10.53C Vancouver 10.53C VancouverApr 19, 2024 8:10 PM - The Canadian Press
ਕਾਮਲੂਪਸ ਵਿਚ 6 ਸਾਲ ਪਹਿਲਾਂ ਪੁਲਿਸ ਦੀ ਗੋਲੀ ਨਾਲ ਮਾਰੇ ਗਏ 35 ਸਾਲਾ ਯੂਜੀਨ ਮਾਰਕਾਨੋ ਦੀ ਮੌਤ ਦੇ ਮਾਮਲੇ ਵਿਚ ਕੋਰੋਨਰ ਦੀ ਜਾਂਚ ਦੀ ਮੰਗ ਕੀਤੀ ਗਈ ਹੈ। ਮਾਰਕਾਨੋ ਦੀ ਮੌਤ 14 ਸਤੰਬਰ, 2018 ਨੂੰ ਦੋ ਪੁਲਿਸ ਵਾਲਿਆਂ ’ਤੇ 12-ਗੇਜ ਦੀ ਸ਼ਾਟਗਨ ਚਲਾਉਣ ਤੋਂ ਬਾਅਦ ਹੋਈ ਸੀ, ਜੋ ਕਾਮਲੂਪਸ ਨੇੜੇ ਇਕ ਪੇਂਡੂ ਜਾਇਦਾਦ ਵਿਚ ਤੰਦਰੁਸਤੀ ਦੀ ਜਾਂਚ ਕਰ ਰਹੇ ਸਨ।
ਬੀ.ਸੀ. ਦੇ ਸੁਤੰਤਰ ਜਾਂਚ ਦਫ਼ਤਰ ਅਨੁਸਾਰ ਇਸ ਤੋਂ ਬਾਅਦ ਜਵਾਬੀ ਕਾਰਵਾਈ ਵਿਚ ਪੁਲਿਸ ਵਲੋਂ 45 ਵਾਰ ਗੋਲੀ ਚਲਾਈ ਗਈ ਅਤੇ ਮਾਰਕਾਨੋ ਦੀ ਮੌਤ ਹੋ ਗਈ। ਇਸ ਗੋਲੀਬਾਰੀ ਵਿਚ ਮਾਰਕਾਨੋ ਨੇ ਵੀ ਆਪਣੇ ਕੈਂਪ ਟ੍ਰੇਲਰ ਤੋਂ ਪੁਲਿਸ ਵਾਲਿਆਂ ’ਤੇ 11 ਗੋਲੀਆਂ ਚਲਾਈਆਂ ਸਨ।
ਪੁਲਿਸ ਦੀ ਨਿਗਰਾਨੀ ਕਰਨ ਵਾਲੀ ਏਜੰਸੀ ਨੇ ਇਸ ਘਟਨਾ ਦੀ 2019 ਦੀ ਰਿਪੋਰਟ ਵਿੱਚ ਅਧਿਕਾਰੀਆਂ ਨੂੰ ਗਲਤ ਕੰਮ ਕਰਨ ਤੋਂ ਬਰੀ ਕਰ ਦਿੱਤਾ ਸੀ, ਜਿਸ ਵਿੱਚ ਪਾਇਆ ਗਿਆ ਸੀ ਕਿ ਮਾਰਕਾਨੋ ਨੇ ਪੁਲਿਸ ਨਾਲ ਗੋਲੀਬਾਰੀ ਸ਼ੁਰੂ ਕੀਤੀ ਸੀ। ਕੋਰੋਨਰ ਦੀ ਜਾਂਚ 6 ਮਈ ਤੋਂ ਸ਼ੁਰੂ ਹੋਣ ਵਾਲੀ ਕਾਮਲੂਪਸ ਲਾਅ ਕੋਰਟ ਵਿੱਚ ਹੋਵੇਗੀ।
