9.79C Vancouver 9.79C VancouverNov 4, 2020 9:21 PM -
ਅੱਜ ਸਿਟੀ ਆਫ ਸਰੀ ਨੇ ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਫੰਡਿੰਗ ਜ਼ਰੀਏ ਲੋਕਲ ਸਰਕਾਰਾਂ ਨੂੰ ਕੋਵਿਡ-19 ਸੇਫ ਰੀਸਟਾਰਟ ਗ੍ਰਾਂਟ ਮਿਲਣ ਦਾ ਸਵਾਗਤ ਕੀਤਾ ਹੈ।
ਇਸ ਗ੍ਰਾਂਟ ਤਹਿਤ ਕਰੀਬ $15 ਮਿਲੀਅਨ ਦੀ ਰਾਸ਼ੀ ਪ੍ਰਾਪਤ ਹੋ ਰਹੀ ਹੈ।
ਮੇਅਰ ਡਗ ਮੈਕੁਲਮ ਨੇ ਕਿਹਾ ਕਿ ਸਿਟੀ ਆਫ ਸਰੀ ਲਗਾਤਾਰ ਕੰਮ ਕਰ ਰਹੀ ਹੈ ਕਿ ਕੋਵਿਡ-19 ਦੇ ਅਸਥਿਰ ਪਾਣੀਆਂ 'ਚ ਸੁਰੱਖਿਅਤ ਤਰੀਕੇ ਨਾਲ ਅੱਗੇ ਵਧਿਆ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਅੱਜ ਦੀ $15 ਮਿਲੀਅਨ ਦੀ ਫੰਡਿੰਗ ਨਾਲ ਉਸ ਬੁਨਿਆਦ ਨੂੰ ਹੋਰ ਮਜ਼ਬੂਤ ਕਰਨ ਦਾ ਮੌਕਾ ਮਿਲੇਗਾ, ਜਿਸ ਆਸਰੇ ਸ਼ਹਿਰ ਦੇ ਵਿੱਤੀ ਢਾਂਚੇ ਨੂੰ ਬਣਾਇਆ ਗਿਆ ਹੈ।
ਉਨ੍ਹਾਂ ਉਚੇਚੇ ਤੌਰ 'ਤੇ ਫੈਡਰਲ ਅਤੇ ਪ੍ਰੋਵਿੰਸ਼ੀਅਲ ਸਰਕਾਰ ਦਾ ਧੰਨਵਾਦ ਕੀਤਾ ਕਿ ਸਰੀ ਅਤੇ ਹੋਰ ਮਿਊਨਿਸਪੈਲਟੀਆਂ ਨੂੰ ਸਹਿਯੋਗ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਮੈਕੁਲਮ ਨੇ ਕਿਹਾ ਕਿ ਇਸ ਫੰਡਿੰਗ ਨਾਲ ਪੱਕਾ ਕੀਤਾ ਜਾ ਸਕੇਗਾ ਕਿ ਚੁਣੌਤੀਪੂਰਨ ਸਮੇਂ ਦੌਰਾਨ ਅੱਗੇ ਵਧਿਆ ਜਾ ਸਕੇ।
