ਕੈਨੇਡਾ ਦੇ ਵਿੱਤ ਮੰਤਰੀ ਫਾਂਸਵਾ-ਫਿਲਿਪ ਸ਼ੈਂਪੇਨ ਅੱਜ ਤੋਂ ਅਮਰੀਕਾ ਦੌਰੇ 'ਤੇ

ਕੈਨੇਡਾ ਦੇ ਵਿੱਤ ਮੰਤਰੀ ਫਾਂਸਵਾ-ਫਿਲਿਪ ਸ਼ੈਂਪੇਨ ਅੱਜ ਤੋਂ ਅਮਰੀਕਾ ਦੇ ਤਿੰਨ ਦੌਰੇ 'ਤੇ ਹਨ। ਸ਼ੈਂਪੇਨ 15, 16 ਅਤੇ 17 ਅਪ੍ਰੈਲ ਨੂੰ ਵਾਸ਼ਿੰਗਟਨ ਡੀ.ਸੀ. ਵਿਖੇ ਜੀ 7 ਅਤੇ ਜੀ 20 ਦੇ ਵਿੱਤ ਮੰਤਰੀ ਅਤੇ ਸੈਂਟਰਲ ਬੈਂਕ ਦੇ ਗਵਰਨਰ ਦੀਆਂ ਮੀਟਿੰਗ ਵਿਚ ਹਿੱਸਾ ਲੈਣਗੇ। ਇਸ ਤੋਂ ਇਲਾਵਾ ਉਹ ਆਈ.ਐਮ.ਐਫ ਅਤੇ ਵਿਸ਼ਵ ਬੈਂਕ ਸਮੂਹ ਦੀ ਸਾਲਾਨਾ ਸਪਰਿੰਗ ਮੀਟਿੰਗ ਵਿਚ ਵੀ ਸ਼ਿਰਕਤ ਕਰਨਗੇ।

ਵਿਸ਼ਵਵਿਆਪੀ ਆਰਥਿਕ ਅਨਿਸ਼ਚਿਤਤਾ ਦੇ ਦੌਰ ਵਿਚ ਇਨ੍ਹਾਂ ਬੈਠਕ ਦਾ ਮੁੱਖ ਉਦੇਸ਼ ਮਿਡਲ ਈਸਟ ਦੇ ਟਕਰਾਅ ਅਤੇ ਰੂਸ-ਯੂਕਰੇਨ ਜੰਗ ਕਾਰਨ ਪੈਦਾ ਹੋਏ ਆਰਥਿਕ ਖ਼ਤਰਿਆਂ 'ਤੇ ਚਰਚਾ ਕਰਨਾ ਹੈ।

ਮੰਤਰੀ ਸ਼ੈਂਪੇਨ ਵਾਸ਼ਿੰਗਟਨ ਡੀ. ਸੀ. ਦੀ ਆਪਣੀ ਫੇਰੀ ਦੌਰਾਨ ਕੈਨੇਡਾ ਵਿਚ ਨਿਵੇਸ਼ ਵਧਾਉਣ ਅਤੇ ਵਪਾਰਕ ਸਾਂਝੇਦਾਰੀ ਮਜ਼ਬੂਤ ਕਰਨ ਲਈ ਕਈ ਸਰਕਾਰੀ ਅਤੇ ਕਾਰੋਬਾਰੀ ਆਗੂਆਂ ਨਾਲ ਵੀ ਮੁਲਾਕਾਤ ਕਰਨਗੇ।ਯੂਕਰੇਨ ਦੇ ਵਿੱਤ ਮਿਨਿਸਟਰ ਸਰਗੀ ਮਾਰਚੇਂਕੋ ਵੀ ਇਨ੍ਹਾਂ ਮੀਟਿੰਗਾਂ ਦੇ ਕੁਝ ਹਿੱਸਿਆਂ ਵਿਚ ਸ਼ਾਮਲ ਹੋਣਗੇ।