19.82C Vancouver 19.82C VancouverJul 4, 2024 5:38 PM - The Canadian Press
ਕੈਨੇਡਾ ਸਰਕਾਰ ਆਨਲਾਈਨ ਪੋਸਟ ਕੀਤੇ ਜਾਂਦੇ ਹਾਨੀਕਾਰਕ ਸਮੱਗਰੀ ’ਤੇ ਲਗਾਮ ਕੱਸਣ ਲਈ ਰੈਗੂਲੇਟਰ ਨਿਯੁਕਤ ਕਰਨ ਦੀ ਰਾਹ ’ਤੇ ਹੈ। ਇਸ ਵਿਚਕਾਰ ਪਾਰਲੀਮੈਂਟਰੀ ਬਜਟ ਆਫਿਸਰ ਦਾ ਅੰਦਾਜ਼ਾ ਹੈ ਕਿ ਲਿਬਰਲਸ ਦੇ ਆਨਲਾਈਨ ਹਰਮਜ਼ ਐਕਟ ਤਹਿਤ ਨਵੇਂ ਰੈਗੂਲੇਟਰਸ ਨੂੰ ਸਟਾਫ਼ ਦੀ ਨਿਯਕੁਤੀ ਕਰਨ ਲਈ 5 ਸਾਲਾਂ ਵਿਚ ਲਗਭਗ $200 ਮਿਲੀਅਨ ਦਾ ਖ਼ਰਚ ਆਵੇਗਾ।
ਫੈਡਰਲ ਸਰਕਾਰ ਸੋਸ਼ਲ-ਮੀਡੀਆ ਕੰਪਨੀਆਂ ਨੂੰ ਨੁਕਸਾਨਦੇਹ ਸਮੱਗਰੀ ਨੂੰ ਹਟਾਉਣ ਲਈ ਮਜਬੂਰ ਕਰਨ ਵਾਸਤੇ ਡਿਜੀਟਲ ਸੁਰੱਖਿਆ ਕਮਿਸ਼ਨ ਦੀ ਸਥਾਪਨਾ ਕਰਨਾ ਚਾਹੁੰਦੀ ਹੈ। ਜੇ ਇਹ ਕਾਨੂੰਨ ਸੰਸਦ ਵਿਚ ਪਾਸ ਹੋ ਜਾਂਦਾ ਹੈ ਤਾਂ ਕਮਿਸ਼ਨ ਨਿਯਮਾਂ ਦਾ ਇੱਕ ਸੈੱਟ ਸਥਾਪਤ ਕਰੇਗਾ ਅਤੇ ਉਸ ਕੋਲ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੀਆਂ ਕੰਪਨੀਆਂ ’ਤੇ ਜੁਰਮਾਨਾ ਲਗਾਉਣ ਦੀ ਪਾਵਰ ਵੀ ਹੋਵੇਗੀ।
ਆਨਲਾਈਨ ਹਰਮਜ਼ ਬਿੱਲ ਵਿਚ ਡਿਜੀਟਲ ਸੁਰੱਖਿਆ ਦਫ਼ਤਰ ਬਣਾਉਣ ਦਾ ਵੀ ਪ੍ਰਸਤਾਵ ਹੈ, ਜਿਸ ਕੋਲ ਕੈਨੇਡੀਅਨ ਸ਼ਿਕਾਇਤ ਦਰਜ ਕਰਵਾ ਸਕਣਗੇ, ਨਾਲ ਹੀ ਡਿਜੀਟਲ ਸੁਰੱਖਿਆ ਆਫ਼ਿਸ ਬਣਾਉਣ ਦਾ ਵੀ ਪ੍ਰਸਤਾਵ ਹੈ।
ਪਾਰਲੀਮੈਂਟਰੀ ਬਜਟ ਆਫ਼ਿਸਰ ਮੁਤਾਬਕ, ਜਦੋਂ ਇਹ ਸੰਸਥਾਵਾਂ ਪੂਰੀ ਤਰ੍ਹਾਂ ਕੰਮ ਕਰਨਾ ਸ਼ੁਰੂ ਕਰ ਦੇਣਗੀਆਂ ਤਾਂ ਇਨ੍ਹਾਂ ਵਿਚ ਲਗਭਗ 300 ਲੋਕਾਂ ਨੂੰ ਰੁਜ਼ਗਾਰ ਮਿਲੇਗਾ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਸਰਕਾਰ ਨਿਯਮਾਂ ਦੀ ਪਾਲਣਾ ਨਾ ਕਰਨ ਵਾਲੀਆਂ ਕੰਪਨੀਆਂ ਨੂੰ ਜੁਰਮਾਨਾ ਲਗਾ ਕੇ ਰੈਵੇਨਿਊ ਇਕੱਠਾ ਕਰ ਸਕਦੀ ਹੈ ਪਰ ਰਿਪੋਰਟ ਵਿਚ ਇਸ ਦਾ ਵਿਸ਼ਲੇਸ਼ਣ ਸ਼ਾਮਲ ਨਹੀਂ ਹੈ ਕਿ ਇਹ ਕਿੰਨਾ ਹੋ ਸਕਦਾ ਹੈ।
