ਮਾਂਟਰੀਅਲ ’ਚ ਪਾਣੀ ਦੀ ਪਾਈਪ ਦੀ ਖ਼ਰਾਬੀ ਦੇ ਕਾਰਨਾਂ ਬਾਰੇ ਨਹੀਂ ਮਿਲੀ ਜਾਣਕਾਰੀ: ਮੇਅਰ

ਕੈਲਗਰੀ ਵਿਚ ਪਾਣੀ ਦੀ ਪਾਈਪ ਨੂੰ ਹੋਏ ਨੁਕਸਾਨ ਸਬੰਧੀ ਗੱਲ ਕਰਦਿਆਂ ਫੈਡਰੇਸ਼ਨ ਆਫ ਕੈਨੇਡੀਅਨ ਮਿਉਂਸਪੈਲਟੀਜ਼ ਦੇ ਮੁਖੀ ਨੇ ਦੱਸਿਆ ਕਿ ਦੇਸ਼ ਭਰ ਵਿਚ ਅਜਿਹੇ ਬਹੁਤ ਸਾਰੇ ਸ਼ਹਿਰ ਹਨ ਜਿੱਥੇ ਫੀਡਰ ਪਾਈਪ ਖਰਾਬ ਹੋ ਚੁੱਕੀਆਂ ਹਨ। ਕੈਲਗਰੀ ਦੀ ਮੇਅਰ ਜੋਤੀ ਗੋਂਡੇਕ ਨੇ ਦੱਸਿਆ ਕਿ 10 ਕਿਲੋਮੀਟਰ ਦੇ ਇਲਾਕੇ ਦੀ ਪਾਈਪ ਵਿਚ ਕਾਫੀ ਖਰਾਬੀ ਦੇਖੀ ਗਈ ਹੈ।

ਜੂਨ ਵਿਚ ਫੈਡਰੇਸ਼ਨ ਦੀ ਸਾਲਾਨਾ ਆਮ ਮੀਟਿੰਗ ਵਿਚ ਇਸ ਸਬੰਧੀ ਚਰਚਾ ਕੀਤੀ ਗਈ ਸੀ। ਮਾਂਟਰੀਅਲ ਦੇ ਜੈਕ ਕਾਰਟੀਅਰ ਬ੍ਰਿਜ ਨੇੜੇ ਪਾਣੀ ਦੀ ਪਾਈਪ ਦੀ ਖਰਾਬੀ ਕਾਰਨ ਵੱਡੀ ਗਿਣਤੀ ਵਿਚ ਲੋਕ ਪ੍ਰਭਾਵਿਤ ਹੋਏ।

ਇਸ ਕਾਰਨ ਤਕਰੀਬਨ 15 ਹਜ਼ਾਰ ਲੋਕ ਪ੍ਰਭਾਵਿਤ ਹੋਏ ਹਨ ਅਤੇ ਲੋਕਾਂ ਨੂੰ ਪਾਣੀ ਉਬਾਲ ਕੇ ਵਰਤਣ ਦੀ ਸਲਾਹ ਦਿੱਤੀ ਗਈ ਸੀ। ਇਸ ਕਾਰਨ ਬਿਲਡਿੰਗਜ਼ ਨੂੰ ਖਾਲੀ ਕਰਵਾਇਆ ਗਿਆ ਸੀ। 26 ਅਗਸਤ ਤੋਂ ਸਤੰਬਰ ਦੇ ਆਖਿਰ ਤੱਕ ਇਸ ਪਾਈਪ ਨੂੰ ਠੀਕ ਕਰਨ ਲਈ ਸਮਾਂ ਲੱਗ ਸਕਦਾ ਹੈ। ਇਸ ਦੌਰਾਨ ਲੋਕਾਂ ਨੂੰ ਪਾਣੀ ਦੀ ਸੀਮਤ ਵਰਤੋਂ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।