17.61C Vancouver 17.61C VancouverJul 12, 2024 4:28 PM - The Canadian Press
ਕੰਜ਼ਰਵੇਟਿਵ ਲੀਡਰ ਪੀਅਰੇ ਪੋਲੀਵਰੇ ਨੇ ਐਲਾਨ ਕੀਤਾ ਹੈ ਕਿ ਜੇ ਅਗਲੀ ਸਰਕਾਰ ਉਨ੍ਹਾਂ ਦੀ ਬਣੀ ਤਾਂ ਉਹ ਕੈਨੇਡਾ ਭਰ ਵਿਚ ਨਿਗਰਾਨੀ ਵਾਲੀਆਂ ਡਰੱਗ ਸਾਈਟ ਬੰਦ ਕਰ ਦੇਣਗੇ। ਉਨ੍ਹਾਂ ਕਿਹਾ ਕਿ ਇਹ ਸਿਰਫ ਨਸ਼ੇ ਦੇ ਡੇਰੇ ਹਨ।
ਪੋਲੀਵਰੇ ਨੇ ਅੱਜ ਸਵੇਰੇ ਮਾਂਟਰੀਅਲ ਵਿਚ ਅਜਿਹੀ ਹੀ ਇੱਕ ਜਗ੍ਹਾ ਦੇ ਨੇੜੇ ਇੱਕ ਪਾਰਕ ਦਾ ਦੌਰਾ ਕੀਤਾ ਅਤੇ ਕਿਹਾ ਕਿ ਉਹ ਸਕੂਲਾਂ, ਖੇਡ ਦੇ ਮੈਦਾਨਾਂ ਅਤੇ ਅਜਿਹੇ ਕਿਸੇ ਵੀ ਹੋਰ ਥਾਂਵਾਂ ਦੇ ਨੇੜੇ ਦੇ ਸਥਾਨਾਂ ਨੂੰ ਬੰਦ ਕਰ ਦੇਣਗੇ, ਜਿੱਥੇ ਇਹ ਆਮ ਜਨਤਾ ਨੂੰ ਖ਼ਤਰੇ ਵਿਚ ਪਾਉਂਦੇ ਹਨ।
ਗੌਰਤਲਬ ਹੈ ਕਿ ਪਹਿਲੀਨਿਗਰਾਨੀ ਵਾਲੀਆਂ ਡਰੱਗ ਸਾਈਟਾਂ ਕਰੀਬ 20 ਸਾਲ ਪਹਿਲਾਂ ਵੈਨਕੂਵਰ ਵਿਚ ਓਪਨ ਕੀਤੀਆਂ ਗਈਆਂ ਸਨ। ਇਨ੍ਹਾਂ ਸਥਾਨਾਂ ’ਤੇ ਸਿਖਲਾਈ ਪ੍ਰਾਪਤ ਸਟਾਫ ਦੀ ਨਿਗਰਾਨੀ ਵਿਚ ਡਰੱਗਜ਼ ਲੈਣ ਦੀ ਇਜਾਜ਼ਤ ਹੈ, ਸਰਕਾਰ ਮੁਤਾਬਕ ਇਸ ਦਾ ਉਦੇਸ਼ ਓਵਰਡੋਜ਼ ਨੂੰ ਰੋਕਣਾ ਹੈ।
2011 ਵਿਚ ਸੁਪਰੀਮ ਕੋਰਟ ਨੇ ਇੱਕ ਫੈਸਲੇ ਵਿਚ ਕਿਹਾ ਸੀ ਕਿ ਵੈਨਕੂਵਰ ਦੀ ਨਿਗਰਾਨੀ ਵਾਲੀਆਂ ਡਰੱਗ ਸਾਈਟ ਨੂੰ ਬੰਦ ਕਰਨ ਨਾਲ ਉਪਯੋਗਕਰਤਾ ਆਪਣੇ ਚਾਰਟਰ ਅਧਿਕਾਰਾਂ ਤੋਂ ਵਾਂਝੇ ਹੋ ਜਾਣਗੇ। ਪੋਲੀਵਰੇ ਨੇ ਕਿਹਾ ਕਿ ਇਸ ਫੈਸਲੇ ਦਾ ਅਰਥ ਇਹ ਨਹੀਂ ਹੈ ਕਿ ਨਿਗਰਾਨੀ ਵਾਲੀਆਂ ਡਰੱਗ ਸਾਈਟ ਬਿਨਾਂ ਕਿਸੇ ਪਾਬੰਦੀ ਦੇ ਕੈਨੇਡਾ ਵਿਚ ਕਿਤੇ ਵੀ ਕੰਮ ਕਰ ਸਕਦੀਆਂ ਹਨ।
