Canada's economy grew 1% in Q3, driven by government & household spending

ਕੈਨੇਡਾ ਦੀ ਆਰਥਿਕਤਾ ਵਿਚ 1 ਫੀਸਦੀ ਦਾ ਵਾਧਾ

Share On

canadas-economy-grew-1-in-q3-driven-by-government-household-spending

However, this figure was in line with economists' expectations, though it was below the Bank of Canada’s 1.5 percent forecast.(Photo: The Canadian Press)

ਕੈਨੇਡੀਅਨ ਦੀ ਆਰਥਿਕਤਾ ਨੇ ਪ੍ਰਤੀ ਵਿਅਕਤੀ ਦੇ ਆਧਾਰ ’ਤੇ ਲਗਾਤਾਰ 6ਵੇਂ ਕੁਆਰਟਰ ਵਿਚ ਸੁਸਤ ਰਫ਼ਤਾਰ ਦਰਜ ਕੀਤੀ ਹੈ, ਜੋ ਇਹ ਦਿਖਾਉਂਦਾ ਹੈ ਕਿ ਉੱਚ ਵਿਆਜ ਦਰਾਂ ਦਾ ਅਜੇ ਵੀ ਕਾਰੋਬਾਰੀ ਨਿਵੇਸ਼ ’ਤੇ ਦਬਾਅ ਬਣਿਆ ਹੋਇਆ ਹੈ।

ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਸਲਾਨਾ ਆਧਾਰ ’ਤੇ ਕੈਨੇਡੀਅਨ ਆਰਥਿਕਤਾ ਤੀਜੇ ਕੁਆਰਟਰ ਵਿਚ ਯਾਨੀ ਜੁਲਾਈ ਤੋਂ ਸਤੰਬਰ ਵਿਚਕਾਰ 1 ਫੀਸਦੀ ਦੀ ਦਰ ਨਾਲ ਵਧੀ ਹੈ, ਇਹ ਦੂਜੇ ਕੁਆਰਟਰ ਦੀ 2.2 ਫੀਸਦੀ ਦਰ ਨਾਲੋਂ ਘੱਟ ਹੈ। ਹਾਲਾਂਕਿ, ਇਹ ਅੰਕੜਾ ਅਰਥ-ਸ਼ਾਸਤਰੀਆਂ ਦੀਆਂ ਉਮੀਦਾਂ ਦੇ ਅਨੁਸਾਰ ਹੈ ਪਰ ਬੈਂਕ ਔਫ ਕੈਨੇਡਾ ਦੇ 1.5 ਫੀਸਦੀ ਪੂਰਵ ਅਨੁਮਾਨ ਤੋਂ ਘੱਟ ਹੈ।

ਸਟੈਟਿਸਟਿਕਸ ਕੈਨੇਡਾ ਦੀ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਉੱਚ ਤਨਖਾਹ ਅਤੇ ਘੱਟ ਵਿਆਜ ਦਰਾਂ ਨੇ ਤੀਜੀ ਤਿਮਾਹੀ ਵਿਚ ਘਰੇਲੂ ਬਚਤ ਦਰ ਨੂੰ ਤਿੰਨ ਸਾਲਾਂ ਦੇ ਸਿਖਰ ’ਤੇ ਪਹੁੰਚਣ ਵਿਚ ਮਦਦ ਕੀਤੀ, ਜੋ ਇਸ ਦੌਰਾਨ 7.1 ਫੀਸਦੀ ’ਤੇ ਪਹੁੰਚ ਗਈ।

ਤਾਜ਼ਾ ਆਰਥਿਕ ਅੰਕੜੇ 11 ਦਸੰਬਰ ਨੂੰ ਬੈਂਕ ਔਫ ਕੈਨੇਡਾ ਦੇ ਵਿਆਜ ਦਰ ਦੇ ਫੈਸਲੇ ਤੋਂ ਪਹਿਲਾਂ ਆਏ ਹਨ। ਅਰਥ ਸ਼ਾਸਤਰੀ ਉਮੀਦ ਕਰ ਰਹੇ ਹਨ ਕਿ ਸੈਂਟਰਲ ਬੈਂਕ ਇੱਕ ਵਾਰ ਫਿਰ ਤੋਂ ਵਿਆਜ ਦਰਾਂ ਵਿਚ ਕਟੌਤੀ ਕਰੇਗਾ।

ਕੈਨੇਡਾ ਦੇ ਅੰਤਰਰਾਸ਼ਟਰੀ ਵਪਾਰ ਮੰਤਰੀ ਮਨਿੰਦਰ ਸਿੱਧੂ ਨੇ ਅਮਰੀਕਾ ਤੋਂ ਇਲਾਵਾ ਹੋਰ ਬਾਜ਼ਾਰਾਂ ਵਿਚ ਨਿਰਯਾਤ ਵਧਾਉਣ ਦੇ ਟੀਚੇ ਲਈ ਇੰਡੋ-ਪੈਸੀਫਿਕ ਖੇਤਰ ਨੂੰ ਬੇਹੱਦ ਅਹਿਮ ਦੱਸਿਆ ਹੈ। ਸਿੱਧੂ ਪਿਛਲੇ ਦਿਨਾਂ ਤੋਂ 300 ਮੈਂਬਰੀ ਕਾਰੋਬਾਰੀ ਵਫ਼ਦ ਨਾਲ ਜਾਪਾਨ ਦੇ 4 ਦਿਨਾਂ ਦੌਰੇ 'ਤੇ ਸਨ, ਜੋ ਕਿ ਇੰਡੋ-ਪੈਸੀਫਿਕ ਲਈ ਹੁਣ ਤੱਕ ਦਾ ਕੈਨੇਡਾ ਸਭ ਤੋਂ ਵੱਡਾ ਵਫ਼ਦ ਰਿਹਾ ਹੈ। ਇਸ ਖੇਤਰ ਵਿਚ ਕੈਨੇਡਾ ਦੇ ਤਿੰਨ ਸਭ ਤੋਂ ਵੱਡੇ ਵਪਾਰਕ ਭਾਈਵਾਲ ਹਨ, ਜਿਨ੍ਹਾਂ ਵਿਚ ਚੀਨ, ਜਾਪਾਨ ਅਤੇ ਸਾਊਥ ਕੋਰੀਆ ਸ਼ਾਮਲ ਹਨ ਪਰ ਇੱਥੇ ਵਪਾਰ ਅਤੇ ਨਿਵੇਸ਼ ਨੂੰ ਵਧਾਉਣ ਦੇ ਯਤਨ ਹਮੇਸ਼ਾ ਸਫ਼ਲ ਨਹੀਂ ਰਹੇ ਸਨ।