13.34C Vancouver 13.34C VancouverMay 5, 2020 2:07 AM -
ਨਾਮੀ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਨੂੰ ਬੰਦੂਕ ਚਲਾਉਣਾ ਸਿਖਾਉਣਾ ਕੁਝ ਪੁਲਿਸਵਾਲਿਆਂ ਲਈ ਮਹਿੰਗਾ ਸਾਬਿਤ ਹੋਇਆ।
ਸਿੱਧੂ ਮੂਸੇਵਾਲਾ ਅਤੇ 5 ਪੁਲਿਸ ਕਰਮਚਾਰੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ।
ਸੋਸ਼ਲ ਮੀਡੀਆ 'ਤੇ ਸਿੱਧੂ ਮੂਸੇਵਾਲਾ ਦੀ ਇੱਕ ਫਾਇਰਿੰਗ ਰੇਂਜ 'ਤੇ ਸ਼ੂਟਿੰਗ ਕਰਦੇ ਹੋਏ ਦੀ ਵੀਡੀਓ ਵਾਇਰਲ ਹੋ ਗਈ।
ਪੰਜਾਬ ਦੇ ਡੀ.ਜੀ.ਪੀ. ਦਿਨਕਰ ਗੁਪਤਾ ਨੇ ਮਾਮਲੇ 'ਚ ਸੰਗਰੂਰ ਦੇ ਡੀ.ਐਸ.ਪੀ. ਹੈਡਕੁਆਟਰਸ ਦਲਜੀਤ ਸਿੰਘ ਵਿਰਕ ਨੂੰ ਸਸਪੈਂਡ ਕਰਨ ਦੇ ਹੁਕਮ ਦੇ ਦਿੱਤੇ ਹਨ।
ਸਿੱਧੂ ਮੂਸੇਵਾਲਾ ਨੂੰ ਕਥਿਤ ਤੌਰ 'ਤੇ 5 ਪੁਲਿਸ ਵਾਲੇ ਏ.ਕੇ. 47 ਰਾਈਫਲ ਚਲਾਉਣੀ ਸਿਖਾਉਂਦੇ ਵੇਖੇ ਗਏ ਸਨ।
ਖਬਰਾਂ ਉਜਾਗਰ ਹੋਣ ਤੋਂ ਬਾਅਦ ਕਾਰਵਾਈ ਕੀਤੀ ਗਈ ਹੈ।
ਯਾਦ ਰਹੇ ਇਸੇ ਸਾਲ ਸਿੱਧੂ ਮੂਸੇਵਾਲਾ ਅਤੇ ਮਨਕੀਰਤ ਔਲਖ ਖਿਲਾਫ ਕਥਿਤ ਤੌਰ 'ਤੇ ਹਿੰਸਾ ਨੂੰ ਉਤਸ਼ਾਹਿਤ ਕਰਨ ਵਾਲਾ ਗੀਤ ਗਾਉਣ ਕਾਰਨ ਵੀ ਪਰਚਾ ਦਰਜ ਕੀਤਾ ਗਿਆ ਸੀ।
