11.21C Vancouver 11.21C VancouverOct 22, 2022 12:47 AM - The Canadian Press
ਬੀ.ਸੀ. ਐਨ.ਡੀ.ਪੀ. ਵੱਲੋਂ ਡੇਵਿਡ ਇਬੀ ਨੂੰ ਪਾਰਟੀ ਦਾ ਨਵਾਂ ਪ੍ਰੀਮਿਅਰ ਡੈਜ਼ੀਗਨੇਟ ਐਲਾਨ ਦਿੱਤਾ ਗਿਆ ਹੈ।
ਇਸ ਦੇ ਨਾਲ ਹੀ ਡੇਵਿਡ ਇਬੀ ਦਾ ਬੀ.ਸੀ. ਦਾ ਅਗਲਾ ਪ੍ਰੀਮਿਅਰ ਬਣਨਾ ਤੈਅ ਹੋ ਗਿਆ ਹੈ।
ਆਪਣੇ ਪ੍ਰੀਮਿਅਰ ਡੈਜ਼ੀਗਨੇਟ ਐਲਾਨੇ ਜਾਣ ਮੌਕੇ ਡੇਵਿਡ ਇਬੀ ਮੀਡੀਆ ਦੇ ਰੂਬਰੂ ਹੋਏ ਅਤੇ ਇਸ ਖਾਸ ਮੌਕੇ 'ਤੇ ਆਪਣੀ ਪਤਨੀ, ਪਰਿਵਾਰ, ਦੋਸਤਾਂ ਅਤੇ ਸ਼ੁਭਚਿੰਤਕਾਂ ਦਾ ਧੰਨਵਾਦ ਕੀਤਾ।
ਇਸ ਦੇ ਨਾਲ ਹੀ ਡੇਵਿਡ ਇਬੀ ਨੇ ਉਚੇਚੇ ਤੌਰ 'ਤੇ ਪ੍ਰੀਮਿਅਰ ਜੌਨ ਹੌਰਗਨ ਦਾ ਧੰਨਵਾਦ ਕੀਤਾ।
ਉਨ੍ਹਾਂ ਕਿਹਾ ਕਿ ਹੌਰਗਨ ਨਾਲ ਉਨ੍ਹਾਂ ਕਈ ਸਾਲ ਕੰਮ ਕੀਤਾ ਹੈ ਅਤੇ ਹੌਰਗਨ ਨਾਲ ਕੰਮ ਕਰਨਾ ਉਨ੍ਹਾਂ ਲਈ ਮਾਣ ਦੀ ਗੱਲ ਸੀ।
ਡੇਵਿਡ ਇਬੀ ਨੇ ਕਿਹਾ ਕਿ ਉਹ ਖੁਦ ਅਤੇ ਹੌਰਗਨ ਖੇਡਾਂ ਦੇ ਬੈਕਗਰਾਉਂਡ ਤੋਂ ਆਉਂਦੇ ਹਨ ਅਤੇ ਹੌਰਗਨ ਨਾਲ ਕੰਮ ਕਰਦੇ ਹੋਏ ਉਨ੍ਹਾਂ ਨੂੰ ਹਮੇਸ਼ਾ ਇੱਕ ਕੋਚ ਅਤੇ ਟ੍ਰੇਨੀ ਵਿਚਾਲੇ ਦੇ ਰਿਸ਼ਤੇ ਦਾ ਅਹਿਸਾਸ ਹੋਇਆ।
ਉਨ੍ਹਾਂ ਹੌਰਗਨ ਨੂੰ ਦਿਸ਼ਾ ਵਿਖਾਉਣ ਅਤੇ ਸੂਬੇ ਲਈ ਕੀਤੇ ਕੰਮ ਲਈ ਧੰਨਵਾਦ ਕੀਤਾ।
ਡੇਵਿਡ ਇਬੀ ਨੇ ਅੱਜ ਦੇ ਸੰਬੋਧਨ ਦੌਰਾਨ ਲੀਡਰਸ਼ਿਪ ਦੌੜ 'ਚ ਡਿਸਕਵਾਲੀਫਾਈ ਹੋਈ ਅੰਜਲੀ ਅਪਾਦੁਰਾਈ ਦਾ ਵੀ ਜਿਕਰ ਕੀਤਾ।
ਉਨ੍ਹਾਂ ਕਿਹਾ ਕਿ ਅੰਜਲੀ ਅਪਾਦੁਰਾਈ ਭਾਵੇਂ ਲੀਡਰਸ਼ਿਪ ਦੌੜ 'ਚ ਸ਼ਾਮਿਲ ਨਹੀਂ ਹਨ ਪਰ ਇਸ ਦਾ ਇਹ ਅਰਥ ਨਹੀਂ ਹੈ ਕਿ ਵਾਤਾਵਰਨ ਸੰਬੰਧੀ ਜਾਂ ਹੋਰ ਮਸਲੇ ਜੋ ਉਨ੍ਹਾਂ ਦੀ ਕੈਂਪੇਨ 'ਚ ਚੁੱਕੇ ਗਏ, ਉਹ ਖਤਮ ਹੋ ਗਏ ਹਨ।
ਉਨ੍ਹਾਂ ਕਿਹਾ ਕਿ ਇਹ ਮਸਲੇ ਸੂਬੇ ਲਈ ਅਹਿਮ ਹਨ ਅਤੇ ਉਹ ਇਨ੍ਹਾਂ ਮਸਲਿਆਂ 'ਤੇ ਅੰਜਲੀ ਅਪਾਦੁਰਾਈ ਅਤੇ ਉਨ੍ਹਾਂ ਦੀ ਕੈਂਪੇਨ 'ਚ ਸ਼ਾਮਿਲ ਹੋਏ ਲੋਕਾਂ ਨਾਲ ਮਿਲ ਕੇ ਕੰਮ ਕਰਨਾ ਚਾਹੁੰਦੇ ਹਨ।
ਯਾਦ ਰਹੇ ਬੀ.ਸੀ. ਐਨ.ਡੀ.ਪੀ. ਦੇ ਐਗਜੀਕਿਊਟਿਵ ਨੇ ਅੰਜਲੀ ਅਪਾਦੁਰਾਈ ਨੂੰ ਪਾਰਟੀ ਲੀਡਰਸ਼ਿਪ ਦੀ ਦੌੜ 'ਚ ਡਿਸਕਵਾਲੀਫਾਈ ਕਰਨ ਦੇ ਪੱਖ 'ਚ ਵੋਟ ਕੀਤਾ ਸੀ।
ਐਨ.ਡੀ.ਪੀ. ਤੋਂ ਚੀਫ਼ ਇਲੈਕਟੋਰਲ ਅਫ਼ਸਰ ਐਲਿਜ਼ਾਬੈਥ ਕੱਲ ਨੇ ਕੈਂਪੇਨ ਸੰਬੰਧੀ ਅਸੈਸਮੈਂਟ ਰਿਪੋਰਟ ਵਿੱਚ ਡਿਸਕਵਾਲੀਫਿਕੇਸ਼ਨ ਦੀ ਸਿਫਾਰਿਸ਼ ਕੀਤੀ ਸੀ।
