10.15C Vancouver 10.15C VancouverAug 27, 2026 3:10 PM - Connect Newsroom - Ramandeep Kaur with files from The Canadian Press
ਪੀ.ਐਮ.ਕਾਰਨੀ ਦੀ ਲਿਬਰਲ ਸਰਕਾਰ ਨੇ ਟਰੇਡ ਵਾਰ ਵਿਚਕਾਰ ਆਪਣੇਐਮ.ਪੀਜ਼ ਨੂੰ ਜਨਤਕ ਤੌਰ 'ਤੇ ਅਮਰੀਕਾ ਖਿਲਾਫ਼ ਤਣਾਅ ਨਾ ਵਧਾਉਣ ਅਤੇ ਟਰੰਪ ਪ੍ਰਸ਼ਾਸਨ ਨੂੰ ਉਕਸਾਉਣ ਤੋਂ ਬਚਣ ਦੀ ਹਦਾਇਤ ਕੀਤੀ ਹੈ। ਰਿਪੋਰਟਸ ਮੁਤਾਬਕ, ਇੱਕ ਕਾਕਸ ਕਾਲ ਦੌਰਾਨ ਡੋਮਿਨਿਕ ਲੇਬਲੈਂਕ ਨੇ ਸੰਸਦ ਮੈਂਬਰਾਂ ਨੂੰ ਸੋਸ਼ਲ ਮੀਡੀਆ 'ਤੇ ਅਮਰੀਕਾ ਵਿਰੁੱਧ ਬੋਲਣ ਵੇਲੇ ਸਾਵਧਾਨੀ ਵਰਤਣ ਅਤੇ ਮੀਡੀਆ ਦੇ ਸੂਤਰਾਂ ਅਮਰੀਕੀ ਨੈੱਟਵਰਕਸ 'ਤੇ ਵਪਾਰ ਸਬੰਧੀ ਚਰਚਾ ਕਰਨ ਵਰਗੀਆਂ ਬੇਨਤੀਆਂ ਨੂੰ ਮਨ੍ਹਾ ਕਰਨ ਲਈ ਕਿਹਾ।
ਲੇਬਲੈਂਕ ਵਲੋਂ ਲਿਬਰਲ ਸੰਸਦ ਮੈਂਬਰਾਂ ਨੂੰ ਇਹ ਅਪੀਲ ਐਤਵਾਰ ਨੂੰ ਕੀਤੀ ਗਈ, ਜਿਸ ਤੋਂ ਇੱਕ ਦਿਨ ਪਹਿਲਾਂ ਹੀ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਵ੍ਹਾਈਟ ਹਾਊਸ ਦੇ ਹਾਲੀਆ ਟੈਰਿਫਸ ਨੂੰ ਕੈਨੇਡਾ 'ਤੇ ਹਮਲਾ ਦੱਸਿਆ ਗਿਆ ਸੀ। ਸਰਕਾਰ ਦੇ ਇਸ ਕਦਮ ਨੂੰ ਅਮਰੀਕਾ ਨਾਲ ਭਵਿੱਖ ਵਿਚ ਕਿਸੇ ਵਪਾਰਕ ਸਮਝੌਤੇ ਦੀਆਂ ਸੰਭਾਵਨਾਵਾਂ ਬਣਾਏ ਰੱਖਣ ਦੀ ਕੋਸ਼ਿਸ਼ ਮੰਨਿਆ ਜਾ ਰਿਹਾ ਹੈ।
ਉਥੇ ਹੀ, ਇਸ ਵਿਚਕਾਰ ਵਿਰੋਧੀ ਧਿਰ ਕੰਜ਼ਰਵੇਟਿਵ ਪਾਰਟੀ ਦੀ ਡਿਪਟੀ ਲੀਡਰ ਮੇਲਿਸਾ ਲੈਂਟਸਮੈਨ ਨੇ ਕਾਰਨੀ ਸਰਕਾਰ ਵਲੋਂ ਮਹਿਜ਼ ਦੋ ਦਿਨਾਂ ਵਿਚ ਹੀ ਸਮੁੰਦਰੀ ਭੋਜਨ ਅਤੇ ਮੱਛੀ ਉਤਪਾਦ 'ਤੇ ਵਿਰੋਧੀ ਟੈਰਿਫ ਤੋਂ ਪਿੱਛੇ ਹਟਣ ਨੂੰ ਲੈ ਕੇ ਨਿਸ਼ਾਨਾ ਸਾਧਿਆ ਹੈ, ਉਹਨਾਂ ਕਿਹਾ ਕਿ ਇਹ ਕਦਮ ਦਿਖਾਉਂਦਾ ਹੈ ਕਿ ਸਰਕਾਰ ਨੇ ਪਹਿਲਾਂ ਸੋਚ-ਸਮਝ ਕੇ ਫੈਸਲਾ ਨਹੀਂ ਲਿਆ। ਲੈਂਟਸਮੈਨ ਨੇ ਕਿਹਾ ਕਿ ਇਸ ਗੰਭੀਰ ਵਪਾਰਕ ਮੁੱਦੇ 'ਤੇ ਪਾਰਲੀਮੈਂਟ ਦਾ ਸੈਸ਼ਨ ਬੁਲਾ ਕੇ ਚਰਚਾ ਹੋਣੀ ਚਾਹੀਦੀ ਹੈ।
