11.71C Vancouver 11.71C VancouverAug 6, 2025 5:41 PM - The Canadian Press
ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਹੁਣ ਵੀ ਦਾਨ ਰਾਹੀਂ ਫੰਡ ਪ੍ਰਾਪਤ ਕਰਨ ਦੇ ਮਾਮਲੇ ਵਿਚ ਕਿਸੇ ਵੀ ਹੋਰ ਫੈਡਰਲ ਰਾਜਨੀਤਿਕ ਪਾਰਟੀ ਨਾਲੋਂ ਮੋਹਰੀ ਬਣੀ ਹੋਈ ਹੈ ਪਰ ਹਾਲ ਹੀ ਦੀਆਂ ਚੋਣਾਂ ਤੋਂ ਬਾਅਦ ਪਾਰਟੀ ਦੇ ਫੰਡ ਇਕੱਠਾ ਕਰਨ ਵਿਚ ਗਿਰਾਵਟ ਆਈ ਹੈ।
ਕੰਜ਼ਰਵੇਟਿਵ ਨੇ ਜੂਨ ਵਿਚ ਸਮਾਪਤ ਹੋਈ ਤਿਮਾਹੀ ਵਿਚ 82,000 ਤੋਂ ਵੱਧ ਲੋਕਾਂ ਕੋਲੋਂ $9.1 ਮਿਲੀਅਨ ਦਾ ਫੰਡ ਜੁਟਾਇਆ ਹੈ, ਜਿਸ ਵਿਚ ਇਸ ਨੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੇ ਲਿਬਰਲਸ ਨੂੰ ਪਛਾੜਿਆ ਹੈ, ਜਿਨ੍ਹਾਂ ਨੇ ਇਸ ਦੌਰਾਨ ਲਗਭਗ 116,000 ਦਾਨੀਆਂ ਤੋਂ 7.7 ਮਿਲੀਅਨ ਡਾਲਰ ਜੁਟਾਏ ਹਨ।
ਹਾਲਾਂਕਿ, ਕੁੱਲ ਮਿਲਾ ਕੇ ਕੰਜ਼ਰਵੇਟਿਵ ਨੇ ਚੋਣਾਂ ਤੋਂ ਪਹਿਲਾਂ ਫੰਡ ਇਕੱਠਾ ਕਰਨ ਦੀ ਤੁਲਨਾ ਵਿਚ ਭਾਰੀ ਗਿਰਾਵਟ ਦਾ ਸਾਹਮਣਾ ਕੀਤਾ ਹੈ, ਪਾਰਟੀ ਨੇ ਇਸ ਸਾਲ ਦੀ ਪਹਿਲੀ ਤਿਮਾਹੀ ਵਿਚ $28 ਮਿਲੀਅਨ ਜੁਟਾਏ ਸਨ।
ਉਥੇ ਹੀ,ਐਨ.ਡੀ.ਪੀ. ਦੀ ਸਥਿਤੀ ਸਥਿਰ ਬਣੀ ਹੋਈ ਹੈ, ਇਸ ਨੇ ਪਿਛਲੀ ਤਿਮਾਹੀ ਵਿਚ 38,000 ਲੋਕਾਂ ਤੋਂ $1.9 ਮਿਲੀਅਨ ਦਾ ਦਾਨ ਪ੍ਰਾਪਤ ਕੀਤਾ ਹੈ। ਨਿਊ ਡੈਮੋਕਰੇਟ ਕੋਲ ਅਪ੍ਰੈਲ ਵਿਚ ਚੋਣਾਂ ਮਗਰੋਂ ਅਧਿਕਾਰਤ ਪਾਰਟੀ ਦਾ ਦਰਜਾ ਨਹੀਂ ਹੈ।
