14.97C Vancouver 14.97C VancouverJul 8, 2022 7:28 PM - The Canadian Press
ਜੂਨ 'ਚ ਕੈਨੇਡਾ ਦੇ ਐਂਪਲਾਇਮੈਂਟ ਪੱਧਰ 'ਚ ਗਿਰਾਵਟ ਵੇਖਣ ਨੂੰ ਮਿਲੀ ਹੈ।
ਸਟੈਟਿਸਟਿਕਸ ਕੈਨੇਡਾ ਦੀ ਰਿਪੋਰਟ ਅਨੁਸਾਰ ਬੀਤੇ ਮਹੀਨੇ ਦੇਸ਼ 'ਚ 43,000 ਨੌਕਰੀਆਂ ਦਾ ਨੁਕਸਾਨ ਵੇਖਣ ਨੂੰ ਮਿਲਿਆ।
ਇਸੇ ਦੌਰਾਨ ਬੀ.ਸੀ. 'ਚ ਬੇਰੁਜਗਾਰੀ ਦਰ ਦੇ ਅੰਕੜਿਆਂ 'ਚ ਬਹੁਤਾ ਬਦਲਾਅ ਰਿਪੋਰਟ ਨਹੀਂ ਹੋਇਆ ਹੈ।
ਸੂਬੇ 'ਚ ਬੇਰੁਜਗਾਰੀ ਦਰ 4.6% 'ਤੇ ਟਿਕੀ ਦੱਸੀ ਗਈ ਹੈ।
ਕੈਲੋਨਾ 'ਚ ਬੇਰੁਜਗਾਰੀ ਦਰ ਹੇਠਾਂ ਆਈ ਦੱਸੀ ਗਈ ਹੈ ਅਤੇ ਇਲਾਕੇ 'ਚ ਬੇਰੁਜਗਾਰੀ ਦਰ 4% 'ਤੇ ਦਰਜ ਹੋਈ ਦੱਸੀ ਗਈ।
ਹਾਲਾਂਕਿ ਦੇਸ਼ 'ਚ ਬੇਰੁਜਗਾਰੀ ਦਰ ਹੁਣ 4.9% 'ਤੇ ਪਹੁੰਚੀ ਦੱਸੀ ਗਈ ਹੈ।
ਏਜੈਂਸੀ ਵੱਲੋਂ ਇਹ ਜਾਣਕਾਰੀ ਵੀ ਦਿੱਤੀ ਗਈ ਕਿ ਜੂਨ ਅਜਿਹਾ ਪਹਿਲਾ ਮਹੀਨਾ ਸੀ ਜਦ ਬੀਤੇ ਕੁਝ ਸਮੇਂ ਮੁਕਾਬਲੇ ਕੋਵਿਡ-19 ਨੂੰ ਨੌਕਰੀਆਂ ਦੇ ਨੁਕਸਾਨ ਦੀ ਵਜ੍ਹਾ ਨਹੀਂ ਦੱਸਿਆ ਗਿਆ।
ਯਾਦ ਰਹੇ ਇਸ ਤੋਂ ਪਹਿਲਾਂ ਮਈ ਦੇ ਮਹੀਨੇ 'ਚ ਕੈਨੇਡਾ 'ਚ ਨੌਕਰੀਆਂ ਦੇ ਅੰਕੜੇ 40,000 ਜੌਬਸ ਦਾ ਵਾਧਾ ਦਰਸ਼ਾਉਂਦੇ ਸਨ।
ਅੱਜ ਦੇ ਅੰਕੜਿਆਂ 'ਚ ਇਹ ਜਾਣਕਾਰੀ ਵੀ ਦਿੱਤੀ ਗਈ ਕਿ ਯੂਨੀਅਨ ਕਰਮਚਾਰੀਆਂ ਦੀ ਔਸਤ ਪ੍ਰਤੀ ਘੰਟਾ ਤਨਖਾਹ 'ਚ $1.20 ਦਾ ਵਾਧਾ ਵੇਖਣ ਨੂੰ ਮਿਲਿਆ।
