18.69C Vancouver 18.69C VancouverAug 24, 2026 4:46 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੇ ਵਿੱਤ ਮੰਤਰੀ ਫ੍ਰਾਂਸਵਾ-ਫਿਲਿਪ ਸ਼ੈਂਪੇਨ ਅਤੇ ਊਰਜਾ ਮੰਤਰੀ ਟਿਮ ਹਾਜਸਨ ਨੇ ਟਰੰਪ ਦੇ ਟੈਰਿਫਸ 'ਤੇ ਪ੍ਰਤੀਕਿਰਿਆ ਦਿੰਦਿਆਂ ਦੇਸ਼ ਦੇ ਨਾਗਰਿਕਾਂ ਨੂੰ ਬਾਇ ਕੈਨੇਡੀਅਨ ਦਾ ਸੱਦਾ ਦਿੱਤਾ ਹੈ। ਸ਼ੈਂਪੇਨ ਨੇ ਕਿਹਾ ਕਿ ਜਦੋਂ ਇੱਕ ਨਜ਼ਦੀਕੀ ਵਪਾਰਕ ਭਾਈਵਾਲ ਗੱਲਬਾਤ ਨੂੰ ਦੋਵਾਂ ਧਿਰਾਂ ਦੀ ਜਿੱਤ ਲਈ ਵਰਤਣ ਦੀ ਬਜਾਏ ਇਸ ਨੂੰ ਸਿਰਫ ਦਬਾਅ ਬਣਾਉਣ ਦੇ ਹਥਿਆਰ ਵਜੋਂ ਵਰਤਦਾ ਹੈ ਤਾਂ ਇਹ ਪੂਰੀ ਦੁਨੀਆ ਨੂੰ ਇੱਕ ਗੰਭੀਰ ਸੁਨੇਹਾ ਦਿੰਦਾ ਹੈ ਅਤੇ ਸਪੱਸ਼ਟ ਕਰਦਾ ਹੈ ਕਿ ਅਮਰੀਕਾ ਹੁਣ ਬਦਲ ਚੁੱਕਾ ਹੈ।
ਉਨ੍ਹਾਂ ਕਿਹਾ ਕਿ ਕੈਨੇਡੀਅਨ ਅਤੇ ਕੰਪਨੀਆਂ ਦੀ ਸਾਡੀ ਸਭ ਤੋਂ ਵੱਡੀ ਤਾਕਤ ਸਾਡੀ ਖਰੀਦ ਸ਼ਕਤੀ ਹੈ, ਜਿਸ ਨਾਲ ਅਸੀਂ ਗ੍ਰੋਸਰੀ ਸਟੋਰ ਜਾਂ ਹਾਰਡਵੇਅਰ ਸਟੋਰ 'ਤੇ ਬਾਇ ਕੈਨੇਡੀਅਨ ਨੂੰ ਪਹਿਲ ਦੇ ਕੇ ਆਪਣੀ ਆਰਥਿਕਤਾ ਨੂੰ ਸਹਾਰਾ ਦੇ ਸਕਦੇ ਹਾਂ।
ਉਥੇ ਹੀ, ਊਰਜਾ ਮੰਤਰੀ ਟਿਮ ਹਾਜਸਨ ਨੇ ਕਿਹਾ ਕਿ sovereignty 'ਤੇ ਸਾਡੀ ਰੈੱਡ ਲਾਈਨ ਹੈ, ਕੋਈ ਵੀ ਦੂਜਾ ਮੁਲਕ ਸਾਡੇ 'ਤੇ ਇਹ ਗੱਲ ਨਹੀਂ ਥੋਪ ਸਕਦਾ ਕਿ ਅਸੀਂ ਕਿਸ ਨਾਲ ਵਪਾਰ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ sovereignty ਅਤੇ ਫ੍ਰੈਂਚ ਭਾਸ਼ਾ ਦੋਵੇਂ ਦੇਸ਼ ਦੀਆਂ ਲਕਸ਼ਮਣ ਰੇਖਾਵਾਂ ਹਨ, ਜਿਨ੍ਹਾਂ 'ਤੇ ਕਿਸੇ ਵੀ ਕੀਮਤ 'ਤੇ ਸਮਝੌਤਾ ਨਹੀਂ ਕੀਤਾ ਜਾ ਸਕਦਾ ਹੈ।
