14.97C Vancouver 14.97C VancouverMar 25, 2024 7:09 PM - The Canadian Press
ਕੈਨੇਡਾ ਸਰਕਾਰ ਵਲੋਂ ਹੈਤੀ ਵਿਚ ਫਸੇ ਕੈਨੇਡੀਅਨਾਂ ਨੂੰ ਉੱਥੋਂ ਕੱਢਣ ਵਿਚ ਮਦਦ ਦੀ ਘੋਸ਼ਣਾ ਕੀਤੀ ਗਈ ਹੈ। ਵਿਦੇਸ਼ੀ ਮਾਮਲਿਆਂ ਦੀ ਮੰਤਰੀ ਮੇਲਾਨੀ ਜੌਲੀ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿਚ ਕਿਹਾ ਕਿ ਇਸ ਸਮੇਂ ਲਗਭਗ 30 ਕੈਨੇਡੀਅਨਾਂ ਨੇ ਹੈਤੀ ਵਿਚੋਂ ਤੁਰੰਤ ਨਿਕਲਣ ਲਈ ਰਜਸਿਟਰ ਕੀਤਾ ਸੀ, ਜਿਨ੍ਹਾਂ ਵਿਚੋਂ 18 ਅੱਜ ਨਿਕਲ ਗਏ ਹਨ।
ਉਨ੍ਹਾਂ ਬੇਨਤੀ ਕੀਤੀ ਕਿ ਜਿਨ੍ਹਾਂ ਕੈਨੇਡੀਅਨਾਂ ਦਾ ਆਪਣਾ ਕੋਈ ਹੈਤੀ ਵਿਚ ਹੈ ਉਨ੍ਹਾਂ ਦਾ ਨਾਮ ਗਲੋਬਲ ਅਫੇਅਰਜ਼ ਨਾਲ ਦਰਜ ਕਰਵਾਇਆ ਜਾਵੇ ਤਾਂ ਜੋ ਉਨ੍ਹਾਂ ਨੂੰ ਉਥੋਂ ਕੱਢਣ ਵਿਚ ਮਦਦ ਕੀਤੀ ਜਾ ਸਕੇ।
ਗੌਰਤਲਬ ਹੈ ਕਿ ਹੈਤੀ ਗੈਂਗ ਹਿੰਸਾ ਦਾ ਸਾਹਮਣਾ ਕਰ ਰਿਹਾ ਹੈ। ਵਿਦੇਸ਼ੀ ਮਾਮਲਿਆਂ ਦੀ ਮੰਤਰੀ ਮੇਲਾਨੀ ਜੌਲੀਨੇ ਔਟਵਾ ਵਿਚ ਪੱਤਰਕਾਰਾਂ ਨੂੰ ਦੱਸਿਆ ਕਿ ਕੈਨੇਡਾ ਹੈਤੀ ਵਿਚ ਫਸੇ ਕੈਨੇਡੀਅਨ ਲਈ ਡੋਮਿਨਿੱਕ ਰਿਪਬਲਿਕ ਤੱਕ ਯਾਤਰਾ ਦੀ ਸਹੂਲਤ ਦੇਵੇਗਾ।
ਉਨ੍ਹਾਂ ਕਿਹਾ ਕਿ ਪਹਿਲ ਬੱਚਿਆਂ ਅਤੇ ਉਨ੍ਹਾਂ ਲੋਕਾਂ ਨੂੰ ਦਿੱਤੀ ਜਾ ਰਹੀ ਹੈ ਜੋ ਜਿਨ੍ਹਾਂ ਨੂੰ ਮੈਡੀਕਲ ਸਹਾਇਤਾ ਦੀ ਜ਼ਰੂਰਤ ਹੈ। ਜੌਲੀ ਨੇ ਕਿਹਾ ਕਿ ਕੈਨੇਡੀਅਨਾਂ ਨੂੰ ਹੈਤੀ ਤੋਂ ਗੁਆਂਢੀ ਮੁਲਕ ਡੋਮਿਨਿੱਕ ਰਿਪਬਲਿਕ ਲਿਜਾਇਆ ਜਾਵੇਗਾ, ਜਿੱਥੋਂ ਉਹਨਾਂ ਨੂੰ ਘਰ ਵਾਪਸੀ ਲਈ ਫਲਾਈਟ ਖੁਦ ਲੈਣੀ ਹੋਵੇਗੀ।
