ਨਵੰਬਰ ਤਕ ਸਾਰੇ ਪਬਲਿਕ ਸਰਵਿਸ ਕਰਮਚਾਰੀਆਂ ਨੂੰ ਪੂਰੀ ਤਰ੍ਹਾਂ ਵੈਕਸੀਨੇਟਿਡ ਹੋਣਾ ਜਰੂਰੀ ਹੋਵੇਗਾ।
ਇਸ ਦੇ ਨਾਲ ਹੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਦੱਸਿਆ ਕਿ ਸੂਬੇ ਦੇ ਜਿਹੜੇ ਲੋਕਾਂ ਨੇ ਔਕਸਫਰਡ-ਐਸਟ੍ਰਾਜੈਨਕਾ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਹਾਸਿਲ ਕੀਤੀਆਂ ਸਨ ਉਨ੍ਹਾਂ ਨੂੰ ਕੋਵਿਡ-19 ਦੀ ਬੂਸਟਰ ਡੋਜ ਹਾਸਿਲ ਹੋ ਸਕੇਗੀ।
ਦੋਵੇਂ ਖੁਰਾਕਾਂ ਤੋਂ ਘਟੋ-ਘੱਟ 6 ਮਹੀਨੇ ਬਾਅਦ ਵੈਕਸੀਨ ਹਾਸਿਲ ਕੀਤੀ ਜਾ ਸਕੇਗੀ।
ਉਨ੍ਹਾਂ ਕਿਹਾ ਕਿ ਬੂਸਟਰ ਖੁਰਾਕ ਕਿਸੇ ਐਮ.ਆਰ.ਐਨ.ਏ. ਵੈਕਸੀਨ ਦੀ ਪ੍ਰਦਾਨ ਕੀਤੀ ਜਾਵੇਗੀ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਦੋਵਾਂ ਖੁਰਾਕਾਂ ਨਾਲ ਐਮ.ਆਰ.ਐਨ.ਏ. ਵੈਕਸੀਨ ਦਾ ਤਾਲਮੇਲ ਕੋਵਿਡ-19 ਤੋਂ ਬਚਾਅ ਲਈ ਬੇਹੱਦ ਪ੍ਰਭਾਵਸ਼ਾਲੀ ਹੈ।
