8.93C Vancouver 8.93C VancouverAug 9, 2021 10:28 AM -
ਸੋਮਵਾਰ ਨੂੰ ਦਿੱਲੀ ਦੀ ਅਦਾਲਤ ਨੇ ਦਿੱਲੀ ਪੁਲਿਸ ਦੀ ਅਪਰਾਧ ਸ਼ਾਖਾ ਨੂੰ 9 ਸਾਲਾ ਬੱਚੀ ਦੇ ਕਥਿਤ ਜਬਰ-ਜਨਾਹ ਦੇ ਮਾਮਲੇ ਵਿੱਚ ਗਿਰਫ਼ਤਾਰ ਕੀਤੇ ਸਾਰੇ ਦੋਸ਼ੀਆਂ ਦੀ ਤਿੰਨ ਦਿਨਾਂ ਦੀ ਰਿਮਾਂਡ ਦਿੱਤੀ ਹੈ।
ਪਟਿਆਲਾ ਹਾਊਸ ਅਦਾਲਤ ਦੇ ਵਧੀਕ ਸੈਸ਼ਨ ਜੱਜ ਆਸ਼ੂਤੋਸ਼ ਕੁਮਾਰ ਨੇ, ਗਿਰਫ਼ਤਾਰ ਕੀਤੇ ਗਏ, ਸਾਰੇ ਦੋਸ਼ੀਆਂ ਦੀ ਰਿਮਾਂਡ ਦਾ ਹੁਕਮ ਦਿੱਤਾ ਹੈ।
ਇਸ ਤੋਂ ਪਹਿਲਾਂ ਉਹ ਨਿਆਇਕ ਹਿਰਾਸਤ ਵਿੱਚ ਸਨ।
ਸਾਰੇ ਦੋਸ਼ੀਆਂ ਨੂੰ ਵੀਡੀਓ ਕਾਨਫਰੈਂਸਿੰਗ ਜ਼ਰੀਏ ਅਦਾਲਤ ਸਾਹਵੇਂ ਪੇਸ਼ ਕੀਤਾ ਗਿਆ ਸੀ।
ਅਪਰਾਧਿਕ ਬ੍ਰਾਂਚ ਵੱਲੋਂ, ਰਿਮਾਂਡ ਅਰਜ਼ੀ ਜ਼ਰੀਏ, ਦਿੱਲੀ ਅਦਾਲਤ ਵਿੱਚ ਪਹੁੰਚ ਕਰਕੇ, ਗਵਾਹਾਂ ਸਾਹਮਣੇ ਪੇਸ਼ ਕਰਨ, ਸਬੂਤ ਅਤੇ ਦ੍ਰਿਸ਼ ਮੁੜ ਸਿਰਜਣ ਆਦਿ ਲਈ, ਦੋਸ਼ੀਆਂ ਦੀ 5 ਦਿਨਾਂ ਦੀ ਰਿਮਾਂਡ ਮੰਗੀ ਗਈ ਸੀ।
ਪੀੜਤ ਪਰਿਵਾਰ ਵੱਲੋਂ ਪੇਸ਼ ਹੋਏ ਵਕੀਲ ਜਿਤੇਂਦਰ ਝਾ ਅਤੇ ਸੁਰੇਸ਼ ਕੁਮਾਰ ਚੌਧਰੀ ਨੇ ਆਖਿਆ,"ਪੀੜਤ ਪਰਿਵਾਰ ਬਹੁਤ ਹੀ ਗ਼ਰੀਬ ਹੈ। ਸਾਨੂੰ ਦਿੱਲੀ ਪੁਲਿਸ ਵੱਲੋਂ, ਹਲੇ ਤੱਕ ਐੱਫਆਈਆਰ ਦੀ ਕਾਪੀ ਨਹੀਂ ਦਿੱਤੀ ਗਈ। ਦਿੱਲੀ ਪੁਲਿਸ ਦੇ ਸਥਾਨਕ ਥਾਣੇ ਵੱਲੋਂ ਕੀਤੀ ਗਈ ਛਾਣ-ਬੀਣ ਬਹੁਤ ਹੀ ਤਰਸਯੋਗ ਸੀ।"
"ਹੁਣ ਜਦੋਂ ਮਾਮਲਾ ਅਪਰਾਧਿਕ ਬ੍ਰਾਂਚ ਕੋਲ ਤਬਦੀਲ ਕਰ ਦਿੱਤਾ ਗਿਆ ਹੈ, ਅਸੀਂ ਆਜ਼ਾਦ ਅਤੇ ਸਹੀ ਜਾਂਚ ਦੀ ਉਮੀਦ ਕਰਦੇ ਹਾਂ। ਸਾਡੀ ਮੰਗ ਹੈ ਕਿ ਦਿੱਲੀ ਪੁਲਿਸ ਨੂੰ ਮਾਪਿਆਂ ਨੂੰ ਸੁਰੱਖਿਆ ਮੁਹਈਆ ਕਰਾਉਣੀ ਚਾਹੀਦੀ ਹੈ ਅਤੇ ਪਹਿਲਾਂ ਗਵਾਹਾਂ ਦੀ ਵੀ ਸੁਰੱਖਿਆ ਦੇ ਇੰਤਜ਼ਾਮ ਕਰਨੇ ਚਾਹੀਦੇ ਹਨ ਅਤੇ ਇਸ ਲਈ ਅਸੀਂ ਸਹੀ ਫੋਰਮ ਤੱਕ ਪਹੁੰਚ ਕਰਾਂਗੇ,"ਵਕੀਲਾਂ ਨੇ ਆਖਿਆ।
