ਪ੍ਰਧਾਨ ਮੰਤਰੀ ਕਾਰਨੀ ਵਲੋਂ ਪ੍ਰੀਮੀਅਰਜ਼ ਨਾਲ ਕੀਤੀ ਜਾ ਰਹੀ ਵਰਚੁਅਲ ਮੀਟਿੰਗ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਅੱਜ ਸਵੇਰ ਆਪਣੇ ਮੰਤਰੀ ਮੰਡਲ ਨਾਲ ਬੈਠਕ ਮਗਰੋਂ ਪ੍ਰੀਮੀਅਰਜ਼ ਨਾਲ ਵਰਚੁਅਲ ਮੀਟਿੰਗ ਕੀਤੀ ਜਾ ਰਹੀ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਵੱਲੋਂ ਕੈਨੇਡਾ 'ਤੇ 35 ਫੀਸਦੀ ਬੇਸਲਾਈਨ ਟੈਰਿਫ ਲਗਾਉਣ ਦੇ ਕਰੀਬ ਇੱਕ ਹਫ਼ਤੇ ਬਾਅਦ ਇਹ ਪਹਿਲੀ ਬੈਠਕ ਹੈ। ਟਰੰਪ ਵਲੋਂ ਤਾਜ਼ਾ ਟੈਰਿਫ ਉਨ੍ਹਾਂ ਸਾਮਾਨ 'ਤੇ ਲਾਗੂ ਹੈ ਜੋ CUSMA ਯਾਨੀ ਕੈਨੇਡਾ ਅਮਰੀਕਾ ਮੈਕਸੀਕੋ ਦੇ ਫਰੀ ਟਰੇਡ ਐਗਰੀਮੈਂਟ ਵਿਚ ਸ਼ਾਮਲ ਨਹੀਂ ਹਨ।

ਇਹ ਟੈਰਿਫ 1 ਅਗਸਤ ਤੋਂ ਲਾਗੂ ਹੋਇਆ ਸੀ। ਪ੍ਰਧਾਨ ਮੰਤਰੀ ਮੁਤਾਬਕ,CUSMA ਦੇ ਚੱਲਦੇ ਅਮਰੀਕਾ ਨਾਲ ਸਾਡਾ ਲਗਭਗ 85 ਫੀਸਦੀ ਵਪਾਰ ਟੈਰਿਫ-ਮੁਕਤ ਹੈ,ਜਦੋਂ ਕਿ ਸੈਕਟਰਲ ਟੈਰਿਫ, ਜਿਵੇਂ ਕਿ ਸਟੀਲ,ਐਲਮੀਨੀਅਮ ਅਤੇ ਕਾਪਰ'ਤੇ 50 ਫੀਸਦੀ ਟੈਰਿਫ ਬਰਕਰਾਰ ਹੈ। ਗੌਰਤਲਬ ਹੈ ਕਿ ਕੈਨੇਡਾ ਮੈਕਸੀਕੋ ਤੋਂ ਬਾਅਦ ਅਮਰੀਕਾ ਦਾ ਦੂਜਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਹੈ ਅਤੇ ਅਮਰੀਕੀ ਐਕਸਪੋਰਟ ਦਾ ਸਭ ਤੋਂ ਵੱਡਾ ਖਰੀਦਦਾਰ ਵੀ ਹੈ।