28.17C Vancouver 28.17C VancouverDec 16, 2020 4:22 PM -
ਫੈਡਰਲ ਸਰਕਾਰ ਮੁਤਾਬਕ ਚੰਦਰਮਾ 'ਤੇ ਇੱਕ ਕਨੇਡੀਅਨ ਪੁਲਾੜ ਯਾਤਰੀ ਨੂੰ ਭੇਜਣ ਲਈ ਅਮਰੀਕਾ ਨਾਲ ਇੱਕ ਸਮਝੌਤਾ ਕੀਤਾ ਗਿਆ ਹੈ।
2023 ਵਿੱਚ ਕੀਤੀ ਜਾਣ ਵਾਲੀ ਇਹ ਯਾਤਰਾ ਚੰਦਰਮਾ ਦੀ ਸਤਹ ਤੋਂ ਉਪਰ ਇੱਕ ਨਵਾਂ ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਸਥਾਪਤ ਕਰਨ ਲਈ ਅਮਰੀਕਾ ਦੀ ਅਗਵਾਈ ਵਾਲੀ ਇੱਕ ਕੋਸ਼ਿਸ਼ ਦਾ ਹਿੱਸਾ ਹੈ ਤਾਂ ਜੋ ਚੰਦਰਮਾ ਦੀ ਖੋਜ ਪੜਤਾਲ ਅਤੇ ਮੰਗਲ ਨੂੰ ਜਾਣ ਵਾਲੇ ਮਿਸ਼ਨਾਂ ਦੀ ਖੋਜ ਕੀਤੀ ਜਾ ਸਕੇ।
‘ਦ ਗੇਟਵੇਅ ਟਰੀਟੀ’ ਵੱਲੋਂ ਲੂਨਰ ਗੇਟਵੇਅ ਦੇ ਨਾਂ ਨਾਲ ਜਾਣੇ ਜਾਂਦੇ ਨਵੇਂ ਪੁਲਾੜ ਸਟੇਸ਼ਨ ‘ਤੇ ਕਨੇਡੀਅਨ ਐਸਟਰੋਨੌਟ ਦੀ ਦੂਜੀ ਉਡਾਣ ਦੀ ਮੰਗ ਵੀ ਕੀਤੀ ਜਾ ਰਹੀ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਸਮਝੌਤੇ ਅਧੀਨ ਇੱਕ ਐਸਟਰੋਨੌਟ ਨੂੰ ਡੂੰਘੀ ਪੁਲਾੜ ਵਿੱਚ ਭੇਜਣ ਵਾਲਾ ਕੈਨੇਡਾ ਦੂਜਾ ਦੇਸ਼ ਹੋਵੇਗਾ, ਹਾਲਾਂਕਿ ਇਸ ਯਾਤਰਾ ਵਿੱਚ ਚੰਦਰਮਾ 'ਤੇ ਅਸਲ ਲੈਂਡਿੰਗ ਸ਼ਾਮਲ ਨਹੀਂ ਹੋਵੇਗੀ।
ਫੈਡਰਲ ਸਰਕਾਰ ਨੇ ਉਡਾਣ ਦੀ ਕੀਮਤ ਦੇ ਵੇਰਵੇ ਸਾਂਝੇ ਨਹੀਂ ਕੀਤੇ।
ਇਸ ਮਹੀਨੇ ਦੇ ਅਰੰਭ ਵਿੱਚ, ਕੈਨੇਡਾ ਨੇ ਇੱਕ ਨਵਾਂ ਰੋਬੋਟਿਕ ‘ਕੈਨੇਡਾਰਮ’ ਵਿਕਸਤ ਕਰਨ ਦੇ ਪਹਿਲੇ ਪੜਾਅ ਲਈ 22.8 ਮਿਲੀਅਨ ਡਾਲਰ ਦੀ ਵਚਨਬੱਧਤਾ ਕੀਤੀ ਸੀ ਜੋ ਚੰਨ ਸਟੇਸ਼ਨ ਤੇ ਵਰਤੀ ਜਾਏਗੀ।