ਦੱਸਣਯੋਗ ਹੈ ਕਿ ਨਾਬਾਲਗ ਕੁੜੀ ਦੇ ਕਥਿਤ ਤੌਰ 'ਤੇ ਹੋਏ ਜਬਰ ਜਨਾਹ, ਕਤਲ ਅਤੇ ਦਿੱਲੀ ਦੇ ਪੁਰਾਣੇ ਨੰਗਲ ਸ਼ਮਸ਼ਾਨ ਘਾਟ ਵਿੱਚ, ਬਿਨਾਂ ਪਰਿਵਾਰ ਦੀ ਇਜਾਜ਼ਤ ਦੇ ਉਸਦਾ ਸਸਕਾਰ ਕਰਨ ਦੇ ਮਾਮਲੇ ਨੂੰ ਤੇਜ਼ੀ ਨਾਲ ਜਾਂਚ ਲਈ ਅਪਰਾਧਿਕ ਸ਼ਾਖਾ ਕੋਲ ਤਬਦੀਲ ਕੀਤਾ ਗਿਆ ਹੈ।
ਦਿੱਲੀ ਦੇ ਪੁਲਿਸ ਕਮਿਸ਼ਨਰ ਰਾਕੇਸ਼ ਅਸਥਾਨਾ ਨੇ ਇਸ ਮਾਮਲੇ ਨੂੰ ਤਬਦੀਲ ਕਰਨ ਦੀ ਹਦਾਇਤ ਦਿੱਤੀ ਹੈ।
ਇਸ ਤੋਂ ਪਹਿਲਾਂ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਵੀ ਕਥਿਤ ਜਬਰ ਜਨਾਹ ਅਤੇ ਕਤਲ ਕੀਤੀ ਗਈ ਇਸ ਨਾਬਾਲਗ ਬੱਚੀ ਦੇ ਪਰਿਵਾਰਕ ਮੈਂਬਰਾਂ ਨੂੰ ਮਿਲੇ ਸਨ ਅਤੇ ਉਨ੍ਹਾਂ ਵੱਲੋਂ ਦਸ ਲੱਖ ਦੇ ਮੁਆਵਜ਼ੇ ਦਾ ਪੁਲਿਸ ਮੁਤਾਬਕ, 1 ਅਗਸਤ ਨੂੰ ਇੱਕ ਪੁਜਾਰੀ ਅਤੇ ਸ਼ਮਸ਼ਾਨ ਘਾਟ ਦੇ ਤਿੰਨ ਕਾਮਿਆਂ ਵੱਲੋਂ, ਦੱਖਣ-ਪੂਰਬੀ ਦਿੱਲੀ ਵਿੱਚ, ਦਿੱਲੀ ਕੈਨਟੋਨਮੈਂਟ ਨੇੜੇ ਇੱਕ 9 ਸਾਲਾ ਬੱਚੀ ਦਾ ਕਥਿਤ ਤੌਰ 'ਤੇ ਜਬਰ-ਜਨਾਹ ਅਤੇ ਉਸਦਾ ਕਤਲ ਕੀਤਾ ਗਿਆ।
ਦਿੱਲੀ ਪੁਲਿਸ ਵੱਲੋਂ ਨਾਬਾਲਗ ਬੱਚੀ ਦੀ ਮਾਂ ਦੇ ਬਿਆਨ ਦੇ ਅਧਾਰ 'ਤੇ, ਚਾਰ ਦੋਸ਼ੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ, ਜਿਸਨੇ ਇਲਜ਼ਾਮ ਲਾਇਆ ਹੈ ਕਿ ਐਤਵਾਰ ਨੂੰ ਉਸਦੀ ਧੀ ਦਾ ਜਬਰ-ਜਨਾਹ ਅਤੇ ਕਤਲ ਕੀਤਾ ਗਿਆ ਅਤੇ ਉਸਦਾ ਸਸਕਾਰ ਉਨ੍ਹਾਂ ਦੀ ਮਰਜ਼ੀ ਖ਼ਿਲਾਫ਼ ਕੀਤਾ ਗਿਆ ਹੈ।
ਗ਼ੌਰਤਲਬ ਹੈ ਕਿ ਦੋਸ਼ੀਆਂ ਖ਼ਿਲਾਫ਼ ਭਾਰਤੀ ਪੀਨਲ ਕੋਡ ਦੀਆਂ ਧਾਰਾਵਾਂ 302,376 ਅਤੇ 506 ਦੇ ਨਾਲ ਨਾਲ ਬੱਚਿਆਂ ਨੂੰ ਯੌਨ ਅਪਰਾਧਾਂ ਤੋਂ ਬਚਾਉਣ (ਪੀਓਸੀਐੱਸਓ) ਅਤੇ ਐੱਸਸੀ/ਐੱਸਟੀ ਧਾਰਾ ਦੇ ਤਹਿਤ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
