21.82C Vancouver 21.82C VancouverJan 15, 2021 6:40 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੈਨੇਡਾ 'ਚ ਕੋਵਿਡ-19 ਮਾਮਲੇ ਤੇਜ਼ੀ ਨਾਲ ਵਧਣੇ ਸ਼ੁਰੂ ਹੋ ਰਹੇ ਹਨ।
ਨਵੇਂ ਮਾਡਲਿੰਗ ਅੰਕੜੇ ਪੇਸ਼ ਕਰਦੇ ਹੋਏ ਉਨ੍ਹਾਂ ਦੱਸਿਆ ਕਿ ਇਸ ਮਹੀਨੇ ਦਾ ਅੰਤ ਤੱਕ ਕੈਨੇਡਾ 'ਚ ਹਰ ਰੋਜ਼ 10,000 ਤੱਕ ਮਾਮਲੇ ਰਿਪੋਰਟ ਹੋਣੇ ਸ਼ੁਰੂ ਹੋ ਸਕਦੇ ਹਨ।
ਨਵੇਂ ਮਾਡਲਿੰਗ ਅੰਕੜੇ ਦਰਸ਼ਾਉਂਦੇ ਹਨ ਕਿ 24 ਜਨਵਰੀ ਤੱਕ ਕੈਨੇਡਾ 'ਚ ਕੋਵਿਡ-19 ਸੰਬੰਧੀ ਮਾਮਲਿਆਂ ਦੀ ਗਿਣਤੀ 796,630 ਤੱਕ ਪਹੁੰਚ ਸਕਦੀ ਹੈ।
ਇਸ ਤੋਂ ਇਲਾਵਾ 2,000 ਹੋਰ ਲੋਕਾਂ ਦੀ ਜਾਨ ਜਾ ਸਕਦੀ ਹੈ।
ਅੱਜ ਪ੍ਰਧਾਨ ਮੰਤਰੀ ਟਰੂਡੋ ਨੇ ਕਿਹਾ ਕਿ, ਉਹ ਜਾਣਦੇ ਹਨ ਕਿ, ਇਹ ਅਜਿਹੇ ਅੰਕੜੇ ਹਨ ਜੋ ਕਨੇਡੀਅਨ ਲੋਕ ਸੁਣਨਾ ਨਹੀਂ ਚਾਹੁੰਦੇ।
ਯਾਦ ਰਹੇ ਅੱਜ ਫੈਡਰਲ ਪ੍ਰੋਕਿਉਰਮੈਂਟ ਮੰਤਰੀ ਅਨੀਤਾ ਆਨੰਦ ਦਾ ਕਹਿਣਾ ਸੀ ਕਿ ਯੂਰੋਪ ਦੇ ਵਿੱਚ ਉਤਪਾਦਨ ਨਾਲ ਜੁੜੇ ਕੁਝ ਮਸਲਿਆਂ ਕਾਰਨ ਫਾਈਜ਼ਰ ਵੱਲੋਂ ਕੈਨੇਡਾ ਤੱਕ ਵੈਕਸੀਨ ਪਹੁੰਚਾਣ ਵਿੱਚ ਅਸਥਾਈ ਤੌਰ ’ਤੇ ਵਿਘਨ ਪਵੇਗਾ।
