ਅਫਰੀਕਾ ਵਿੱਚ ਫੈਲੇ ਐਮਪੌਕਸ ਸੰਕਟ ਤੋਂ ਬਚਾਅ ਲਈ ਕੈਨੇਡਾ ਨੂੰ ਟੁਕਵੇ ਕਦਮ ਚੁੱਕਣ ਦੀ ਲੋੜ

ਵਿਸ਼ਵ ਸਿਹਤ ਸੰਗਠਨ ਨੇ mpox ਨੂੰ ਗਲੋਬਲ ਪਬਲਿਕ ਹੈਲਥ ਐਮਰਜੈਂਸੀ ਦਾ ਐਲਾਨ ਕਰ ਦਿੱਤਾ ਹੈ। ਇਹ ਵਾਇਰਸ ਅਫਰੀਕਾ ਦੇ ਕਈ ਹਿੱਸਿਆਂ ਵਿਚ ਤੇਜ਼ੀ ਨਾਲ ਫੈਲ ਰਿਹਾ ਹੈ ਅਤੇ ਇਹ ਦੋ ਸਾਲਾਂ ਵਿਚ ਦੂਜੀ ਵਾਰ ਹੈ, ਜਦੋਂ ਡਬਲਯੂ.ਐੱਚ.ਓ. ਨੇ ਇਸ ਨੂੰ ਗਲੋਬਲ ਐਮਰਜੈਂਸੀ ਐਲਾਨਿਆ ਹੈ। ਟੋਰੌਂਟੋ ਵਿਚ ਵੀ ਸਿਹਤ ਅਧਿਕਾਰੀ ਵਲੋਂ ਮਾਮਲਿਆਂ ਦੇ ਤੇਜ਼ੀ ਨਾਲ ਵਧਣ ਦੀ ਚਿਤਾਵਨੀ ਦਿੱਤੀ ਗਈ ਹੈ।

mpox ਇੱਕ ਵਾਇਰਸ ਹੈ ਜੋ ਨੇੜਲੇ ਸੰਪਰਕ ਜਾਂ ਜਿਨਸੀ ਸੰਪਕਰ ਨਾਲ ਫੈਲਦਾ ਹੈ, ਇਹ ਆਮ ਤੌਰ ’ਤੇ ਹਲਕਾ ਹੁੰਦਾ ਹੈ ਪਰ ਕਿਸੇ ਗੰਭੀਰ ਮਾਮਲੇ ਵਿਚ ਜਾਨ ਵੀ ਜਾ ਸਕਦੀ ਹੈ। ਭਾਰਤ ਵਿਚ ਵੀ ਜਨਵਰੀ 2022 ਤੋਂ ਜੂਨ 2024 ਵਿਚਕਾਰ mpox ਦੇ 27 ਮਾਮਲੇ ਸਾਹਮਣੇ ਆਏ ਹਨ ਅਤੇ ਇੱਕ ਮੌਤ ਵੀ ਹੋਈ ਹੈ।

ਉਥੇ ਹੀ, ਲੋਕਤੰਤਰੀ ਗਣਰਾਜ ਦਾ ਕਾਂਗੋ ਵਿਚ ਸਾਲ ਦੀ ਸ਼ੁਰੂਆਤ ਤੋਂ ਹੁਣ ਤੱਕ 13,700 ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ ਅਤੇ ਕਰੀਬ 500 ਮੌਤ ਹੋ ਚੁੱਕੀਆਂ ਹਨ। ਅਫਰੀਕਾ ਦੇ ਰੋਗ ਕੰਟਰੋਲ ਤੇ ਰੋਕਥਾਮ ਕੇਂਦਰ ਨੇ ਬੀਤੇ ਕੱਲ੍ਹ ਇਸ ਨੂੰ ਪਬਲਿਕ ਹੈਲਥ ਐਮਰਜੈਂਸੀ ਐਲਾਨਦਿਆਂ ਵਾਇਰਸ ਨੂੰ ਰੋਕਣ ਵਿਚ ਇੰਟਰਨੈਸ਼ਨਲ ਹੈਲਪ ਮੰਗੀ ਸੀ।