15.87C Vancouver 15.87C VancouverOct 2, 2020 9:31 PM -
ਕੈਨੇਡਾ ਹੁਣ ਆਪਣੀ ਖੁਦ ਦੀ ਫੋਰੈਂਸਿਕ ਐਗਜ਼ਾਮੀਨੇਸ਼ਨ ਅਤੇ ਅਸੈਸਮੈਂਟ ਟੀਮ ਸਥਾਪਿਤ ਕਰਨ ਜਾ ਰਿਹਾ ਹੈ।
ਇਰਾਨ 'ਚ ਰੈਵੋਲਿਊਸ਼ਨਰੀ ਗਾਰਡ ਵੱਲੋਂ ਡੇਗੇ ਗਏ ਯੁਕ੍ਰੇਨੀਅਨ ਜੈਟਲਾਈਨਰ ਜਹਾਜ਼ ਸੰਬੰਧੀ ਸਬੂਤਾਂ ਅਤੇ ਜਾਣਕਾਰੀ ਦੀ ਜਾਂਚ ਕਰਨ ਲਈ ਇਸ ਟੀਮ ਨੂੰ ਸਥਾਪਿਤ ਕੀਤਾ ਗਿਆ ਹੈ।
ਇਸ ਘਟਨਾ 'ਚ ਜਹਾਜ਼ 'ਤੇ ਸਵਾਰ ਸਾਰੇ 176 ਲੋਕ ਮਾਰੇ ਗਏ ਸਨ।
ਵਿਦੇਸ਼ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਦੇ ਦਫ਼ਤਰ ਨੇ ਜਾਣਕਾਰੀ ਦਿੱਤੀ ਕਿ ਸਥਾਪਿਤ ਕੀਤੀ ਗਈ ਟੀਮ ਇਸ ਮਾਮਲੇ ਸੰਬੰਧੀ ਜਾਣਕਾਰੀ, ਸਬੂਤ ਅਤੇ ਇੰਟੈਲੀਜੈਂਸ ਨੂੰ ਇਕੱਠਾ ਕਰੇਗੀ ਅਤੇ ਫਿਰ ਉਸ ਨੂੰ ਅਰਗੇਨਾਈਜ਼ ਅਤੇ ਐਨਾਲਾਈਜ਼ ਕੀਤਾ ਜਾਵੇਗਾ।
ਇਹ ਨਵੀਂ ਸਥਾਪਿਤ ਕੀਤੀ ਗਈ ਟੀਮ, 8 ਜਨਵਰੀ ਨੂੰ ਵਾਪਰੀ ਘਟਨਾ ਬਾਰੇ, ਕਨੇਡੀਅਨ ਸਰਕਾਰ ਨੂੰ ਜਾਣਕਾਰੀ ਪ੍ਰਦਾਨ ਕਰੇਗੀ।
ਯਾਦ ਰਹੇ ਇਸ ਹਵਾਈ ਜਹਾਜ਼ 'ਤੇ 55 ਕਨੇਡੀਅਨ ਨਾਗਰਿਕ ਅਤੇ 30 ਪਰਮਾਨੈਂਟ ਰੈਜ਼ੀਡੈਂਟ ਸਵਾਰ ਸਨ।
