13.14C Vancouver 13.14C VancouverOct 20, 2022 8:16 PM - The Canadian Press
ਡੇਵਿਡ ਇਬੀ ਬੀ.ਸੀ. ਐਨ.ਡੀ.ਪੀ. ਦੇ ਅਗਲੇ ਪ੍ਰੀਮਿਅਰ ਹੋਣਗੇ।
ਇਸ ਸੰਬੰਧੀ ਅਧਿਕਾਰਿਤ ਐਲਾਨ ਸ਼ੁੱਕਰਵਾਰ ਨੂੰ ਹੋਣ ਜਾ ਰਿਹਾ ਹੈ।
ਉਨ੍ਹਾਂ ਦੇ ਸੂਬੇ ਦੇ ਅਗਲੇ ਪ੍ਰੀਮਿਅਰ ਵਜੋਂ ਸਹੁੰ ਚੁੱਕਣ ਦਾ ਰਾਹ ਪੱਧਰਾ ਹੋ ਚੁੱਕਿਆ ਹੈ।
ਇਸ ਸੰਬੰਧੀ ਐਲਾਨ ਅੱਜ ਸੂਬੇ ਦੇ ਪ੍ਰੀਮਿਅਰ ਜੌਨ ਹੌਰਗਨ ਨੇ ਵੀ ਕਰ ਦਿੱਤਾ।
ਹੌਰਗਨ ਨੇ ਅੱਜ ਦੁਪਹਿਰ ਕਰੀਬ 12.15 ਵਜੇ ਪੱਤਰਕਾਰਾਂ ਨਾਲ ਗੱਲਬਾਤ ਕੀਤੀ ਅਤੇ ਇਸੇ ਦੌਰਾਨ ਡੇਵਿਡ ਇਬੀ ਦੀ ਖੂਬ ਤਾਰੀਫ ਕੀਤੀ।
ਉਨ੍ਹਾਂ ਕਿਹਾ ਕਿ ਇਸ ਸੰਬੰਧੀ ਫੈਸਲਾ ਬੁੱਧਵਾਰ ਰਾਤ ਪਾਰਟੀ ਐਗਜੀਕਿਊਟਿਵ ਵੱਲੋਂ ਲੈ ਲਿਆ ਗਿਆ ਸੀ।
ਯਾਦ ਰਹੇ ਬੀ.ਸੀ. ਐਨ.ਡੀ.ਪੀ. ਦੇ ਐਗਜੀਕਿਊਟਿਵ ਨੇ ਅੰਜਲੀ ਅਪਾਦੁਰਾਈ ਨੂੰ ਪਾਰਟੀ ਲੀਡਰਸ਼ਿਪ ਦੀ ਦੌੜ 'ਚ ਡਿਸਕਵਾਲੀਫਾਈ ਕਰਨ ਦੇ ਪੱਖ 'ਚ ਵੋਟ ਕੀਤਾ ਹੈ।
ਇਸ ਦੇ ਨਾਲ ਡੇਵਿਡ ਇਬੀ ਦਾ ਸੂਬੇ ਦਾ ਅਗਲਾ ਪ੍ਰੀਮਿਅਰ ਬਣਨ ਦਾ ਰਾਹ ਪੱਧਰਾ ਹੋ ਗਿਆ।
ਐਨ.ਡੀ.ਪੀ. ਤੋਂ ਚੀਫ਼ ਇਲੈਕਟੋਰਲ ਅਫ਼ਸਰ ਐਲਿਜ਼ਾਬੈਥ ਕੱਲ ਨੇ ਕੈਂਪੇਨ ਸੰਬੰਧੀ ਅਸੈਸਮੈਂਟ ਰਿਪੋਰਟ ਵਿੱਚ ਡਿਸਕਵਾਲੀਫਿਕੇਸ਼ਨ ਦੀ ਸਿਫਾਰਿਸ਼ ਕੀਤੀ ਸੀ।
ਇਸ ਸੰਬੰਧੀ ਜਾਣਕਾਰੀ ਬੁੱਧਵਾਰ ਨੂੰ ਹੀ ਅੰਜਲੀ ਅਪਾਦੁਰਾਈ ਦੀ ਕੈਂਪੇਨ ਵੱਲੋਂ ਸਾਂਝੀ ਕੀਤੀ ਜਾ ਚੁੱਕੀ ਸੀ।
ਇਸੇ ਦਰਮਿਆਨ ਬੁੱਧਵਾਰ ਰਾਤ ਐਗਜੀਕਿਊਟਿਵ ਨੇ ਐਨ.ਡੀ.ਪੀ. ਦੀ ਚੀਫ਼ ਇਲੈਕਟੋਰਲ ਅਫ਼ਸਰ ਐਲਿਜ਼ਾਬੈਥ ਕੱਲ ਦੀ ਸਿਫਾਰਿਸ਼ ਦੇ ਪੱਖ 'ਚ ਵੋਟ ਕਰ ਦਿੱਤਾ।
ਅੱਜ ਦੀ ਗੱਲਬਾਤ ਦੌਰਾਨ ਪ੍ਰੀਮਿਅਰ ਜੌਨ ਹੌਰਗਨ ਨੇ ਕਿਹਾ ਕਿ ਡੇਵਿਡ ਇਬੀ ਨੂੰ ਜਦ ਵੀ ਕੋਈ ਕੰਮ ਦਿੱਤਾ ਗਿਆ ਤਾਂ ਉਹ ਕਾਮਯਾਬੀ ਨਾਲ ਸਿਰੇ ਚੜ੍ਹਿਆ ਅਤੇ ਉਨ੍ਹਾਂ ਨੂੰ ਡੇਵਿਡ ਇਬੀ 'ਤੇ ਮਾਣ ਹੈ।
