12.68C Vancouver 12.68C VancouverOct 31, 2020 1:17 AM -
ਫੈਡਰਲ ਸਰਕਾਰ ਵੱਲੋਂ ਅਗਲੇ 3 ਸਾਲ ਲਈ, ਇਮੀਗ੍ਰੇਸ਼ਨ ਟੀਚਿਆਂ ਨੂੰ ਵਧਾਇਆ ਜਾ ਰਿਹਾ ਹੈ।
ਇਸ ਦੇ ਤਹਿਤ ਟੈਂਪਰੇਰੀ ਵਿਦੇਸ਼ੀ ਵਰਕਰਾਂ ਨੂੰ ਸਿਟੀਜ਼ਨਸ਼ਿਪ ਦੇਣ ਦਾ ਰਸਤਾ ਖੁੱਲ੍ਹ ਸਕੇਗਾ।
ਇਸ ਦੇ ਨਾਲ ਹੀ ਮੌਜੂਦਾ ਸਮੇਂ ਪਨਾਹ ਲੈਣ ਵਾਲਿਆਂ ਅਤੇ ਅੰਤਰਰਾਸ਼ਟਰੀ ਸਟੂਡੈਂਟਸ ਨੂੰ ਵੀ ਪਰਮਾਨੈਂਟ ਰੈਜ਼ੀਡੈਂਸੀ ਅਤੇ ਸਿਟੀਜ਼ਨਸ਼ਿਪ ਦਾ ਰਸਤਾ ਖੁਲ੍ਹੇਗਾ।
ਕੋਵਿਡ-19 ਪੈਂਡੇਮਿਕ ਦਰਮਿਆਨ ਇਮੀਗ੍ਰੇਸ਼ਨ 'ਚ ਆਈ ਗਿਰਾਵਟ ਨਾਲ ਨਜਿੱਠਣ ਲਈ ਅਜਿਹਾ ਕੀਤਾ ਜਾ ਰਿਹਾ ਹੈ।
ਕੈਨੇਡਾ ਵੱਲੋਂ 2021 'ਚ 4,01,000 ਪਰਮਾਨੈਂਟ ਰੈਜ਼ੀਡੈਂਟਸ ਦਾ ਸਵਾਗਤ ਕੀਤਾ ਜਾਵੇਗਾ।
ਇਸ ਤੋਂ ਪਹਿਲਾਂ ਇਹ ਟੀਚਾ 3,51,000 ਦਾ ਸੀ। ਇਸੇ ਤਰ੍ਹਾਂ 2022 'ਚ 4,11,000 ਇਮੀਗ੍ਰੈਂਟਸ ਅਤੇ 2023 'ਚ 4,21,000 ਪਰਮਾਨੈਂਟ ਰੈਜ਼ੀਡੈਂਟਸ ਨੂੰ ਬੁਲਾਇਆ ਜਾਵੇਗਾ।
ਪਾਰਲੀਅਮੈਂਟ 'ਚ ਪੇਸ਼ ਕੀਤੇ ਗਏ ਬਿਲ 'ਚ ਟੀਚਿਆਂ ਨੂੰ ਕੈਟੇਗਰੀ ਅਨੁਸਾਰ ਤੋੜ-ਤੋੜ ਕੇ ਪੇਸ਼ ਨਹੀਂ ਕੀਤਾ ਗਿਆ ਹੈ।
ਬੀਤੇ ਸਾਲ ਪੇਸ਼ ਕੀਤੇ ਗਏ 3 ਸਾਲਾ ਪਲੈਨ 'ਚ ਸਰਕਾਰ ਨੇ 1 ਮਿਲੀਅਨ ਦੇ ਕਰੀਬ ਲੋਕਾਂ ਦੇ ਬੁਲਾਉਣ ਦੀ ਗੱਲ ਕਹੀ ਸੀ, ਪਰ ਹੁਣ ਇਸ 'ਚ ਵਾਧਾ ਹੋ ਗਿਆ ਹੈ ਅਤੇ ਇਹ ਟੀਚਾ 1.2 ਮਿਲੀਅਨ ਪਰਮਾਨੈਂਟ ਰੈਜ਼ੀਡੈਂਟਸ ਦੇ ਦਾਖਿਲੇ ਦਾ ਰੱਖਿਆ ਗਿਆ ਹੈ।
ਇਮੀਗ੍ਰੇਸ਼ਨ ਮੰਤਰੀ ਮਾਰਕੋ ਮੈਂਡੀਚੀਨੋ ਨੇ ਸਰਕਾਰ ਦੇ ਤਾਜ਼ਾ ਇਮੀਗ੍ਰੇਸ਼ਨ ਟੀਚਿਆਂ ਸੰਬੰਧੀ ਜਾਣਕਾਰੀ ਜਾਰੀ ਕੀਤੀ ਹੈ।
