17C Vancouver 17C VancouverApr 5, 2021 5:35 PM -
ਬੀ.ਸੀ. 'ਚ ਨੌਰਦਰਨ ਹੈਲਥ ਦਾ ਕਹਿਣਾ ਹੈ ਕਿ ਪ੍ਰਿੰਸ ਰੂਪਰਟ ਦੇ ਐਕਰੋਪੌਲਿਸ ਮੈਨਰ (Acropolis Manor) 'ਚ ਕੋਵਿਡ-19 ਆਊਟਬ੍ਰੇਕ ਐਲਾਨੀ ਗਈ ਹੈ।
ਇਸ ਜਗ੍ਹਾ 'ਤੇ 2 ਨਿਵਾਸੀਆਂ ਨੂੰ ਵਾਇਰਸ ਪੀੜਤ ਪਾਇਆ ਗਿਆ ਹੈ।
ਯਾਦ ਰਹੇ ਇਸ ਫੈਸਿਲਿਟੀ 'ਚ 16 ਮਾਰਚ ਨੂੰ ਹੀ ਇੱਕ ਆਊਟਬ੍ਰੇਕ ਦੇ ਖਤਮ ਹੋਣ ਦੀ ਜਾਣਕਾਰੀ ਜਾਰੀ ਕੀਤੀ ਗਈ ਸੀ।
ਉਸ ਮੌਕੇ ਆਊਟਬ੍ਰੇਕ ਦੌਰਾਨ ਇਸ ਫੈਸਿਲਿਟੀ 'ਚ 16 ਲੋਕਾਂ ਦੀ ਮੌਤ ਹੋ ਗਈ ਸੀ।
ਐਤਵਾਰ ਨੂੰ ਜਾਰੀ ਇੱਕ ਬਿਆਨ 'ਚ ਦੱਸਿਆ ਗਿਆ ਕਿ ਪੀੜਤ ਪਾਏ ਗਏ ਦੋਵੇਂ ਨਿਵਾਸੀ ਫੈਸਿਲਿਟੀ ਦੇ ਵੈਸਟ ਪੌਡ 'ਚ ਰਹਿੰਦੇ ਹਨ।
ਇਹ ਵੀ ਦੱਸਿਆ ਗਿਆ ਕਿ ਫੈਸਿਲਿਟੀ 'ਚ ਟੈਸਟਿੰਗ ਕੀਤੀ ਜਾ ਰਹੀ ਹੈ ਤਾਂ ਜੋ ਪਤਾ ਕੀਤਾ ਜਾ ਸਕੇ ਕਿ ਕੋਈ ਹੋਰ ਸਟਾਫ਼ ਮੈਂਬਰ ਜਾਂ ਨਿਵਾਸੀ ਜਾਂ ਕੋਈ ਪਰਿਵਾਰਿਕ ਮੈਂਬਰ ਪੀੜਤ ਤਾਂ ਨਹੀਂ ਹੋਏ ਹਨ।
ਇਸ ਤੋਂ ਪਹਿਲਾਂ ਫੈਸਿਲਿਟੀ 'ਚ ਐਲਾਨੀ ਗਈ ਆਊਟਬ੍ਰੇਕ ਦੀ ਸ਼ੁਰੂਆਤ ਜਨਵਰੀ ਦੇ ਮੱਧ 'ਚ ਹੋਈ ਸੀ।
