14.05C Vancouver 14.05C VancouverMar 27, 2024 4:35 PM - The Canadian Press
ਕੈਨੇਡਾ ਰੈਵੇਨਿਊ ਏਜੰਸੀ ਨੇ ਕੋਵਿਡ ਮਹਾਂਮਾਰੀ ਦੌਰਾਨ ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੀਫਿਟ ਲਈ ਗਲਤ ਤਰੀਕੇ ਨਾਲ ਕਲੇਮ ਕਰਨ ਵਾਲੇ ਆਪਣੇ 200 ਤੋਂ ਵੱਧ ਕਰਮਚਾਰੀਆਂ ਨੂੰ ਬਰਖਾਸਤ ਕੀਤਾ ਹੈ।
ਏਜੰਸੀ ਨੇ ਕਿਹਾ ਕਿ 15 ਮਾਰਚ ਤੱਕ ਉਸ ਨੇ 232 ਕਰਮਚਾਰੀ ਇਸ ਸਬੰਧ ਵਿਚ ਨੌਕਰੀਓਂ ਕੱਢੇ ਹਨ। ਦਰਅਸਲ, ਕੋਵਿਡ ਕਾਰਨ ਜਿਨ੍ਹਾਂ ਕੈਨੇਡੀਅਨਾਂ ਦੀ ਨੌਕਰੀ ਚਲੀ ਗਈ ਸੀ ਸਰਕਾਰ ਨੇ ਉਨ੍ਹਾਂ ਲਈ 2000 ਡਾਲਰ ਪ੍ਰਤੀ ਮਹੀਨਾ ਦੀ ਯੋਜਨਾ ਸ਼ੁਰੂ ਕੀਤੀ ਸੀ।
ਏਜੰਸੀ ਨੇ ਅੰਦਰੂਨੀ ਜਾਂਚ ਵਿਚ ਪਾਇਆ ਕਿ ਉਸ ਦੇ ਕਈ ਮੁਲਾਜ਼ਮਾਂ ਨੇ ਕੋਵਿਡ ਲਾਭ ਲਈ ਝੂਠੇ ਕਲੇਮ ਕੀਤੇ ਸਨ। ਕੈਨੇਡਾ ਰੈਵੇਨਿਊ ਏਜੰਸੀ ਦਾ ਕਹਿਣਾ ਹੈ ਕਿ ਜਿਨ੍ਹਾਂ ਮਾਮਲਿਆਂ ਦੀ ਜਾਂਚ ਚੱਲ ਰਹੀ ਹੈ ਉਨ੍ਹਾਂ ਵਿਚੋਂ 133 ਮੁਲਾਜ਼ਮਾਂ ਵਲੋਂ ਕੀਤੇ ਕਲੇਮ ਸਹੀ ਪਾਏ ਗਏ ਹਨ ਜਦੋਂ ਕਿ 235 ਦੀ ਜਾਂਚ ਅਜੇ ਵੀ ਕੀਤੀ ਜਾ ਰਹੀ ਹੈ।
