21.19C Vancouver 21.19C VancouverFeb 18, 2021 7:55 PM -
ਕੈਨੇਡਾ ਆਉਣ ਵਾਲੇ ਨਵੇਂ ਸ਼ਰਣਾਰਥੀਆਂ ਦੇ ਲਾਜ਼ਮੀ ਹੋਟਲ ਕੁਆਰਨਟੀਨ ਦਾ ਖਰਚਾ ਫ਼ੈਡਰਲ ਸਰਕਾਰ ਵੱਲੋਂ ਚੁੱਕਿਆ ਜਾਵੇਗਾ।
ਫ਼ੈਡਰਲ ਸਰਕਾਰ ਇਹਨਾਂ ਸ਼ਰਣਾਰਥੀਆਂ ਦੇ ਲਾਜ਼ਮੀ ਕੋਵਿਡ-19 ਟੈਸਟ ਦਾ ਖਰਚਾ ਵੀ ਚੁੱਕੇਗੀ।
ਸੋਮਵਾਰ ਤੋਂ ਕੈਨੇਡਾ 'ਚ ਦਾਖਲ ਹੋਣ ਵਾਲੇ ਹਵਾਈ ਯਾਤਰੀਆਂ ਲਈ ਏਅਰਪੋਰਟ 'ਤੇ ਲਾਜ਼ਮੀ ਟੈਸਟ ਕਰਵਾਉਣਾ ਅਤੇ ਟੈਸਟ ਦੇ ਨਤੀਜੇ ਲਈ ਆਪਣੇ ਖਰਚੇ 'ਤੇ ਹੋਟਲ ਵਿੱਚ ਤਿੰਨ ਦਿਨਾਂ ਤੱਕ ਉਡੀਕ ਕਰਨਾ ਲਾਜ਼ਮੀ ਹੋਣ ਜਾ ਰਿਹਾ ਹੈ।
ਇਹ ਨਵੇਂ ਨਿਯਮ ਕੋਵਿਡ-19 ਦੇ ਫੈਲਾਅ ਨੂੰ ਰੋਕਣ ਅਤੇ ਗੈਰ-ਜ਼ਰੂਰੀ ਯਾਤਰਾ 'ਤੇ ਨਕੇਲ ਕੱਸਣ ਦੇ ਮੰਤਵ ਨਾਲ ਲਾਗੂ ਕੀਤੇ ਜਾ ਰਹੇ ਹਨ।
ਹੋਟਲ ਕੁਆਰਨਟੀਨ 'ਤੇ ਹੋਣ ਵਾਲੇ ਤਕਰੀਬਨ $2000 ਦੇ ਖਰਚੇ ਕਾਰਣ ਕਈ ਸ਼ਰਣਾਰਥੀ ਸਮੂਹ ਚਿੰਤਿਤ ਸਨ ਕਿ ਉਹ ਇਸ ਰਕਮ ਦਾ ਇੰਤਜ਼ਾਮ ਕਿਵੇਂ ਕਰਨਗੇ।
ਯਾਤਰਾ 'ਤੇ ਲੱਗੀਆਂ ਸਾਰੀਆਂ ਪਾਬੰਦੀਆਂ ਦੇ ਬਾਵਜੂਦ, ਕੈਨੇਡਾ ਵਿੱਚ ਸ਼ਰਣਾਰਥੀ ਲਗਾਤਾਰ ਦਾਖਲ ਹੋ ਰਹੇ ਹਨ- 2020 ਵਿੱਚ ਤਕਰੀਬਨ 9000 ਸ਼ਰਣਾਰਥੀ ਕੈਨੇਡਾ ਪਹੁੰਚੇ ਸਨ।
