14.33C Vancouver 14.33C VancouverAug 16, 2024 3:49 PM - The Canadian Press
ਕੈਨੇਡਾ ਵਿਚ ਦੇਸ਼ ਨਿਕਾਲੇ ਦਾ ਸਾਹਮਣਾ ਕਰ ਰਹੇ ਲੋਕਾਂ ’ਤੇ ਹੁਣ ਚਿਹਰੇ ਦੀ ਪਛਾਣ ਐਪ ਜ਼ਰੀਏ ਨਜ਼ਰ ਰੱਖੀ ਜਾਵੇਗੀ। ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਇਸ ਐਪ ਨੂੰ ਫਾਲ ਵਿਚ ਲੌਂਚ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਜਿਸ ਦਾ ਨਾਂ ਰਿਪੋਰਟ ਇਨ ਹੋਵੇਗਾ। ਸੀ.ਬੀ.ਐੱਸ.ਏ. ਨੇ 2021 ਵਿਚ ਇਸ ਤਰ੍ਹਾਂ ਦੀ ਮੋਬਾਇਲ ਰਿਪੋਰਟਿੰਗ ਐਪ ਦਾ ਪ੍ਰਸਤਾਵ ਦਿੱਤਾ ਸੀ।
ਏਜੰਸੀ ਦਾ ਕਹਿਣਾ ਸੀ ਕਿ ਹਰ ਸਾਲ ਜਿਨ੍ਹਾਂ ਹਜ਼ਾਰਾਂ ਲੋਕਾਂ ਨੂੰ ਦੇਸ਼ ਛੱਡਣ ਦੇ ਆਦੇਸ਼ ਦਿੱਤੇ ਜਾਂਦੇ ਹਨ ਉਹ ਇਸ ਨੂੰ ਫੋਲੋ ਨਹੀਂ ਕਰਦੇ, ਅਜਿਹੀ ਸਥਿਤੀ ਬਾਰਡਰ ਸਰਵਿਸ ਦੇ ਅਧਿਕਾਰੀਆਂ ਲਈ ਪੇਚੀਦਗੀ ਹੋ ਜਾਂਦੀ ਹੈ ਤੇ ਜਾਂਚ ਤੋਂ ਲੈ ਕੇ ਉਨ੍ਹਾਂ ਦਾ ਪਤਾ ਲਗਾਉਣ ਤੇ ਕੁਝ ਮਾਮਲਿਆਂ ਵਿਚ ਉਨ੍ਹਾਂ ਨੂੰ ਹਿਰਾਸਤ ਵਿਚ ਲੈਣ ਲਈ ਕਾਫੀ ਸਾਧਨ ਜੁਟਾਉਣੇ ਪੈਂਦੇ ਹਨ, ਜਿਸ ਨਾਲ ਖ਼ਰਚਾ ਵਧਦਾ ਹੈ। ਇਸ ਕਾਰਨ ਏਜੰਸੀ ਨੇ ਤੈਅ ਕੀਤਾ ਕਿ ਇਸ ਸਥਿਤੀ ਵਿਚ ਇੱਕ ਸਮਾਰਟਫੋਨ ਐਪ ਆਦਰਸ਼ ਹੱਲ ਹੋ ਸਕਦਾ ਹੈ।
ਹੁਣ ਰਿਪੋਰਟ ਐਪ ਜ਼ਰੀਏ ਦੇਸ਼ ਨਿਕਾਲੇ ਦਾ ਸਾਹਮਣਾ ਕਰ ਰਹੇ ਲੋਕਾਂ ਨੂੰ ਟਰੈਕ ਕਰਨਾ ਆਸਾਨ ਹੋਵੇਗਾ। ਕੈਨੇਡਾ ਬਾਰਡਰ ਸਰਵਿਸ ਏਜੰਸੀ ਦੀ ਬੁਲਾਰਾ ਮਾਰੀਆ ਲਾਡੋਸਰ ਨੇ ਕਿਹਾ ਕਿ ਲੋਕਾਂ ਕੋਲ ਨਿੱਜੀ ’ਤੇ ਰਿਪੋਰਟ ਕਰਨ ਦੀ ਵੀ ਓਪਸ਼ਨ ਰਹੇਗੀ। ਸੀ.ਬੀ.ਐੱਸ.ਏ. ਦੇ ਬੁਲਾਰੇ ਨੇ ਕਿਹਾ ਕਿ ਲੌਂਚ ਮਗਰੋਂ ਐਪ ਦੀ ਸ਼ੁੱਧਤਾ ਤੇ ਕਾਰਗੁਜ਼ਾਰੀ ਜਾਂਚਣ ਲਈ ਲਗਾਤਾਰ ਟੈਸਟਿੰਗ ਜਾਰੀ ਰੱਖੀ ਜਾਵੇਗੀ।
