ਪੀਅਰੇ ਪੋਲੀਵਰੇ ਨੇ ਕਾਰਬਨ ਟੈਕਸ ’ਤੇ ਐਮਰਜੈਂਸੀ ਮੀਟਿੰਗ ਸੱਦਣ ਦੀ ਕੀਤੀ ਮੰਗ

ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਦੇ ਲੀਡਰ ਪੀਅਰੇ ਪੋਲੀਵਰੇ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਕਾਰਬਨ ਟੈਕਸ ’ਤੇ ਪ੍ਰੀਮੀਅਰ ਨਾਲ ਟੈਲੀਵਿਜ਼ਨ ’ਤੇ ਜਨਤਕ ਤੌਰ ’ਤੇ ਚਰਚਾ ਕਰਨ ਦੀ ਚੁਣੌਤੀ ਦਿੱਤੀ ਹੈ।

ਹਾਲਾਂਕਿ, ਪਹਿਲਾਂ ਇਹ ਕਿਹਾ ਜਾ ਰਿਹਾ ਸੀ ਕਿ ਅੱਜ ਦੇ ਪ੍ਰਸ਼ਨ ਕਾਲ ਦੌਰਾਨ ਟਰੂਡੋ ਹਾਊਸ ਔਫ ਕੌਮਨਜ਼ ਵਿਚ ਨਹੀਂ ਹੋਣਗੇ। ਪੋਲੀਵਰੇ ਨੇ ਕਿਹਾ ਕਿ ਨਿਊ ਫਾਊਂਡਲੈਂਡ ਦੇ ਲਿਬਰਲ ਪ੍ਰੀਮੀਅਰ ਸਮੇਤ 6 ਪ੍ਰੀਮੀਅਰ ਨੇ ਕਾਰਬਨ ਟੈਕਸ ’ਤੇ ਐਮਰਜੈਂਸੀ ਮੀਟਿੰਗ ਸੱਦਣ ਦੀ ਮੰਗ ਕੀਤੀ ਹੈ ਕੀ ਟਰੂਡੋ ਟੈਲੀਵਿਜ਼ਨ ਮੀਟਿੰਗ ਲਈ ਤਿਆਰ ਹਨ?

ਉਥੇ ਹੀ, ਪ੍ਰਧਾਨ ਮੰਤਰੀ ਨੇ ਕਾਰਬਨ ਟੈਕਸ ਦੀ ਹਮਾਇਤ ਕੀਤੀ, ਉਨ੍ਹਾਂ ਹਰ ਵਾਰ ਦੀ ਤਰ੍ਹਾਂ ਕਿਹਾ ਕਿ ਹਰੇਕ 10 ਕੈਨੇਡੀਅਨ ਪਰਿਵਾਰਾਂ ਵਿਚੋਂ 8 ਪਰਿਵਾਰਾਂ ਨੂੰ ਰਿਬੇਟ ਵਿਚ ਵੱਧ ਪੇਮੈਂਟ ਮਿਲ ਰਹੀ ਹੈ ਜਿੰਨਾ ਉਹ ਕਾਰਬਨ ਟੈਕਸ ਵਿਚ ਦਿੰਦੇ ਹਨ। ਪੋਲੀਵਰੇ ਨੇ ਕਿਹਾ ਕਿ ਜੇ ਟਰੂਡੋ ਨੂੰ ਲੱਗਦਾ ਹੈ ਕਿ ਉਹ ਸਹੀ ਹਨ ਤਾਂ ਉਹ ਪ੍ਰੀਮੀਅਰ ਨਾਲ ਟੈਲੀਵਿਜ਼ਨ ’ਤੇ ਡਿਬੇਟ ਵਿਚ ਸ਼ਾਮਲ ਹੋਣ ਲਈ ਸਹਿਮਤੀ ਦੇਣ।

ਓਧਰ, ਪ੍ਰਧਾਨ ਮੰਤਰੀ ਨੇ ਇਸ ਦੀ ਕੋਈ ਹਾਮੀ ਨਹੀਂ ਭਰੀ। ਉਨ੍ਹਾਂ ਕਿਹਾ ਕਿ ਵਿਰੋਧੀ ਧਿਰ ਵਲੋਂ ਕੈਨੇਡੀਅਨਾਂ ਨੂੰ ਗੁੰਮਰਾਹ ਕੀਤਾ ਜਾ ਰਿਹਾ ਹੈ।