ਕੈਨੇਡੀਅਨਸ ਨੂੰ ਵਿਆਜ ਦਰਾਂ 'ਤੇ ਰਾਹਤ ਮਿਲਣ ਦੇ ਆਸਾਰ ਘੱਟ

ਕੈਨੇਡੀਅਨਾਂ ਨੂੰ ਵਿਆਜ ਦਰਾਂ ਦੇ ਮੋਰਚੇ 'ਤੇ ਰਾਹਤ ਨਾ ਮਿਲਣ ਦੀ ਉਮੀਦ ਹੈ। ਬੈਂਕ ਆਫ ਕੈਨੇਡਾ ਦੀ ਬੈਠਕ ਤੋਂ ਪਹਿਲਾਂ ਜ਼ਿਆਦਾਤਰ ਅਰਥਸ਼ਾਸਤਰੀਆਂ ਅਤੇ ਮਾਰਕੀਟ ਵਿਸ਼ਲੇਸ਼ਕਾਂ ਦਾ ਕਹਿਣਾ ਹੈ ਕਿ ਮੂਲ ਮੁਦਰਾਸਫੀਤੀ ਅਤੇ ਨੌਕਰੀਆਂ ਵਿਚ ਮਜਬੂਤੀ ਨੂੰ ਦੇਖਦੇ ਹੋਏ ਸੈਂਟਰਲ ਬੈਂਕ ਵਲੋਂ ਵਿਆਜ ਦਰਾਂ ਨੂੰ ਲਗਾਤਾਰ ਤੀਜੀ ਵਾਰ 2.75 ਫੀਸਦੀ 'ਤੇ ਸਥਿਰ ਰੱਖਣ ਦੀ ਸੰਭਾਵਨਾ ਹੈ।

BMO ਕੈਪੀਟਲ ਮਾਰਕਿਟ ਦੇ ਮੁੱਖ ਅਰਥਸ਼ਾਸਤਰੀ ਡੱਗ ਪੋਰਟਰ ਨੇ ਕਿਹਾ ਕਿ ਬੈਂਕ ਆਫ ਕੈਨੇਡਾ ਦੇ ਲਿਹਾਜ ਨਾਲ ਮੂਲ ਮੁਦਰਾਸਫੀਤੀ ਅਜੇ ਵੀ 3 ਫੀਸਦੀ ਤੋਂ ਥੋੜ੍ਹੀ ਉਪਰ ਬਣੀ ਹੋਈ ਹੈ।

ਉਨ੍ਹਾਂ ਕਿਹਾ ਕਿ ਟਰੰਪ ਦੇਸਟੀਲ, ਐਲੂਮੀਨੀਅਮ ਅਤੇ ਆਟੋਮੋਬਾਈਲਜ਼ 'ਤੇ ਟੈਰਿਫ ਦਾ ਪ੍ਰਭਾਵ ਇਨ੍ਹਾਂ ਸੈਕਟਰ 'ਤੇ ਹੀ ਸੀਮਤ ਰਿਹਾ, ਜਦੋਂ ਕਿ ਹੋਰ ਸੈਕਟਰਸ ਵਿਚ ਜੂਨ ਦੌਰਾਨ ਚੰਗੀ ਜੌਬ ਗ੍ਰੋਥ ਦੇਖਣ ਨੂੰ ਮਿਲੀ ਹੈ। ਓਧਰ, ਮਨੀ ਮਾਰਕਿਟ ਨੇ ਵੀ ਰੇਟ ਕੱਟ ਦੀ ਮਹਿਜ 7 ਤੋਂ 8 ਫੀਸਦੀ ਸੰਭਾਵਨਾ ਜਤਾਈ ਹੈ।