10.81C Vancouver 10.81C VancouverJul 28, 2021 12:49 PM -
ਪੁਲਾੜ ਵਿਭਾਗ ਦੇ ਕੇਂਦਰੀ ਮੰਤਰੀ ਡਾ. ਜਿਤੇਂਦਰ ਸਿੰਘ ਨੇ ਅੱਜ ਬੁੱਧਵਾਰ ਨੂੰ ਜਾਣਕਾਰੀ ਦਿੰਦਿਆਂ ਆਖਿਆ ਹੈ ਕਿ ਕੰਮ ਦੇ ਆਮ ਹਾਲਾਤ ਵਿੱਚ, ਚੰਦ੍ਰਯਾਨ-3 ਦੀ ਚੰਨ ਦੀ ਮੁਹਿੰਮ 2022 ਦੀ ਤੀਜੀ ਤਿਮਾਹੀ ਦੌਰਾਨ ਸ਼ੁਰੂ ਕੀਤੀ ਜਾ ਸਕਦੀ ਹੈ।
ਲੋਕ ਸਭਾ ਵਿੱਚ ਅੱਜ, ਪੁੱਛੇ ਗਏ ਸਵਾਲ ਦੇ ਜਵਾਬ ਵਿੱਚ ਉਨ੍ਹਾਂ ਆਖਿਆ ਕਿ ਚੰਦ੍ਰਯਾਨ-3 ਦੀ ਮੁਹਿੰਮ ਅੱਗੇ ਵਧ ਰਹੀ ਹੈ।
ਮੰਤਰੀ ਨੇ ਆਖਿਆ,"ਚੰਦ੍ਰਯਾਨ-3 ਦੇ ਵਿਕਾਸ ਦੇ ਕੰਮ ਵਿੱਚ ਕਨਫਿਗਰੇਸ਼ਨ ਨੂੰ ਤੈਅ ਕਰਨਾ, ਸਹਿ-ਪ੍ਰਣਾਲੀਆਂ ਦੀ ਰਿਅਲਾਈਜ਼ੇਸ਼ਨ, ਏਕੀਕਰਨ, ਪੁਲਾੜਯਾਨ ਪੱਧਰ ਦਾ ਵਿਸਥਾਰਿਤ ਪ੍ਰੀਖਣ ਅਤੇ ਧਰਤੀ 'ਤੇ ਪ੍ਰਣਾਲੀ ਦੀ ਕਾਰਵਾਈ ਦੇ ਮੁਲਾਂਕਣ ਲਈ ਕਈ ਖ਼ਾਸ ਪ੍ਰੀਖਣ ਸ਼ਾਮਲ ਹਨ।"
ਉਨ੍ਹਾਂ ਆਖਿਆ ਕਿ ਅਸਲ ਵਿੱਚ ਇਸ ਕੰਮ ਦੇ ਵਿਕਾਸ ਵਿੱਚ ਕੋਵਿਡ-19 ਮਹਾਮਾਰੀ ਦੌਰਾਨ ਕਾਫ਼ੀ ਨੁਕਸਾਨ ਹੋਇਆ ਹੈ।
ਉਨ੍ਹਾਂ ਦੇ ਲਿਖਤੀ ਜਵਾਬ ਮੁਤਾਬਕ,"ਹਾਲਾਂਕਿ, ਤਾਲਾਬੰਦੀ ਦੌਰਾਨ ਜੋ ਵੀ ਕੰਮ ਘਰ ਤੋਂ ਕਰਨ ਲਾਇਕ ਸਨ, ਉਹ ਕੀਤੇ ਗਏ। ਚੰਦ੍ਰਯਾਨ-3 ਦਾ ਕੰਮ ਤਾਲਾਬੰਦੀ ਖੁੱਲਣ ਤੋਂ ਬਾਅਦ ਸ਼ੁਰੂ ਕਰ ਦਿੱਤਾ ਗਿਆ ਸੀ, ਜੋ ਹੁਣ ਕਾਫ਼ੀ ਹੱਦ ਤੱਕ ਪੂਰਾ ਹੋਣ ਦੀ ਕਗਾਰ 'ਤੇ ਹੈ।"
