23.4C Vancouver 23.4C VancouverFeb 9, 2022 10:17 PM - The Canadian Press
ਕੈਨੇਡਾ ਦੇ ਤਾਜਾ ਸੈਂਸਸ 'ਚ ਜਾਣਕਾਰੀ ਦਿੱਤੀ ਗਈ ਹੈ ਕਿ, ਬ੍ਰਿਟਿਸ਼ ਕੋਲੰਬੀਆ 'ਚ ਆਬਾਦੀ 5 ਮਿਲੀਅਨ ਦੇ ਪਾਰ ਪਹੁੰਚ ਗਈ ਹੈ।
ਦੇਸ਼ ਦੇ ਸਾਰੇ ਸੂਬਿਆਂ 'ਚ ਬੀ.ਸੀ. ਦੀ ਆਬਾਦੀ 'ਚ ਦੂਜਾ ਸਭ ਤੋਂ ਵੱਡਾ ਵਾਧਾ ਦਰਜ ਹੋਇਆ ਹੈ।
ਸਭ ਤੋਂ ਵੱਧ ਵਾਧਾ ਪ੍ਰਿੰਸ ਐਡਵਰਡ ਆਈਲੈਂਡ 'ਚ ਹੋਇਆ ਦੱਸਿਆ ਗਿਆ ਹੈ।
ਅੱਜ ਜਾਰੀ ਕੀਤੇ ਸੈਂਸਸ 'ਚ ਦੱਸਿਆ ਗਿਆ ਹੈ ਕਿ ਸਾਲ 2016 ਤੋਂ 2021 ਵਿਚਾਲੇ ਬੀ.ਸੀ. 'ਚ 7.6% ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਡਾਟਾ ਦਰਸ਼ਾਉਂਦਾ ਹੈ ਕਿ ਸਕਵਾਮਿਸ਼ ਵਰਗਾ ਰਿਜ਼ਾਰਟ ਸ਼ਹਿਰ ਦੇਸ਼ ਦੀਆਂ 'ਫਾਸਟੈਸਟ ਗਰੋਇੰਗ ਕਮਿਊਨਿਟੀਸ' ਵਿੱਚ ਸ਼ਾਮਿਲ ਹੈ।
ਹਾਲਾਂਕਿ ਸਕਵਾਮਿਸ਼ 'ਚ ਹੋ ਰਹੇ ਆਬਾਦੀ ਦੇ ਵਾਧੇ ਵਿਚਾਲੇ ਇਸ ਇਲਾਕੇ 'ਚ ਪ੍ਰਾਪਰਟੀਆਂ ਦੀਆਂ ਕੀਮਤਾਂ ਵਧਣ ਦੀ ਵੀ ਜਾਣਕਾਰੀ ਦਿੱਤੀ ਗਈ ਹੈ।
ਵੈਨਕੂਵਰ ਤੇ ਵਿਸਲਰ ਵਿਚਾਲੇ ਪੈਂਦੇ ਇਸ ਸ਼ਹਿਰ 'ਚ ਵਧਦੀ ਆਬਾਦੀ ਵਿਚਾਲੇ ਪ੍ਰਾਪਰਟੀਆਂ ਵਾਸਤੇ ਕੰਪੀਟੀਸ਼ਨ 'ਚ ਵੀ ਵਾਧਾ ਹੋਇਆ ਹੈ।
ਅੱਜ ਇੱਕ ਰਿਪੋਰਟ 'ਚ ਦੱਸਿਆ ਗਿਆ ਕਿ ਬਹੁਤ ਸਾਰੇ ਲੋਕਾਂ ਦੇ ਪ੍ਰਾਪਰਟੀਆਂ ਲਈ ਮਲਟੀਪਲ ਆਫਰ ਰਿਜੈਕਟ ਹੋ ਰਹੇ ਹਨ ਅਤੇ ਕੀਮਤਾਂ 'ਚ ਲਗਾਤਾਰ ਵਾਧਾ ਹੋ ਰਿਹਾ ਹੈ।
ਸੈਂਸਸ ਅਨੁਸਾਰ ਬੀ.ਸੀ. ਵਿੱਚ ਲੈਂਗਫੋਰਡ 'ਚ ਵੀ ਵਾਧਾ ਹੋਇਆ ਹੈ ਅਤੇ ਇਸ ਤੋਂ ਇਲਾਵਾ ਫਰੇਜ਼ਰ ਵੈਲੀ 'ਚ ਵੀ ਜਨਸੰਖਿਆ 'ਚ ਵਾਧਾ ਦਰਜ ਕੀਤਾ ਗਿਆ ਹੈ।
ਯਾਦ ਰਹੇ ਸਾਲ 2016 ਤਕ ਦੇ ਅੰਕੜਿਆਂ ਅਨੁਸਾਰ ਬੀ.ਸੀ. ਦੀ ਆਬਾਦੀ 4.6 ਮਿਲੀਅਨ ਸੀ ਜੋ ਹੁਣ ਵਧ ਕੇ 5.1 ਮਿਲੀਅਨ ਦੇ ਕਰੀਬ ਪਹੁੰਚ ਗਈ ਹੈ।
