ਕੈਨੇਡਾ ਵਿਚ ਵੀਰਵਾਰ ਹਜ਼ਾਰਾਂ ਰੇਲ ਮੁਸਾਫਰਾਂ ਨੂੰ ਕਰਨਾ ਪੈ ਸਕਦੈ ਪ੍ਰੇਸ਼ਾਨੀ ਦਾ ਸਾਹਮਣਾ

ਕੈਨੇਡਾ ਵਿਚ ਵੀਰਵਾਰ ਹਜ਼ਾਰਾਂ ਰੇਲ ਮੁਸਾਫਰਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ, ਖਾਸ ਤੌਰ ’ਤੇ “ਟੋਰਾਂਟੋ, ਮਾਂਟਰੀਅਲ ਅਤੇ ਵੈਨਕੂਵਰ ਵਿਚ 32 ਹਜ਼ਾਰ ਤੋਂ ਵੱਧ ਰੇਲ ਯਾਤਰੀ ਪ੍ਰਭਾਵਿਤ ਹੋ ਸਕਦੇ ਹਨ। ਇਸ ਦੀ ਵਜ੍ਹਾ ਹੈ ਕਿ ਟਰਾਂਜ਼ਿਟ ਅਧਿਕਾਰੀ ਨੇ ਕਿਹਾ ਹੈ ਕਿ ਜੇ ਮਾਲ ਰੇਲ ਵਰਕਰਜ਼ ਦੇ ਨਾਲ 3, 200 ਹੋਰ ਵਰਕਰਜ਼ ਅਤੇ ਡਿਸਪੈਚਰ ਵੀ ਕੰਮ ਛੱਡ ਕੇ ਹੜਤਾਲ ਵਿਚ ਸ਼ਾਮਲ ਹੋ ਜਾਂਦੇ ਹਨ ਤਾਂ ਸੀ.ਪੀ.ਕੇ.ਸੀ. ਟਰੈਕ ’ਤੇ ਚੱਲਣ ਵਾਲੀਆਂ ਕੁਝ ਯਾਤਰੀ ਲਾਈਨਾਂ ਨੂੰ ਸਸਪੈਂਡ ਕਰ ਦਿੱਤਾ ਜਾਵੇਗਾ।

ਇਹ ਪਹਿਲੀ ਵਾਰ ਹੈ ਜਦੋਂ ਕੈਨੇਡਾ ਦੀਆਂ ਦੋ ਪ੍ਰਮੁੱਖ ਰੇਲਵੇ ਕੰਪਨੀਆਂ ਕੈਨੇਡੀਅਨ ਨੈਸ਼ਨਲ ਰੇਲਵੇ ਤੇ ਸੀ.ਪੀ.ਕੇ.ਸੀ. ਯਾਨੀ ਕੈਨੇਡੀਅਨ ਪੈਸੀਫਿਕ ਕੰਸਾਸ ਸਿਟੀ ਇੱਕੋ ਸਮੇਂ ਲੇਬਰ ਸਟੋਪੇਜ ਦੀ ਕਗਾਰ ’ਤੇ ਹਨ। ਕੰਪਨੀਆਂ ਦਾ ਕਹਿਣਾ ਹੈ ਜੇ ਕਿਸੇ ਸਮਝੌਤੇ ’ਤੇ ਗੱਲਬਾਤ ਨਾ ਬਣ ਸਕੀ ਤਾਂ ਵੀਰਵਾਰ ਦੇ ਤੜਕਸਾਰ ਤੋਂ ਹੀ ਕੰਮ ਸਸਪੈਂਡ ਕਰ ਦਿੱਤਾ ਜਾਵੇਗਾ, ਉਸੇ ਦਿਨ ਯੂਨੀਅਨ ਹੜਤਾਲ ’ਤੇ ਜਾਣ ਲਈ ਤਿਆਰ ਹੈ।

ਟੀਮਸਟਰਜ਼ ਯੂਨੀਅਨ- ਤਨਖਾਹ ਵਿਚ ਵਾਧੇ ਤੇ ਬਿਹਤਰ ਫੂਡ ਹੈਲਥ ਦੀ ਮੰਗ ਕਰ ਰਹੀ ਹੈ। ਫੂਡ, ਹੈਲਥ ਅਤੇ ਖਪਤਕਾਰ ਉਦਯੋਗ ਸਮੂਹ ਦਾ ਕਹਿਣਾ ਹੈ ਕਿ ਜੇ ਰੇਲਵੇ ਦਾ ਕੰਮਕਾਜ ਲੰਬੇ ਸਮੇਂ ਲਈ ਠੱਪ ਹੁੰਦਾ ਹੈ ਤਾਂ ਇਸ ਨਾਲ ਰੇਲ ਜ਼ਰੀਏ ਕੈਨੇਡਾ ਪਹੁੰਚਣ ਵਾਲੇ ਮੀਟ ਅਤੇ ਫਰੂਟ ਵਰਗੀਆਂ ਚੀਜ਼ਾਂ ਦੀ ਸਪਲਾਈ ਪ੍ਰਭਾਵਿਤ ਹੋਵੇਗੀ।