17.28C Vancouver 17.28C VancouverNov 12, 2020 8:25 PM -
ਪੁਲਿਸ ਦਾ ਕਹਿਣਾ ਹੈ ਕਿ ਟੋਰੌਂਟੋ 'ਚ ਵਾਪਰੀ ਗੋਲੀ ਚੱਲਣ ਦੇ ਘਟਨਾ 'ਚ ਜ਼ਖਮੀ ਹੋਏ 12 ਸਾਲਾ ਬੱਚੇ ਦੀ ਮੌਤ ਹੋ ਗਈ ਹੈ।
ਇਸ ਘਟਨਾ 'ਚ ਹੁਣ 2 ਸ਼ੱਕੀਆਂ ਖਿਲਾਫ਼ ਗਏ ਗਏ ਦੋਸ਼ਾਂ ਨੂੰ ਫਰਸਟ ਡਿਗਰੀ ਕਤਲ 'ਚ ਤਬਦੀਲ ਕਰ ਦਿੱਤਾ ਗਿਆ ਹੈ।
ਟੋਰੌਂਟੋ ਪੁਲਿਸ ਵੱਲੋਂ ਬੱਚੇ ਦੀ ਮੌਤ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਪੁਲਿਸ ਅਨੁਸਾਰ ਇਹ ਬੱਚਾ ਆਪਣੀ ਮਾਂ ਦੇ ਨਾਲ ਸ਼ੌਪਿੰਗ ਲਈ ਨਿਕਲਿਆ ਸੀ ਜਦ ਸ਼ਨੀਵਾਰ ਨੂੰ 2 ਲੋਕਾਂ ਨੇ ਇੱਕ ਵਾਹਨ 'ਤੇ ਗੋਲੀਆਂ ਚਲਾ ਦਿੱਤੀਆਂ।
ਘਟਨਾ 'ਚ ਵਾਹਨ 'ਚ ਬੈਠੇ ਇੱਕ 17 ਸਾਲਾ ਲੜਕੇ ਅਤੇ 2 ਹੋਰ ਲੋਕਾਂ ਨੂੰ ਜ਼ਖਮੀ ਹੋਇਆ ਦੱਸਿਆ ਗਿਆ ਸੀ, ਪਰ ਬਾਅਦ 'ਚ ਇਹਨਾਂ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲ ਗਈ।
ਘਟਨਾ ਦੌਰਾਨ ਇੱਕ ਗੋਲੀ, ਇੱਕ ਸਟੋਰ ਦੇ ਬਾਹਰ ਖੜੇ ਬੱਚੇ ਨੂੰ ਜਾ ਵੱਜੀ।
ਇਸ ਮਾਮਲੇ 'ਚ 24 ਸਾਲਾ ਰਾਸ਼ੌਨ ਚੈਂਬਰਸ ਅਤੇ 25 ਸਾਲਾ ਜਾਵੇਨ ਸਮਾਰਟ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਮਾਮਲਾ ਗੈਂਗ ਨਾਲ ਸੰਬੰਧਤ ਸ਼ੂਟਿੰਗ ਦਾ ਸੀ।
