13.32C Vancouver 13.32C VancouverNov 29, 2024 5:12 PM - Connect Newsroom
ਕੈਨੇਡੀਅਨ ਦੀ ਆਰਥਿਕਤਾ ਨੇ ਪ੍ਰਤੀ ਵਿਅਕਤੀ ਦੇ ਆਧਾਰ ’ਤੇ ਲਗਾਤਾਰ 6ਵੇਂ ਕੁਆਰਟਰ ਵਿਚ ਸੁਸਤ ਰਫ਼ਤਾਰ ਦਰਜ ਕੀਤੀ ਹੈ, ਜੋ ਇਹ ਦਿਖਾਉਂਦਾ ਹੈ ਕਿ ਉੱਚ ਵਿਆਜ ਦਰਾਂ ਦਾ ਅਜੇ ਵੀ ਕਾਰੋਬਾਰੀ ਨਿਵੇਸ਼ ’ਤੇ ਦਬਾਅ ਬਣਿਆ ਹੋਇਆ ਹੈ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਸਲਾਨਾ ਆਧਾਰ ’ਤੇ ਕੈਨੇਡੀਅਨ ਆਰਥਿਕਤਾ ਤੀਜੇ ਕੁਆਰਟਰ ਵਿਚ ਯਾਨੀ ਜੁਲਾਈ ਤੋਂ ਸਤੰਬਰ ਵਿਚਕਾਰ 1 ਫੀਸਦੀ ਦੀ ਦਰ ਨਾਲ ਵਧੀ ਹੈ, ਇਹ ਦੂਜੇ ਕੁਆਰਟਰ ਦੀ 2.2 ਫੀਸਦੀ ਦਰ ਨਾਲੋਂ ਘੱਟ ਹੈ। ਹਾਲਾਂਕਿ, ਇਹ ਅੰਕੜਾ ਅਰਥ-ਸ਼ਾਸਤਰੀਆਂ ਦੀਆਂ ਉਮੀਦਾਂ ਦੇ ਅਨੁਸਾਰ ਹੈ ਪਰ ਬੈਂਕ ਔਫ ਕੈਨੇਡਾ ਦੇ 1.5 ਫੀਸਦੀ ਪੂਰਵ ਅਨੁਮਾਨ ਤੋਂ ਘੱਟ ਹੈ।
ਸਟੈਟਿਸਟਿਕਸ ਕੈਨੇਡਾ ਦੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਉੱਚ ਤਨਖਾਹ ਅਤੇ ਘੱਟ ਵਿਆਜ ਦਰਾਂ ਨੇ ਤੀਜੀ ਤਿਮਾਹੀ ਵਿਚ ਘਰੇਲੂ ਬਚਤ ਦਰ ਨੂੰ ਤਿੰਨ ਸਾਲਾਂ ਦੇ ਸਿਖਰ ’ਤੇ ਪਹੁੰਚਣ ਵਿਚ ਮਦਦ ਕੀਤੀ, ਜੋ ਇਸ ਦੌਰਾਨ 7.1 ਫੀਸਦੀ ’ਤੇ ਪਹੁੰਚ ਗਈ।
ਤਾਜ਼ਾ ਆਰਥਿਕ ਅੰਕੜੇ 11 ਦਸੰਬਰ ਨੂੰ ਬੈਂਕ ਔਫ ਕੈਨੇਡਾ ਦੇ ਵਿਆਜ ਦਰ ਦੇ ਫੈਸਲੇ ਤੋਂ ਪਹਿਲਾਂ ਆਏ ਹਨ। ਅਰਥ ਸ਼ਾਸਤਰੀ ਉਮੀਦ ਕਰ ਰਹੇ ਹਨ ਕਿ ਸੈਂਟਰਲ ਬੈਂਕ ਇੱਕ ਵਾਰ ਫਿਰ ਤੋਂ ਵਿਆਜ ਦਰਾਂ ਵਿਚ ਕਟੌਤੀ ਕਰੇਗਾ।
