27.76C Vancouver 27.76C VancouverJan 26, 2021 10:33 PM -
ਬੀ.ਸੀ. 'ਚ ਪਬਲਿਕ ਸੇਫਟੀ ਮੰਤਰੀ, ਮਾਈਕ ਫਾਰਨਵਰਥ ਦਾ ਕਹਿਣਾ ਹੈ ਕਿ ਬੀ.ਸੀ. ਦੇ ਇੱਕ ਜੋੜੇ ਵੱਲੋਂ ਕੋਵਿਡ-19 ਵੈਕਸੀਨ ਹਾਸਿਲ ਕਰਨ ਲਈ ਯੂਕੌਨ ਦੀ ਯਾਤਰਾ ਕਰਨਾ ਅਤੇ ਫਿਰ ਆਪਣੀ ਗਲਤ ਪਛਾਣ ਪੇਸ਼ ਕਰਨਾ ਦਰਸ਼ਾਉਂਦਾ ਹੈ ਕਿ ਇਹ ਨੈਤਿਕਤਾ ਜਾਂ ਨੈਤਿਕ ਜ਼ਿੰਮੇਵਾਰੀ ਤੋਂ ਪਰੇ ਦੀ ਘਟਨਾ ਹੈ।
ਫਾਰਨਵਰਥ ਦਾ ਕਹਿਣਾ ਹੈ ਕਿ ਇਹ ਮਾਮਲਾ ਅਜਿਹਾ ਹੈ ਜਿਸ ਕਿਸਮ ਦੇ ਮਾਮਲੇ ਬਾਰੇ ਉਨ੍ਹਾਂ ਲੰਮੇ ਸਮੇਂ ਤੋਂ ਨਹੀਂ ਸੁਣਿਆ ਸੀ।
ਹਾਲਾਂਕਿ ਉਨ੍ਹਾਂ ਇਹ ਵੀ ਕਿਹਾ ਕਿ ਗ੍ਰੇਟ ਕਨੇਡੀਅਨ ਗੇਮਿੰਗ ਦੇ ਸਾਬਕਾ ਸੀ.ਈ.ਓ. ਰੌਡਨੀ ਬੇਕਰ ਨੇ ਆਪਣੀ ਇਸ ਹਰਕਤ ਦੀ ਮਹਿੰਗੀ ਕੀਮਤ ਚੁਕਾਈ ਹੈ।
ਫਾਰਨਵਰਥ ਨੇ ਕਿਹਾ ਕਿ ਬੇਕਰ ਨੇ ਆਪਣੀ ਸਾਲਾਨਾ $10 ਮਿਲੀਅਨ ਦੀ ਨੌਕਰੀ ਗਵਾ ਦਿੱਤੀ ਹੈ।
55 ਸਾਲਾ ਬੇਕਰ ਅਤੇ ਉਸ ਦੀ 32 ਸਾਲਾ ਪਤਨੀ ਐਕਤਰਿਨਾ ਬੇਕਰ ਦੇ ਸੈਲਫ-ਆਈਸੋਲੇਸ਼ਨ ਦੇ ਨਿਯਮਾਂ ਦੀ ਉਲੰਘਣਾ ਕਰ ਯੂਕੌਨ ਦੀ ਯਾਤਰਾ ਕਰਨ, ਅਤੇ ਫਿਰ ਕੋਵਿਡ-19 ਸ਼ੌਟ ਹਾਸਿਲ ਕਰਨ ਦਾ ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ, ਇਸ ਹਰਕਤ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ।
ਦੋਨਾਂ ਨੂੰ ਟਿਕਟ ਵੀ ਜਾਰੀ ਕੀਤੇ ਗਏ ਹਨ।
