20.57C Vancouver 20.57C VancouverJun 22, 2020 4:46 PM -
ਚੀਨ ਵਿੱਚ ਕੈਦ ਦੋ ਕਨੇਡੀਅਨ ਨਾਗਰਿਕਾਂ 'ਤੇ ਦੋਸ਼ ਲਗਾਏ ਜਾਣ ਦੇ ਸੰਬੰਧ ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਬਿਆਨ ਨੂੰ ਚੀਨ ਵੱਲੋਂ "ਗੈਰ ਜ਼ਿੰਮੇਵਾਰਾਨਾ" ਕਹੇ ਜਾਣ 'ਤੇ ਅੱਜ ਟਰੂਡੋ ਨੇ ਜਵਾਬ ਦਿੱਤਾ।
ਟਰੂਡੋ ਵੱਲੋਂ ਕਨੇਡੀਅਨ ਨਾਗਰਿਕਾਂ ਦੀ ਗ੍ਰਿਫ਼ਤਾਰੀ ਨੂੰ ਮੰਗ ਵਾਨਜੋ ਦੀ ਗ੍ਰਿਫ਼ਤਾਰੀ ਨਾਲ ਸੰਬੰਧਿਤ ਦੱਸੇ ਜਾਣ 'ਤੇ ਚੀਨ ਵੱਲੋਂ ਉਹਨਾਂ ਦੀ ਨਿਖੇਧੀ ਕੀਤੀ ਗਈ ਸੀ।
ਇਸ ਦੇ ਜਵਾਬ ਵਿੱਚ ਟਰੂਡੋ ਨੇ ਕਿਹਾ ਕਿ ਇਹਨਾਂ ਦੋਨਾਂ ਮਾਮਲਿਆਂ ਨੂੰ ਸਭ ਤੋਂ ਪਹਿਲਾਂ ਚੀਨ ਦੇ ਅਧਿਕਾਰੀਆਂ ਵੱਲੋਂ ਵੀ ਆਪਸ ਵਿੱਚ ਜੋੜ ਕੇ ਪੇਸ਼ ਕੀਤਾ ਗਿਆ ਸੀ।
ਟਰੂਡੋ ਨੇ ਦੋਨੋਂ ਕਨੇਡੀਅਨ ਨਾਗਰਿਕਾਂ, ਮਾਈਕਲ ਕੋਵਰਿਗ ਅਤੇ ਮਾਈਕਲ ਸਪੇਵਰ ਦੇ ਬਦਲੇ ਵੁਆਵੇ ਦੀ ਅਧਿਕਾਰੀ ਮੰਗ ਵਾਨਜੋ ਦਾ ਸੌਦਾ ਕਰਨ ਤੋਂ ਸਾਫ਼ ਇਨਕਾਰ ਕੀਤਾ।
ਉਹਨਾਂ ਕਿਹਾ ਕਿ ਅਜਿਹਾ ਕਰਕੇ ਉਹ ਕਨੇਡੀਅਨ ਨਿਆਂ ਪ੍ਰਣਾਲੀ ਦਾ ਅਪਮਾਨ ਨਹੀਂ ਕਰਨਗੇ।
ਇਸ ਤੋਂ ਪਹਿਲਾਂ, ਅੱਜ ਅਮਰੀਕੀ ਸੇਕ੍ਰੇਟਰੀ ਔਫ਼ ਸਟੇਟ, ਮਾਈਕ ਪੌਮਪੀਓ ਨੇ ਵੀ ਚੀਨ ਨੂੰ "ਨਿਰਾਧਾਰ" ਦੋਸ਼ਾਂ ਕਾਰਣ ਗ੍ਰਿਫ਼ਤਾਰ ਕੀਤੇ ਗਏ ਦੋਨੋਂ ਕਨੇਡੀਅਨ ਨਾਗਰਿਕਾਂ ਨੂੰ ਰਿਹਾ ਕਰਨ ਲਈ ਕਿਹਾ।
ਚੀਨੀ ਅਧਿਕਾਰੀਆਂ ਵੱਲੋਂ ਮਾਈਕਲ ਕੋਵਰਿਗ ਅਤੇ ਮਾਈਕਲ ਸਪੇਵਰ ਨੂੰ 550 ਤੋਂ ਵੀ ਵੱਧ ਦਿਨਾਂ ਤੱਕ ਹਿਰਾਸਤ ਵਿੱਚ ਰੱਖਣ ਤੋਂ ਬਾਅਦ ਲੰਘੇ ਸ਼ੁੱਕਰਵਾਰ, ਉਹਨਾਂ 'ਤੇ ਅਧਿਕਾਰਿਕ ਤੌਰ 'ਤੇ ਦੋਸ਼ ਲਗਾਏ ਗਏ ਸਨ।
