13.09C Vancouver 13.09C VancouverApr 11, 2024 6:19 PM - The Canadian Press
ਕੈਨੇਡਾ ਨੂੰ ਹਾਊਸਿੰਗ ਗੈਪ ਨੂੰ ਘਟਾਉਣ ਲਈ 2030 ਤੱਕ 1.3 ਮਿਲੀਅਨ ਵਧੇਰੇ ਘਰ ਬਣਾਉਣੇ ਹੋਣਗੇ। ਸੰਸਦ ਬਜਟ ਅਧਿਕਾਰੀ ਨੇ ਅੱਜ ਰਿਪੋਰਟ ਵਿਚ ਇਹ ਗੱਲ ਆਖੀ ਹੈ।
ਪੀ. ਬੀ. ਓ. ਦਾ ਕਹਿਣਾ ਹੈ ਕਿ ਕੈਨੇਡਾ ਨੂੰ ਮੌਜੂਦਾ ਸਮੇਂ ਨਾਲੋਂ ਹਰ ਸਾਲ 181,000 ਹੋਰ ਘਰ ਬਣਾਉਣ ਦੀ ਲੋੜ ਹੈ। ਰਿਪੋਰਟ ਵਿਚ ਸਰਕਾਰ ਵਲੋਂ ਹਾਊਸਿੰਗ ਸਪਲਾਈ ਵਧਾਉਣ ਲਈ ਕੀਤੇ ਜਾਣ ਵਾਲੇ ਯਤਨਾਂ ਦਾ ਮੁਲਾਂਕਣ ਨਹੀਂ ਕੀਤਾ ਗਿਆ ਹੈ।
ਉਥੇ ਹੀ, ਕੈਨੇਡੀਅਨ ਮੋਰਟਗੇਜ ਅਤੇ ਹਾਊਸਿੰਗ ਕਾਰਪੋਰੇਸ਼ਨ ਦਾ ਕਹਿਣਾ ਹੈ ਕਿ ਹਾਊਸਿੰਗ ਸਮਰੱਥਾ ਨੂੰ ਬਹਾਲ ਕਰਨ ਲਈ ਕੈਨੇਡਾ ਨੂੰ 2003-04 ਦੇ ਪੱਧਰ ਤੋਂ 2030 ਤੱਕ 3.5 ਮਿਲੀਅਨ ਵਧੇਰੇ ਘਰਾਂ ਦੀ ਲੋੜ ਹੈ, ਜਿਸ ਦਾ ਮਤਲਬ ਹੈ ਕਿ ਕੈਨੇਡੀਅਨਾਂ ਨੂੰ ਹਾਊਸਿੰਗ ਸਮਰੱਥਾ ਲਈ ਲੰਮੀ ਉਡੀਕ ਕਰਨੀ ਹੋਵੇਗੀ।
ਉਥੇ ਹੀ, ਸੰਸਦ ਬਜਟ ਅਧਿਕਾਰੀ ਨੇ ਕਿਹਾ ਕਿ ਉਸ ਦਾ ਅਨੁਾਮਨ ਕੈਨੇਡੀਅਨ ਮੋਰਟਗੇਜ ਅਤੇ ਹਾਊਸਿੰਗ ਕਾਰਪੋਰੇਸ਼ਨ ਤੋਂ ਇਸ ਲਈ ਘੱਟ ਹੈ ਕਿਉਂਕਿ ਉਨ੍ਹਾਂ ਨੇ ਮੰਗ ਅਤੇ ਸਪਲਾਈ ਵਿਚਕਾਰ ਦੇ ਗੈਪ ਨੂੰ ਘੱਟ ਕਰਨ ’ਤੇ ਫੋਕਸ ਕੀਤਾ ਹੈ।
ਗੌਰਤਲਬ ਹੈ ਕਿ ਪੀ. ਐੱਮ. ਜਸਟਿਨ ਟਰੂਡੋ ਦੀ ਅਗਵਾਈ ਵਾਲੀ ਸਰਕਾਰ ਵਲੋਂ ਹਾਊਸਿੰਗ ਸਬੰਧੀ ਹਾਲ ਹੀ ਵਿਚ ਕਈ ਘੋਸ਼ਣਾਵਾਂ ਕੀਤੀਆਂ ਗਈਆਂ ਹਨ, ਜਿਨ੍ਹਾਂ ਲਈ ਆਉਣ ਵਾਲੇ ਬਜਟ ਵਿਚ ਫੰਡ ਦੀ ਵਿਵਸਥਾ ਕੀਤੀ ਜਾਵੇਗੀ।
