ਕਾਰਨੀ ਨੇ ਮੰਤਰੀ ਮੰਡਲ 'ਚ ਮਜ਼ਦੂਰਾਂ ਯੂਨੀਅਨਾਂ ਅਤੇ ਵਰਕਰਾਂ ਨੂੰ ਨਹੀਂ ਦਿੱਤੀ ਤਰਜੀਹ : ਜਗਮੀਤ ਸਿੰਘ

ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਮਹਿਲਾਵਾਂ, ਨੌਜਵਾਨਾਂ ਅਤੇ ਵਿਕਲਾਂਗ ਲੋਕਾਂ ਲਈ ਵਿਸ਼ੇਸ਼ ਰੂਪ ਤੋਂ ਕੋਈ ਪੋਰਟਫੋਲੀਓ ਨਾ ਰੱਖਣ ਦੀ ਆਲੋਚਨਾ ਕੀਤੀ ਹੈ। ਜਗਮੀਤ ਨੇ ਇਹ ਵੀ ਕਿਹਾ ਕਿ ਕਾਰਨੀ ਦੀ ਕੈਬਨਿਟ ਵਿਚ ਲੇਬਰ ਮਿਨਿਸਟਰ ਵੀ ਨਹੀਂ ਹੈ।

ਉਨ੍ਹਾਂ ਕਿਹਾ ਕਿ ਸਟੀਵਨ ਮੈਕਕਿਨਨ ਹੁਣ ਜੌਬਸ ਅਤੇ ਪਰਿਵਾਰਕ ਮੰਤਰੀ ਹਨ ਅਤੇ ਇਹ ਕਹਿ ਸਕਦੇ ਹਾਂ ਕਿ ਲੇਬਰ ਨਾਲ ਜੁੜੇ ਮਾਮਲੇ ਅਜੇ ਵੀ ਉਨ੍ਹਾਂ ਦੀ ਭੂਮਿਕਾ ਅਧੀਨ ਆਉਣਗੇ ਪਰ ਨਾਮ ਦਾ ਵੀ ਕੁਝ ਮਤਲਬ ਤਾਂ ਹੁੰਦਾ ਹੀ ਹੈ।

ਜਗਮੀਤ ਸਿੰਘ ਨੇ ਕਿਹਾ ਕਿ ਇਸ ਤੋਂ ਪਤਾ ਲੱਗਦਾ ਹੈ ਕਿ ਕਾਰਨੀ ਦੀ ਸਰਕਾਰ ਮਜ਼ਦੂਰ, ਯੂਨੀਅਨਾਂ ਅਤੇ ਵਰਕਰ ਨੂੰ ਤਰਜੀਹ ਨਹੀਂ ਦੇ ਰਹੀ।