20.12C Vancouver 20.12C VancouverAug 12, 2026 5:12 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਫੈਡਰਲ ਸਰਕਾਰ ਨੇ ਦੇਸ਼ ਭਰ ਦੀਆਂ ਕਮਿਊਨਿਟੀ ਨੂੰ ਜਲਵਾਯੂ ਤਬਦੀਲੀ ਨਾਲ ਨਜਿੱਠਣ ਵਿਚ ਮਦਦ ਕਰਨ ਲਈ $34-ਮਿਲੀਅਨ ਦੀ ਸਹਾਇਤਾ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਫੰਡਿੰਗ ਦਾ ਉਦੇਸ਼ ਨਗਰ ਪਾਲਿਕਾਵਾਂ ਅਤੇ ਸਥਾਨਕ ਸੰਸਥਾਵਾਂ ਨੂੰ ਅਜਿਹੇ ਪ੍ਰੋਜੈਕਟ ਸ਼ੁਰੂ ਕਰਨ ਵਿਚ ਮਦਦ ਕਰਨਾ ਹੈ ਜੋ ਹੜ੍ਹ, ਜੰਗਲਾਂ ਦੀ ਅੱਗ ਅਤੇ ਗਰਮੀ ਵਰਗੀਆਂ ਕੁਦਰਤੀ ਆਫ਼ਤਾਂ ਦੇ ਖ਼ਤਰੇ ਨੂੰ ਘਟਾ ਸਕਣ।
ਇਸ ਸਰਕਾਰੀ ਨਿਵੇਸ਼ ਰਾਹੀਂ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਇਨਫਰਾਸਟਕਚਰ ਨੂੰ ਮਜ਼ਬੂਤ ਕੀਤਾ ਜਾਵੇਗਾ ਤਾਂ ਜੋ ਬਦਲਦੇ ਮੌਸਮ ਕਾਰਨ ਹੋਣ ਵਾਲੇ ਨੁਕਸਾਨ ਤੋਂ ਜਨਤਕ ਸੁਰੱਖਿਆ ਯਕੀਨੀ ਬਣਾਈ ਜਾ ਸਕੇ। ਫੈਡਰਲ ਵਾਤਾਵਰਣ ਮੰਤਰੀ ਜੂਲੀ ਡਾਬਰੂਸਿਨ ਨੇ ਅੱਜ ਹੈਲੀਫੈਕਸ ਵਿਚ ਫੰਡਿੰਗ ਦੀ ਘੋਸ਼ਣਾ ਕੀਤੀ, ਮੰਤਰੀ ਨੇ ਮੰਨਿਆ ਕਿ ਕੈਨੇਡਾ ਦਾ ਜਲਵਾਯੂ ਬਦਲ ਰਿਹਾ ਹੈ।
Dabrusin ਮੁਤਾਬਕ, ਇਹ ਫੰਡਿੰਗ ਪੂਰੇ ਕੈਨੇਡਾ ਵਿਚ 128 ਵੱਖ-ਵੱਖ ਕਮਿਊਨਿਟੀ ਵਿਚ ਕੁੱਲ 141 ਜਲਵਾਯੂ ਪ੍ਰੋਜੈਕਟ ਲਈ ਦਿੱਤੀ ਜਾ ਰਹੀ ਹੈ। ਮੰਤਰੀ ਦਾ ਕਹਿਣਾ ਹੈ ਕਿ ਇਸ ਕਦਮ ਨਾਲ ਨਾ ਸਿਰਫ਼ ਲੋਕਾਂ ਦੇ ਜਾਨ-ਮਾਲ ਦੀ ਸੁਰੱਖਿਆ ਹੋਵੇਗੀ ਸਗੋਂ ਪਰਿਵਾਰਾਂ ਅਤੇ ਨਗਰ ਪਾਲਿਕਾਵਾਂ 'ਤੇ ਪੈਣ ਵਾਲਾ ਆਰਥਿਕ ਬੋਝ ਵੀ ਘੱਟ ਹੋਵੇਗਾ। ਫੈਡਰਲ ਸਰਕਾਰ ਸਰਕਾਰ ਵਲੋਂ ਇਸ ਫੰਡਿੰਗ ਵਿਚੋਂ ਬੀ. ਸੀ. ਦੀ ਪੋਰਟ ਕੋਕੁਇਟਲਮ ਸਿਟੀ ਨੂੰ ਹੜ੍ਹ ਸਬੰਧਤ ਇਨਫਰਾਸਟਕਚਰ ਲਈ $789,600 ਦਿੱਤੇ ਗਏ ਹਨ।
