13.14C Vancouver 13.14C VancouverAug 11, 2021 3:40 PM -
ਮਾਈਕਲ ਸਪਾਵੋਰ ਨੂੰ ਮਿਲੀ 11 ਸਾਲਾਂ ਦੀ ਜੇਲ੍ ਦੀ ਸਜ਼ਾ ਤੋਂ ਬਾਅਦ ਫ਼ੋਰਨ ਅਫ਼ੇਰਸ ਮਿਨਿਸਟਰ ਮਾਰਕ ਗਾਰਨਯੂ ਨੇ ਕਿਹਾ ਕਿ ਕੈਨੇਡਾ ਉਹਨਾਂ ਦੀ ਰਿਹਾਈ ਲਈ ਆਪਣੀ ਲੜਾਈ ਜਾਰੀ ਰੱਖੇਗਾ। ਗਾਰਨਯੂ ਨੇ ਅੱਜ ਸਵੇਰੇ ਇੱਕ ਨਿਊਜ਼ ਕਾਨਫਰੰਸ ਨੂੰ ਸੰਮਬੋਧਨ ਕਰਦੇ ਹੋਏ ਸਪਾਵੋਰ ਨੂੰ ਸੁਣਾਈ ਸਜ਼ਾ ਦੀ ਨਿਖੇਦੀ ਕੀਤੀ ਅਤੇ ਕਿਹਾ ਕਿ ਮਾਰਚ ਵਿੱਚ ਬੰਦ ਦਰਵਾਜ਼ੇ ਪਿੱਛੇ ਹੋਈ ਸੁਣਵਾਈ ਵੀ ਅੰਤਰਰਾਸ਼ਟਰੀ ਕਨੂੰਨ ਦੇ ਮੁਤਾਬਿਕ ਸਹੀ ਨਹੀਂ ਸੀ।
ਉਹਨਾਂ ਨੇ ਕਿਹਾ ਕਿ ਕੈਨੇਡਾ ਯੂ ਐਸ ਏ ਸਮੇਤ ਆਪਣੇ ਸਹਯੋਗੀਆਂ ਨਾਲ ਰਲ ਕੇ ਸਪਾਵੋਰ ਅਤੇ ਮਾਈਕਲ ਕੋਵਰਿਗ ਦੀ ਰਿਹਾਈ ਲਈ ਕੋਸ਼ਿਸ਼ ਕਰ ਰਿਹਾ ਹੈ, ਹਲਾਂ ਕਿ ਉਹਨਾਂ ਨੇ ਕੋਈ ਵੀ ਵੇਰਵੇ ਜਾਰੀ ਕਰਨ ਤੋਂ ਇਨਕਾਰ ਕੀਤਾ।
ਇਹਨਾਂ ਦੋਵਾਂ ਮਾਈਕਲਸ ਨੂੰ ਉੱਥੇ ਹਿਰਾਸਤ ਵਿੱਚ ਲਏ 3 ਸਾਲ ਹੋ ਗਏ ਹਨ। ਇਹਨਾਂ ਨੂੰ ਜਾਸੂਸੀ ਕਰਨ ਦੇ ਦੋਸ਼ ਅਧੀਨ 2018 ਵਿੱਚ ਵੈਨਕੂਵਰ ਏਅਰਪੋਰਟ ਤੇ ਮੇਂਗ ਵਨਜ਼ੋ ਦੀ ਹੋਈ ਗਿਰਫਤਾਰੀ ਤੋਂ ਬਾਅਦ ਫ਼ੜਿਆ ਗਿਆ ਸੀ।
ਇੱਧਰ ਬੀ ਸੀ ਸੁਪਰੀਮ ਕੋਰਟ ਵਿੱਚ ਮੇਂਗ ਦੀ ਯੂ ਐਸ ਨੂੰ ਸਪੁਰਦਗੀ ਦੇ ਕੇਸ ਵਿੱਚ ਫਾਈਨਲ ਸੁਣਵਾਈ ਅੱਜ ਤੋਂ ਸ਼ੁਰੂ ਹੋ ਰਹੀ ਹੈ।
ਸਪਾਵੋਰ ਨੂੰ ਸੁਣਾਈ ਸਜ਼ਾ ਤੋਂ ਪਹਿਲਾਂ ਚੀਨ ਦੀ ਕੋਰਟ ਨੇ ਕੈਨੇਡਾ ਦੇ ਨਾਗਰਿਕ ਰੋਬਰਟ ਸ਼ੈਲੇਨਬਰਗ ਦੀ ਮੌਤ ਦੀ ਸਜ਼ਾ ਨੂੰ ਵੀ ਬਰਕਰਾਰ ਰੱਖਣ ਦੇ ਹੁਕੁਮ ਸੁਣਾਏ ਹਨ।
