15.35C Vancouver 15.35C VancouverNov 28, 2024 8:25 PM - Connect Newsroom
ਕੈਨੇਡਾ ਦੀ ਸੰਸਦ ਹਾਊਸ ਆਫ ਕਾਮਨ ਨੇ ਲਿਬਰਲ ਸਰਕਾਰ ਦੇ ਬਿੱਲ ਸੀ-78 ਨੂੰ ਫਸਟ ਰੀਡਿੰਗ ਵਿਚ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸ ਤਹਿਤ ਕੈਨੇਡੀਅਨਾਂ ਨੂੰ ਰੈਸਟੋਰੈਂਟ ਦੇ ਖਾਣੇ, ਪੀਣ ਵਾਲੇ ਪਦਾਰਥ, ਸਨੈਕਸ ਤੋਂ ਲੈ ਕੇ ਬੱਚਿਆਂ ਦੇ ਕੱਪੜਿਆਂ ਅਤੇ ਖਿਡੌਣਿਆਂ ਤੱਕ 'ਤੇ ਜੀ.ਐਸ.ਟੀ. ਵਿਚ ਦੋ ਮਹੀਨਿਆਂ ਲਈ ਛੋਟ ਮਿਲੇਗੀ।
ਇਹ ਆਰਜ਼ੀ ਰਾਹਤ 14 ਦਸੰਬਰ ਤੋਂ 15 ਫਰਵਰੀ ਤੱਕ ਲਈ ਦਿੱਤੀ ਗਈ ਹੈ। ਹਾਊਸ ਆਫ ਕਾਮਨ ਵਿਚ ਐੱਨ.ਡੀ.ਪੀ. ਨੇ ਲਿਬਰਲ ਦੇ ਬਿੱਲ ਸੀ-78 ਦੇ ਸਮਰਥਨ ਵਿਚ ਵੋਟ ਕੀਤੀ, ਜਦੋਂ ਕਿ ਕੰਜ਼ਰਵੇਟਿਵ ਅਤੇ ਬਲਾਕ ਕਿਊਬੇਕੋਇਸ ਨੇ ਇਸ ਦੇ ਵਿਰੋਧ ਵਿਚ ਵੋਟਿੰਗ ਕੀਤੀ।
ਸਰਕਾਰ ਮੁਤਾਬਕ, ਪ੍ਰਸਤਾਵਿਤ ਟੈਕਸ ਛੋਟ ਨਾਲ ਕੈਨੇਡੀਅਨਾਂ ਨੂੰ ਲਗਭਗ $1.6 ਬਿਲੀਅਨ ਦੀ ਬਚਤ ਹੋਵੇਗੀ। ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਸਮੇਂ ਦੌਰਾਨ ਜੇ ਕੋਈ ਪਰਿਵਾਰ ਜੀ.ਐੱਸ.ਟੀ. ਰਿਲੀਫ ਵਾਲੀਆਂ ਚੀਜ਼ਾਂ 'ਤੇ $2,000 ਖਰਚ ਕਰਦਾ ਹੈ ਤਾਂ ਉਸ ਨੂੰ ਸੂਬੇ ਦੇ ਆਧਾਰ 'ਤੇ 100 ਤੋਂ 260 ਡਾਲਰ ਵਿਚਕਾਰ ਬਚਤ ਹੋਵੇਗੀ।
