ਕੈਨੇਡਾ ਨੇ ਟਰੰਪ ਦੀ ਤਾਜਪੋਸ਼ੀ ਨੂੰ ਦੇਖਦਿਆਂ ਸਰਹੱਦ ਤੇ ਵਧਾਈ ਸੁਰੱਖਿਆ

ਕੈਨੇਡਾ ਵਲੋਂ ਅਮਰੀਕੀ ਸਰਹੱਦ ’ਤੇ ਗੈਰ-ਕਾਨੂੰਨੀ ਲਾਂਘੇ ਅਤੇ ਨਸ਼ਾ ਤਸਕਰੀ ਰੋਕਣ ਲਈ ਬਲੈਕ ਹਾਕ ਹੈਲੀਕਾਪਟਰ ਅਤੇ ਡਰੋਨ ਦੀ ਤਾਇਨਾਤੀ ਕੀਤੀ ਜਾ ਰਹੀ ਹੈ। ਪਬਲਿਕ ਸੇਫਟੀ ਮੰਤਰੀ ਡੇਵਿਡ ਮੈਕਗਿੰਟੀ ਨੇ ਅੱਜ ਦੱਸਿਆ ਕਿ ਬਲੈਕ ਹਾਕ ਹੈਲੀਕਾਪਟਰ ਇਸੇ ਹਫ਼ਤੇ ਅਮਰੀਕਾ-ਕੈਨੇਡਾ ਸਰਹੱਦ ’ਤੇ ਗਸ਼ਤ ਲਈ ਸੇਵਾ ਵਿਚ ਸ਼ਾਮਲ ਹੋ ਜਾਣਗੇ।

ਮੈਕਗਿੰਟੀ ਨੇ ਇਹ ਵੀ ਕਿਹਾ ਕਿ ਅਸੀਂ ਅਮਰੀਕਾ ਦੇ ਨਾਲ ਆਪਣੇ ਬਾਰਡਰ ’ਤੇ 60 ਨਵੇਂ ਡਰੋਨ ਤਾਇਨਾਤ ਕੀਤੇ ਹਨ ਅਤੇ ਨਿਗਰਾਨੀ ਟਾਵਰ ਵੀ ਲਗਾਏ ਜਾਣਗੇ। ਉਨ੍ਹਾਂ ਕਿਹਾ ਕਿ ਹੋਰ ਉਪਾਵਾਂ ਤਹਿਤ ਐਕਸ-ਰੇ, ਮੋਬਾਈਲ ਐਕਸ-ਰੇ ਅਤੇ ਹੱਥ ਵਿੱਚ ਫੜੇ ਜਾਣ ਵਾਲੇ ਰਸਾਇਣਕ ਵਿਸ਼ਲੇਸ਼ਕ ਵਰਗੀ ਨਵੀਂ ਤਕਨਾਲੋਜੀ ਵੀ ਖਰੀਦੀ ਜਾ ਰਹੀ ਹੈ।

ਆਰ.ਸੀ.ਐਮ.ਪੀ. ਨੇ ਪੁਸ਼ਟੀ ਕੀਤੀ ਕਿ ਬਲੈਕ ਹਾਕ ਹੈਲੀਕਾਪਟਰ ਦੇ ਦੋ ਮਾਡਲ ਸ਼ੁੱਕਰਵਾਰ ਨੂੰ ਸਰਵਿਸ ਵਿਚ ਆ ਜਾਣਗੇ।

ਉਥੇ ਹੀ,ਇਮੀਗ੍ਰੇਸ਼ਨ ਮਿਨਿਸਟਰ ਮਾਰਕ ਮਿਲਰ ਨੇ ਕਿਹਾ ਕਿ ਵੀਜ਼ਾ ਸਬੰਧੀ ਹਾਲ ਹੀ ਵਿਚ ਸਖ਼ਤੀ ਨਾਲ ਜੂਨ 2024 ਤੋਂ ਬਾਅਦ ਗੈਰ-ਕਾਨੂੰਨੀ ਅਮਰੀਕਾ ਦੀ ਸਰਹੱਦ ਪਾਰ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਵਿਚ 89 ਫੀਸਦੀ ਦੀ ਗਿਰਾਵਟ ਆਈ ਹੈ।