10.15C Vancouver 10.15C VancouverAug 28, 2026 2:01 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਆਰਥਿਕਤਾ ਨੇ ਸਾਲ 2026 ਦੀ ਦੂਜੀ ਤਿਮਾਹੀ ਯਾਨੀ ਅਪ੍ਰੈਲ ਤੋਂ ਜੂਨ ਦੌਰਾਨ ਸਾਲਾਨਾ ਆਧਾਰ 'ਤੇ 3.3 ਫੀਸਦੀ ਦਾ ਸ਼ਾਨਦਾਰ ਵਾਧਾ ਦਰਜ ਕੀਤਾ ਹੈ, ਜੋ ਸਾਲ 2023 ਦੀ ਸ਼ੁਰੂਆਤ ਤੋਂ ਬਾਅਦ ਸਭ ਤੋਂ ਤੇਜ਼ ਆਰਥਿਕ ਵਾਧਾ ਹੈ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਅਮਰੀਕੀ ਟੈਰਿਫਸ ਅਤੇ ਇਮੀਗ੍ਰੇਸ਼ਨ ਦੇ ਪ੍ਰਭਾਵ ਕਾਰਨ ਇੱਕ ਸਾਲ ਸੁਸਤ ਰਹੀ ਗ੍ਰੋਥ ਵਿਚ ਆਈ ਤਾਜ਼ਾ ਤੇਜ਼ੀ ਦਾ ਮੁੱਖ ਕਾਰਨ ਨਿਰਯਾਤ ਵਿਚ 3.6 ਫੀਸਦੀ ਦਾ ਉਛਾਲ, ਘਰੇਲੂ ਖਪਤ ਵਿਚ 3.3 ਫੀਸਦੀ ਦਾ ਵਾਧਾ ਅਤੇ ਕਾਰੋਬਾਰੀ ਨਿਵੇਸ਼ ਵਿਚ ਆਈ ਰਿਕਵਰੀ ਹੈ। ਕੈਨੇਡੀਅਨ ਨਿਰਯਾਤ ਨੂੰ ਖਾਸ ਤੌਰ 'ਤੇ ਆਟੋ ਨਿਰਯਾਤ ਕਾਰਨ ਹੁਲਾਰਾ ਮਿਲਿਆ ਹੈ।
ਇਸ ਤੋਂ ਇਲਾਵਾ ਏਜੰਸੀ ਨੇ ਪਹਿਲੀ ਤਿਮਾਹੀ ਦੇ ਜੀਡੀਪੀ ਅੰਕੜਿਆਂ ਨੂੰ ਵੀ ਸੋਧ ਕੇ 0.3 ਫੀਸਦੀ ਸਕਾਰਾਤਮਕ ਕਰ ਦਿੱਤਾ ਹੈ, ਜਿਸ ਨਾਲ ਕੈਨੇਡਾ 'ਤੇ ਤਕਨੀਕੀ ਮੰਦੀ ਦਾ ਖ਼ਤਰਾ ਫਿਲਹਾਲ ਟਲ ਗਿਆ ਹੈ।
ਹਾਲਾਂਕਿ, ਜੂਨ ਵਿਚ ਆਰਥਿਕਤਾ 0.3 ਫੀਸਦੀ ਦੀ ਦਰ ਨਾਲ ਵਧੀ ਹੈ ਪਰ ਜੁਲਾਈ ਦੇ ਸ਼ੁਰੂਆਤੀ ਅਨੁਮਾਨਾਂ ਵਿਚ ਜੀਡੀਪੀ ਦੇ ਸਥਿਰ ਰਹਿਣ ਦੇ ਸੰਕੇਤ ਮਿਲੇ ਹਨ, ਜਿਸ ਕਾਰਨ ਅਰਥਸ਼ਾਸਤਰੀ ਤੀਜੀ ਤਿਮਾਹੀ ਦੀ ਸ਼ੁਰੂਆਤ ਨੂੰ ਥੋੜ੍ਹਾ ਨਰਮ ਮੰਨ ਰਹੇ ਹਨ। ਉਥੇ ਹੀ, ਮਨੀ ਮਾਰਕਿਟ ਦੇ ਅਨੁਮਾਨਾਂ ਮੁਤਾਬਕ, ਬੈਂਕ ਔਫ ਕੈਨੇਡਾ ਬੁੱਧਵਾਰ ਨੂੰ ਜਾਰੀ ਕੀਤੇ ਜਾਣ ਵਾਲੇ ਆਪਣੇ ਫੈਸਲੇ ਵਿਚ ਲਗਾਤਾਰ 7ਵੀਂ ਵਾਰ ਬੈਂਚਮਾਰਕ ਇੰਟਰਸਟ ਰੇਟ ਨੂੰ 2.25 ਫੀਸਦੀ 'ਤੇ ਬਰਕਰਾਰ ਰੱਖ ਸਕਦਾ
