17.05C Vancouver 17.05C VancouverSep 12, 2023 6:13 PM - The Canadian Press
ਮੋਰਾਕੋ ਵਿੱਚ ਸ਼ੁੱਕਰਵਾਰ ਨੂੰ ਆਏ ਭੂਚਾਲ ਨੇ ਭਾਰੀ ਤਬਾਹੀ ਮਚਾਈ ਹੋਈ ਹੈ, ਇਸ ਭੂਚਾਲ ਕਾਰਨ 2,900 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਹੈ, ਤੇ ਹਜ਼ਾਰਾਂ ਲੋਕ ਜ਼ਖ਼ਮੀ ਹੋਏ ਹਨ।
ਜਿਵੇਂ ਜਿਵੇਂ ਬਚਾਅ ਕਾਰਜ ਤੇਜ਼ ਹੁੰਦਾ ਜਾ ਰਿਹਾ ਹੈ ਉਂਵੇ ਹੀ ਮੌਤਾਂ ਅਤੇ ਜ਼ਖਮੀਆਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ।
ਮਾਰਾਕੇਸ਼ ਦੇ ਦੱਖਣ ਪੱਛਮ ਵਿਚ ਪੈਂਦੇ ਸੂਬਿਆਂ ਵਿੱਚ ਭਾਰੀ ਤਬਾਹੀ ਮੱਚੀ ਹੋਈ ਹੈ ਇੱਥੇ ਵਸਨੀਕ ਸਹਾਇਤਾ ਦੀ ਉਡੀਕ ਕਰ ਰਹੇ ਹਨ, ਅਤੇ ਬਹੁਤ ਸਾਰੀਆਂ ਕਮਿਊਨਟੀ ਵਿੱਚ ਭੋਜਨ, ਪਾਣੀ, ਬਿਜਲੀ ਦੀ ਲੋੜ੍ਹ ਹੈ।
ਲੋਕਾਂ ਨੂੰ ਖਾਣ-ਪੀਣ ਦਾ ਸਮਾਨ ਅਤੇ ਕੰਬਲ ਵੰਡਣ ਲਈ ਫ਼ੌਜ ਤੈਨਾਤ ਕੀਤੀ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਭੁਚਾਲ ਦੀ ਤੀਬਰਤਾ 6.8 ਮਾਪੀ ਗਈ ਹੈ।
ਜ਼ਿਕਰਯੋਗ ਹੈ ਕਿ ਯੂਐਸ ਜੀਓਲੌਜਿਕਲ ਸਰਵੇਅ ਅਨੁਸਾਰ ਸ਼ੁੱਕਰਵਾਰ ਨੂੰ ਆਇਆ ਭੂਚਾਲ 1960 ਤੋਂ ਬਾਅਦ ਦਾ ਸਭ ਤੋਂ ਘਾਤਕ ਭੂਚਾਲ ਸਾਬਤ ਹੋਇਆ ਹੈ।
1960 ਚ ਆਏ ਭੁਚਾਲ ਵਿੱਚ 12,000 ਲੋਕ ਮਾਰੇ ਗਏ ਸਨ।
