16.58C Vancouver 16.58C VancouverJul 27, 2026 1:54 PM - Connect Newsroom - Pervez Sandhu with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਬੀ.ਸੀ., ਓਨਟਾਰੀਓ ਅਤੇ ਕਿਊਬੈਕ ਵਿਚ ਤਿੰਨ ਫੈਡਰਲ ਉੱਪ ਚੋਣਾਂ ਕਰਵਾਉਣ ਦਾ ਐਲਾਨ ਕੀਤਾ ਹੈ। ਇਹ ਚੋਣਾਂ 31 ਅਗਸਤ ਨੂੰ ਹੋਣਗੀਆਂ, ਜਿਨ੍ਹਾਂ ਦੇ ਨਤੀਜੇ ਹਾਊਸ ਔਫ ਕਾਮਨਜ਼ ਵਿਚ ਸਰਕਾਰ ਦੇ ਬਹੁਮਤ ਲਈ ਬਹੁਤ ਮਹੱਤਵਪੂਰਨ ਮੰਨੇ ਜਾ ਰਹੇ ਹਨ। ਉੱਤਰੀ ਵੈਨਕੂਵਰ-ਕੈਪੀਲਾਨੋ ਦੀ ਸੀਟਲਿਬਰਲ ਸੰਸਦ ਮੈਂਬਰ ਜੋਨਾਥਨ ਵਿਲਕਿਨਸਨ ਦੇ ਯੂਰੋਪੀ ਸੰਘ ਵਿਚ ਅੰਬੈਸਡਰ ਬਣਨ ਤੋਂ ਬਾਅਦ ਖਾਲੀ ਹੋਈ ਸੀ।
ਟੋਰੌਂਟੋ ਦੀ ਬੀਚ-ਈਸਟ ਯੌਰਕ ਰਾਈਡਿੰਗ ਸਾਬਕਾ ਲਿਬਰਲ ਸੰਸਦ ਮੈਂਬਰ ਨਥਾਨਿਏਲ ਅਰਸਕਾਈਨ-ਸਮਿਥ ਵਲੋਂ ਅਸਤੀਫਾ ਦੇਣ ਕਾਰਨ ਖਾਲੀ ਪਈ ਹੈ। ਉਥੇ ਹੀ, ਕਿਊਬੈਕ ਦੀ Chicoutimi-Le Fjord ਫੈਡਰਲ ਸੀਟ ਸਾਬਕਾ ਕੰਜ਼ਰਵੇਟਿਵ ਸੰਸਦ ਮੈਂਬਰ ਰਿਚਰਡ ਮਾਰਟੇਲ ਦੇ ਸੈਨੇਟ ਵਿਚ ਨਿਯੁਕਤ ਹੋਣ ਕਾਰਨ ਖਾਲੀ ਹੋਈ ਸੀ।
ਹਾਊਸ ਔਫ ਕਾਮਨਜ਼ ਵਿਚ ਅਪਣਾ ਕੰਟਰੋਲ ਬਣਾਏ ਰੱਖਣ ਲਈ ਲਿਬਰਲ ਪਾਰਟੀ ਨੂੰ ਇਨ੍ਹਾਂ ਤਿੰਨਾਂ ਵਿਚੋਂ ਘੱਟੋ-ਘੱਟ 1 ਸੀਟ ਜਿੱਤਣੀ ਲਾਜ਼ਮੀ ਹੈ। ਲਿਬਰਲ ਕੋਲ ਇਸ ਵੇਲੇ ਸਪੀਕਰ ਨੂੰ ਮਿਲਾ ਕੇ 172 ਸੀਟਾਂ ਨਾਲ ਸਧਾਰਨ ਬਹੁਮਤ ਹੈ। ਵੋਟਰਾਂ ਦੀ ਸਹੂਲਤ ਲਈ ਐਡਵਾਂਸ ਵੋਟਿੰਗ ਦਾ ਸਮਾਂ 21 ਅਗਸਤ ਤੋਂ 24 ਅਗਸਤ ਤੱਕ ਰੱਖਿਆ ਗਿਆ ਹੈ।
