10.81C Vancouver 10.81C VancouverJul 18, 2025 7:07 PM -
ਕੈਨੇਡਾ ਦੀ ਔਰਤਾਂ ਦੀ ਬਾਸਕਿਟਬਾਲ ਟੀਮ ਨੇ ਫੀਬਾ ਅੰਡਰ-19 ਵਿਸ਼ਵ ਕੱਪ ਦੇ ਸੈਮੀਫਾਈਨਲ 'ਚ ਐਂਟਰੀ ਕਰ ਲਈ ਹੈ। ਕੈਨੇਡਾ ਨੇ ਜਪਾਨ ਖਿਲਾਫ ਖੇਡਿਆ ਗਿਆ ਮੁਕਾਬਲਾ 85-65 ਦੇ ਫਰਕ ਨਾਲ ਜਿੱਤ ਲਿਆ।
ਇਸ ਮੁਕਾਬਲੇ 'ਚ ਸਾਇਲਾ ਸਵੋਰਡਸ ਨੇ ਦਮਦਾਰ ਪ੍ਰਦਰਸ਼ਨ ਕਰਦਿਆਂ ਕੈਨੇਡਾ ਲਈ 17 ਅੰਕਾਂ ਦਾ ਯੋਗਦਾਨ ਪਾਇਆ। ਇਸੇ ਮੁਕਾਬਲੇ 'ਚ ਜੈਸਮੀਨ ਬੌਸਕੋ ਨੇ 16 ਅੰਕਾਂ ਦਾ ਯੋਗਦਾਨ ਪਾਇਆ।
ਚੈਕ ਰਿਪਬਲਿਕ 'ਚ ਖੇਡੇ ਜਾ ਰਹੇ ਟੂਰਨਾਮੈਂਟ 'ਚ ਔਂਟੈਰੀਓ ਦੇ ਸਡਬਰੀ ਤੋਂ ਵਾਸਤਾ ਰੱਖਣ ਵਾਲੀ ਸਵੋਰਡਸ ਦਾ ਪ੍ਰਦਰਸ਼ਨ ਪ੍ਰਸ਼ੰਸਾ-ਯੋਗ ਰਿਹਾ ਹੈ ਅਤੇ ਉਨ੍ਹਾਂ ਦੀ ਪ੍ਰਤੀ ਮੁਕਾਬਲੇ ਦੀ ਐਵਰੇਜ 16 ਪਾਇੰਟ 6 ਅੰਕਾਂ, 6 ਪਾਇੰਟ 2 ਰਿਬਾਊਂਡਸ ਅਤੇ 1 ਪਾਇੰਟ 8 ਅਸਿਸਟਸ ਦੀ ਰਹੀ ਹੈ।
ਕਨੇਡੀਅਨ ਟੀਮ ਦਾ ਸੈਮੀਫਾਈਨਲ ਮੁਕਾਬਲਾ ਸ਼ਨੀਵਾਰ ਨੂੰ ਆਸਟ੍ਰੇਲੀਆ ਖਿਲਾਫ ਹੋਵੇਗਾ।
