ਕੈਨੇਡਾ ਦੀ ਵਿਦੇਸ਼ ਮੰਤਰੀ ਮੇਲਾਨੀ ਜੋਲੀ ਨੇ ਟੈਰਿਫ ਨੂੰ ਲੈ ਕੇ ਟਰੰਪ ਦੀ ਕੀਤੀ ਆਲੋਚਨਾ

ਕੈਨੇਡਾ ਦੀ ਵਿਦੇਸ਼ੀ ਮਾਮਲਿਆਂ ਦੇ ਮੰਤਰੀ ਮੇਲਾਨੀ ਜੋਲੀ ਨੇ ਟਰੰਪ 'ਤੇ ਹਮਲਾ ਬੋਲਿਆ ਹੈ, ਉਨ੍ਹਾਂ ਕਿਹਾ ਕਿ ਟੈਰਿਫ ਲਈ ਟਰੰਪ ਦੇ ਬਹਾਨੇ ਹਰ ਦਿਨ ਬਦਲ ਰਹੇ ਹਨ ਅਤੇ ਕੈਨੇਡਾ ਖਿਲਾਫ ਵਪਾਰ ਯੁੱਧ ਪਿੱਛੇ ਉਨ੍ਹਾਂ ਦਾ ਇਕਮਾਤਰ ਇਰਾਦਾ ਜੋ ਦੇਖਿਆ ਗਿਆ ਹੈ ਉਹ ਆਰਥਿਕ ਦਬਾਅ ਜ਼ਰੀਏ ਸਾਡੇ ਦੇਸ਼ ਨੂੰ ਅਮਰੀਕਾ ਵਿਚ ਮਿਲਾਉਣ ਦਾ ਹੈ।

ਜੋਲੀ ਨੇ ਕਿਹਾ ਕਿ ਕੈਨੇਡਾ ਕਦੇ ਵੀ ਇਸ ਦਬਾਅ ਅੱਗੇ ਝੁਕੇਗਾ ਨਹੀਂ ਅਤੇ ਕੈਨੇਡੀਅਨ ਇਹ ਬਿਲਕੁਲ ਸਪੱਸ਼ਟ ਕਰ ਚੁੱਕੇ ਹਨ।

ਉਥੇ ਹੀ, ਕੈਨੇਡਾ ਦੇ ਅਗਲੇ ਪ੍ਰਧਾਨ ਮੰਤਰੀ ਬਣਨ ਵਾਲੇ ਮਾਰਕ ਕਾਰਨੀ ਦੀ ਵੀ ਟਿੱਪਣੀ ਸਾਹਮਣੇ ਆਈ ਹੈ, ਉਨ੍ਹਾਂ ਕਿਹਾ ਕਿ ਉਹ ਸਹੀ ਸਮੇਂ 'ਤੇ ਟਰੰਪ ਨਾਲ ਗੱਲਬਾਤ ਲਈ ਤਿਆਰ ਬੈਠੇ ਹਨ, ਬਸ਼ਰਤੇ ਕੈਨੇਡਾ ਦੀ ਪ੍ਰਭੂਸੱਤਾ ਦਾ ਸਨਮਾਨ ਹੋਵੇ ਅਤੇ ਸਾਡੀ ਵਪਾਰ ਲਈ ਇੱਕ ਆਮ ਪਹੁੰਚ ਹੋਵੇ। ਕਾਰਨੀ ਅੱਜ ਇੱਕ ਸਟੀਲ ਕੰਪਨੀ ਦੇ ਦੌਰੇ 'ਤੇ ਸਨ, ਜਿੱਥੇ ਉਨ੍ਹਾਂ ਟੈਰਿਫ ਦੇ ਜਵਾਬ ਵਿਚ ਇਹ ਟਿੱਪਣੀ ਕੀਤੀ।