19.4C Vancouver 19.4C VancouverOct 8, 2020 5:30 PM -
ਥੈਂਕਸਗੀਵਿੰਗ ਵੀਕਐਂਡ ਤੋਂ ਪਹਿਲਾਂ ਔਨਟੈਰੀਓ ਅਤੇ ਕਿਊਬੈਕ ਵਿਚ ਕੋਵਿਡ-19 ਦੇ ਮਾਮਲੇ ਲਗਾਤਾਰ ਵੱਧ ਰਹੇ ਹਨ।
ਕੈਨੇਡਾ ਦੇ ਸਭ ਤੋਂ ਵੱਡੇ ਸੂਬੇ ਵੱਲੋਂ ਪੈਨੇਡੇਮਿਕ ਦੀ ਸ਼ੁਰੂਆਤ ਤੋਂ ਲੈਕੇ ਹੁਣ ਤੱਕ ਇੱਕ ਦਿਨ ਦੇ ਸਭ ਤੋਂ ਵੱਦ ਕੋਵਿਡ-19 ਦੇ ਮਾਮਲੇ ਰਿਪੋਰਟ ਕੀਤੇ ਗਏ ਹਨ।
ਔਨਟੈਰੀਓ ਵੱਲੋਂ ਕੋਰੋਨਾਵਾਇਰਸ ਦੇ 797 ਨਵੇਂ ਮਾਮਲਿਆਂ ਦੀ ਘੋਸ਼ਣਾ ਕੀਤੀ ਗਈ ਹੈ ਅਤੇ ਹੈਲਥ ਮਿਨਿਸਟਰ ਕ੍ਰਿਸਟੀਨ ਇਲਿਅਟ ਦਾ ਕਹਿਣਾ ਹੈ ਕਿ ਸੰਕਰਮਿਤ ਹੋਣ ਵਾਲੇ 57% ਲੋਕ 40 ਸਾਲ ਤੋਂ ਘੱਟ ਉਮਰ ਦੇ ਹਨ।
ਕਿਊਬੈਕ ਵਿਚ ਵੀ ਅੱਜ 1.078 ਨਵੇਂ ਮਾਮਲੇ ਰਿਪੋਰਟ ਕੀਤੇ ਗਏ ਹਨ। ਸੂਬੇ ਵਿਚ 9 ਹੋਰ ਮੌਤਾਂ ਵੀ ਰਿਪੋਰਟ ਕੀਤੀਆਂ ਗਈਆਂ ਹਨ ਅਤੇ ਪ੍ਰੀਮੀਅਰ ਫ੍ਰਾਂਸਵਾ ਲੇਗੌ ਦਾ ਕਹਿਣਾ ਹੈ ਕਿ ਹਸਪਤਾਲ ਵਿਚ ਭਰਤੀ ਲੋਕਾਂ ਦੀ ਵੀ ਗਿਣਤੀ 16 ਨਾਲ ਵੱਧ ਗਈ ਹੈ।
ਲੇਗੌ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਦਾ ਸਖ਼ਤ ਕਦਮ ਚੁੱਕਣ ਦਾ ਫ਼ੈਸਲਾ ਸਹੀ ਸੀ, ਜਿਵੇਂ ਕਿ ਮੌਂਟਰੀਆਲ ਅਤੇ ਕਿਊਬੈਕ ਸ਼ਹਿਰ ਵਿਚ ਕਲੱਬ ਅਤੇ ਜਿੰਮ ਬੰਦ ਕਰਨਾ।
ਪ੍ਰੀਮੀਅਰ ਵੱਲੋਂ ਲੋਕਾਂ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਇਸ ਥੈਂਕਸਗੀਵਿੰਗ ਲੌਂਗ ਵੀਕਐਂਡ ਦੌਰਾਨ ਘਰ ਵਿਚ ਹੀ ਰਿਹਾ ਜਾਵੇ।
ਉਨ੍ਹਾਂ ਮੁਤਾਬਕ ਸੂਬੇ ਵੱਲੋਂ ਆਪਣੀ ਕੌਨਟੈਕਟ ਟ੍ਰੇਸਿੰਗ ਕੈਪੈਸਿਟੀ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
