12.21C Vancouver 12.21C VancouverApr 3, 2025 4:08 PM - Connect Newsroom
ਕੈਨੇਡਾ ਵਲੋਂ ਅਮਰੀਕੀ ਕਾਰਾਂ 'ਤੇ ਬਰਾਬਰ ਦਾ ਟੈਰਿਫ ਲਗਾ ਦਿੱਤਾ ਗਿਆ ਹੈ। ਇਸ ਦੀ ਘੋਸ਼ਣਾ ਅੱਜ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਕੀਤੀ। ਉਨ੍ਹਾਂ ਕਿਹਾ ਕਿ ਟਰੰਪ ਦੇ ਟੈਰਿਫ ਖਿਲਾਫ ਜਵਾਬੀ ਕਾਰਵਾਈ ਕਰਦੇ ਹੋਏ ਕੈਨੇਡਾ ਅਮਰੀਕਾ ਤੋਂ ਜ਼ਰੂਰੀ ਸਾਰੇ ਵਾਹਨਾਂ 'ਤੇ 25 ਫੀਸਦੀ ਟੈਰਿਫ ਲਗਾ ਰਿਹਾ ਹੈ, ਜੋ ਸਾਡੇ ਉੱਤਰੀ ਅਮਰੀਕੀ ਮੁਕਤ ਵਪਾਰ ਸਮਝੌਤੇ ਤਹਿਤ ਨਹੀਂ ਆਉਂਦੇ ਹਨ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕੈਨੇਡਾ ਆਟੋ ਪਾਰਟਸ 'ਤੇ ਟੈਰਿਫ ਨਹੀਂ ਲਗਾਏਗਾ ਕਿਉਂਕਿ ਇਹ ਸਾਡੇ ਉਤਪਾਦਨ ਸਿਸਟਮ ਦਾ ਜ਼ਰੂਰੀ ਹਿੱਸਾ ਹਨ।
ਗੌਰਤਲਬ ਹੈ ਕਿ ਟਰੰਪ ਵਲੋਂ ਬਾਹਰੀ ਕਾਰਾਂ 'ਤੇ ਲਗਾਏ ਗਏ 25 ਫੀਸਦੀ ਟੈਰਿਫ ਦੇ ਪ੍ਰਭਾਵੀ ਹੋਣ ਦਾ ਕੁਝ ਹੀ ਘੰਟਿਆਂ ਵਿਚ ਅਸਰ ਦੁਨੀਆ ਭਰ ਵਿਚ ਦਿਸਣ ਲੱਗਾ ਹੈ। ਜੀਪ ਨਿਰਮਾਤਾ ਸਟੈਲੈਂਟਿਸ ਨੇ ਕੈਨੇਡਾ ਅਤੇ ਮੈਕਸੀਕੋ ਵਿਚ ਕੁਝ ਉਤਪਾਦਨ ਰੋਕਣ ਦਾ ਫੈਸਲਾ ਕੀਤਾ ਹੈ।
ਉਥੇ ਹੀ, ਫੋਰਡ ਮੋਟਰ ਨੇ ਬਾਜ਼ਾਰ ਵਿਚ ਬਣੇ ਰਹਿਣ ਲਈ ਭਾਰੀ ਛੋਟ ਦੇਣਾ ਸ਼ੁਰੂ ਕਰ ਦਿੱਤਾ ਹੈ। ਟੋਇਟਾ ਮੋਟਰ ਮੈਕਸੀਕੋ ਦੀ ਆਪਣੀ ਇੱਕ ਫੈਕਟਰੀ ਵਿਚ ਓਵਰਟਾਈਮ ਵਿਚ ਕਟੌਤੀ ਕਰ ਰਹੀ ਹੈ।
