26.08C Vancouver 26.08C VancouverJun 9, 2025 3:46 PM - The Canadian Press
ਕੈਨੇਡਾ ਦੀ 2018 ਦੀ ਵਰਲਡ ਜੂਨੀਅਰ ਹਾਕੀ ਟੀਮ ਨਾਲ ਜੁੜੇ ਹਾਈ-ਪ੍ਰੋਫਾਈਲ ਜਿਨਸੀ ਹਮਲੇ ਦੀ ਸੁਣਵਾਈ ਆਪਣੇ ਅੰਤਿਮ ਦੌਰ ਵਿਚ ਹੈ, ਅੱਜ ਇਸ ਮਾਮਲੇ ਵਿਚ ਡਿਫੈਂਸ ਵਕੀਲ ਆਪਣੀਆਂ ਆਖਰੀ ਦਲੀਲਾਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ ਹਨ।
ਇਸ ਤੋਂ ਬਾਅਦ ਕ੍ਰਾਊਨ ਵਲੋਂ ਸਮਾਪਤੀ ਤਰਕ ਦਿੱਤੇ ਜਾਣਗੇ। ਫਿਰ ਇਨ੍ਹਾਂ ਪੰਜ ਸਾਬਕਾ ਖਿਡਾਰੀਆਂ ਦੀ ਕਿਸਮਤ ਜਸਟਿਸ ਮਰੀਆ ਕੈਰੋਕੀਆ ਦੇ ਹੱਥਾਂ ਵਿਚ ਹੋਵੇਗੀ, ਜਿਨ੍ਹਾਂ ਵਲੋਂ ਆਪਣੇ ਫੈਸਲੇ 'ਤੇ ਪਹੁੰਚਣ ਤੋਂ ਪਹਿਲਾਂ ਸਾਰੇ ਸਬੂਤਾਂ ਦੀ ਦੇਖ ਪਰਖ ਕੀਤੀ ਜਾਵੇਗੀ। ਇਸ ਵਿਚ ਕਿੰਨਾ ਸਮਾਂ ਲੱਗੇਗਾ ਫਿਲਹਾਲ ਇਹ ਕਿਹਾ ਨਹੀਂ ਜਾ ਸਕਦਾ ਪਰ ਦੋਸ਼ੀ ਠਹਿਰਾਏ ਜਾਣ 'ਤੇ ਹਰੇਕ ਖਿਡਾਰੀ ਨੂੰ 10 ਸਾਲ ਤੱਕ ਦੀ ਕੈਦ ਦੀ ਸਜ਼ਾ ਹੋ ਸਕਦੀ ਹੈ।
ਗੌਰਤਲਬ ਹੈ ਕਿ ਇਸ ਕੇਸ ਵਿਚ ਨਾਮਜ਼ਦ ਖਿਡਾਰੀਆਂ ਵਿਚੋਂ ਕਾਰਟਰ ਹਾਰਟ ਇਕਮਾਤਰ ਖਿਡਾਰੀ ਸੀ ਜਿਸ ਨੇ ਟ੍ਰਾਇਲ ਦੌਰਾਨ ਗਵਾਹੀ ਦਿੱਤੀ, ਜਦੋਂ ਕਿ ਮਾਈਕਲ ਮੈਕਲਿਓਡ, ਡਿਲਨ ਡੂਬੇ, ਕੈਲ ਫੁੱਟ ਅਤੇ ਐਲੇਕਸ ਫੋਰਮੈਂਟਨ ਨੇ ਗਵਾਹੀ ਨਾ ਦੇਣ ਦਾ ਫੈਸਲਾ ਕੀਤਾ।
ਸ਼ਿਕਾਇਤਕਰਤਾ ਲੜਕੀ ਵਲੋਂ ਓਨਟਾਰੀਓ ਦੇ ਲੰਡਨ ਦੇ ਇਕ ਹੋਟਲ ਵਿਚ ਉਸ ਨਾਲ ਇਨ੍ਹਾਂ ਖਿਡਾਰੀਆਂ ਵਲੋਂ ਜਿਨਸੀ ਸੋਸ਼ਣ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ ਪਰ ਕਿਸੇ ਵੀ ਖਿਡਾਰੀ ਨੇ ਦੋਸ਼ ਸਵੀਕਾਰ ਨਹੀਂ ਕੀਤਾ ਹੈ।
