26.06C Vancouver 26.06C VancouverOct 20, 2020 1:42 AM -
ਕੈਨੇਡਾ 'ਚ ਕੋਵਿਡ-19 ਦੇ ਮਾਮਲਿਆਂ ਦੀ ਗਿਣਤੀ ਅੱਜ 2 ਲੱਖ ਦੇ ਪਾਰ ਹੋ ਗਈ ਹੈ।
ਅੱਜ ਦੇਸ਼ 'ਚ ਇਕੱਲੇ ਕਿਊਬੈਕ ਅਤੇ ਔਂਟੈਰੀਓ ਦੇ ਸੂਬਿਆਂ 'ਚ ਹੀ 1,700 ਤੋਂ ਵਧੇਰੇ ਮਾਮਲੇ ਰਿਪੋਰਟ ਹੋਏ ਹਨ।
ਅੱਜ ਕਿਊਬੈਕ 'ਚ 1,038 ਨਵੇਂ ਮਾਮਲੇ ਅਤੇ 6 ਮੌਤਾਂ ਰਿਪੋਰਟ ਹੋਈਆਂ ਹਨ।
ਇਕੱਲੇ ਕਿਊਬੈਕ 'ਚ ਵਾਇਰਸ ਸੰਬੰਧੀ ਮੌਤਾਂ ਦੀ ਗਿਣਤੀ 6,044 ਤੱਕ ਪਹੁੰਚ ਗਈ ਹੈ।
ਕੈਨੇਡਾ ਦੇ ਕੁੱਲ 2 ਲੱਖ ਮਾਮਲਿਆਂ 'ਚ 94,429 ਮਾਮਲੇ ਸਿਰਫ਼ ਕਿਊਬੈਕ 'ਚ ਹੀ ਰਿਪੋਰਟ ਹੋਏ ਹਨ।
ਅੱਜ ਔਂਟੈਰੀਓ 'ਚ 704 ਮਾਮਲੇ ਰਿਪੋਰਟ ਹੋਏ ਹਨ, ਜਦਕਿ ਸੂਬੇ 'ਚ 4 ਲੋਕਾਂ ਦੀ ਮੌਤ ਰਿਪੋਰਟ ਹੋਈ ਹੈ।
ਔਂਟੈਰੀਓ 'ਚ 74 ਮਾਮਲੇ ਸਿਰਫ਼ ਸਕੂਲਾਂ ਨਾਲ ਹੀ ਸੰਬੰਧਤ ਦੱਸੇ ਗਏ ਹਨ, ਜਿਸ 'ਚ ਘਟੋ-ਘੱਟ 48 ਮਾਮਲੇ ਵਿਦਿਆਰਥੀਆਂ ਨਾਲ ਸੰਬੰਧਤ ਹਨ।
ਅੱਜ ਬੀ.ਸੀ. 'ਚ ਬੀਤੇ 72 ਘੰਟਿਆਂ ਦੌਰਾਨ ਕੋਰੋਨਾ ਵਾਇਰਸ ਦੇ 499 ਮਾਮਲੇ ਰਿਪੋਰਟ ਹੋਏ ਹਨ।
ਇਕੱਲੇ ਐਲਬਰਟਾ 'ਚ ਬੀਤੇ 73 ਘੰਟਿਆਂ ਦੇ ਕੋਵਿਡ-19 ਸੰਬੰਧਤ ਮਾਮਲਿਆਂ ਦੀ ਗਿਣਤੀ 898 ਰਹੀ ਹੈ।
ਡਾ. ਡੇਵਿਡ ਵਿਲੀਅਮਸ ਨੇ ਬੱਚਿਆਂ ਨੂੰ ਦਿੱਤੀ ਟ੍ਰੈਡੀਸ਼ਨਲ ਹੈਲੋਈਨ ਗਤੀਵਿਧੀਆਂ ਤੋਂ ਦੂਰ ਰਹਿਣ ਦੀ ਸਲਾਹ
ਔਂਟੈਰੀਓ ਦੇ ਸਿਹਤ ਸੰਬੰਧੀ ਚੀਫ਼ ਮੈਡਿਕਲ ਅਫ਼ਸਰ, ਡਾ. ਡੇਵਿਡ ਵਿਲੀਅਮਸ ਦਾ ਕਹਿਣਾ ਹੈ ਕਿ ਬੱਚਿਆਂ ਨੂੰ ਇਸ ਵਾਰ ਟ੍ਰੈਡੀਸ਼ਨਲ ਹੈਲੋਈਨ ਗਤੀਵਿਧੀਆਂ ਤੋਂ ਬਚਾਅ ਕਰਨਾ ਚਾਹੀਦਾ ਹੈ।
ਉਨ੍ਹਾਂ ਕਿਹਾ ਕਿ ਖਾਸ ਤੌਰ 'ਤੇ ਔਂਟੈਰੀਓ ਦੇ ਵਧੇਰੇ ਵਾਇਰਸ ਪ੍ਰਭਾਵਿਤ ਇਲਾਕਿਆਂ 'ਚ ਬੱਚਿਆਂ ਨੂੰ ਜ਼ਰੂਰ ਧਿਆਨ ਰੱਖਣਾ ਚਾਹੀਦਾ ਹੈ।
ਉਨ੍ਹਾਂ ਸਲਾਹ ਦਿੱਤੀ ਕਿ ਔਟਵਾ, ਟੋਰੌਂਟੋ, ਪੀਲ ਰਿਜਨ ਅਤਰ ਯੌਰਕ ਰਿਜਨ 'ਚ ਬੱਚਿਆਂ ਨੂੰ ਟ੍ਰਿਕ-ਔਰ-ਟ੍ਰੀਟਿੰਗ ਲਈ ਨਾ ਭੇਜਿਆ ਜਾਵੇ।
ਉਨ੍ਹਾਂ ਕਿਹਾ ਕਿ ਲੋਕਾਂ ਇਸ ਦੇ ਲਈ ਨੂੰ ਵਰਚੁਅਲ ਤਰੀਕੇ ਅਪਨਾਉਣੇ ਚਾਹੀਦੇ ਹਨ।
ਯਾਦ ਰਹੇ ਅੱਜ ਟੋਰੌਂਟੋ 'ਚ 244, ਪੀਲ ਰਿਜਨ 'ਚ 168, ਯੌਰਕ ਰਿਜਨ 'ਚ 103 ਅਤੇ ਔਟਵਾ 'ਚ 51 ਮਾਮਲੇ ਰਿਪੋਰਟ ਹੋਏ ਹਨ।
